Wilangan (matématika)

Artikel iki mbahas 'wilangan' minangka siji konsèp sajeroning matématika. Pangertèn-pangertèn liya saka 'wilangan' bisa dipirsani ing Wilangan (disambiguasi).

Wilangan (basa Jawa Krama: wicalan, basa Indonésia: bilangan), iku konsèp matématika sing dipigunakaké kanggo pancacahan lan pangukuran. Simbol utawa lambang sing dipigunakaké kanggo makili siji wilangan diarani angka utawa lambang wilangan. Sajeroning matématika, konsèp wilangan suwéné mataun-taun suwéné wis diwiyaraké kanggo ngambah wilangan nol, wilangan négatif, wilangan rasional, wilangan irasional, lan wilangan komplèks.

Prosedhur-prosedhur tinentu sing njupuk wilangan minangka lebonan lan ngasilaké wilangan liyané minangka wetonan, diarani operasi numeris. Operasi uner njupuk siji lebonan wilangan lan ngasilaké siji wetonan wilangan. Operasi sing luwih umum tinemu ya iku operasi biner, sing njupuk rong wilangan minangka lebonan lan ngasilaké siji wilangan minangka wetonan. Conto operasi biner ya iku tambah, suda, ping, para, lan pangkat. Babagan matématika sing njabaraké operasi numeris diarani aritmetika.

Pirsani uga

• wilangan asli
• wilangan prima
• Sistem wilangan Arab
• wilangan ganjil lan genep
• pratélan angka
• konstanta matématika
• Sistem wilangan