Katakombe

Prosesi Nyarekake San Callistus ing Roma.

Katakombe iku kuburan kang ana ing sangisoré lemah ing pirang-pirang kutha ing Kamaharajan Roma, khususé ing kutha Roma. Awale kuburan iku kanggo kuburan kaya lumrahé, banjur digali dadi lorong-lorong dawa sangisore lemah nganti pirang-pirang tingkat. Nyarekake wong séda iku wis dadi warisan tradhisi saka mbah buyute wiwit dhisike isih kafir. Nanging, banjur iki dijupuk déning wong-wong Kristen. Tembok-temboke lorong iku kanggo kuburane wong-wong kang duwé iman lan ruang-ruang gedhé kanggo patemonan ibadat rahasia nalika penganiayaan kang dilakokake déning pamaréntah Romawi ing abad pisanane wong Kristen (abad 1 nganti tekan abad abad 4) saka jaman Kaisar Valeranius. Wong-wong Kristen meneng-meneng kumpul ing katakombe-katakombe San Sebastiano ing sajabane témbok kutha Roma kanggo njaluk parlindhungane Rasul Petrus lan Paulus kang mayite disarekake ing katakombe iki.

Pamilihan panggonan ing batu kang diarani lemah tuffa, iku lemah kang kurang atos, nanging wis kena udara garing banjur dadi atos. Katakombe dibangun wiwit abad 2. Ing abad 4, katakombe kanggo upacara kanggo mengeti para saksi iman utawa martir Kristen kang séda sajeroning penganiayaan. Sawisé abad 7 peratalat ibadat ing katakombe dijupuki déning suku Langobard lan pirang-pirang penyerbu lan akèh para martir kang dipindhahake menyang penggonan-panggonan kang luwih aman ing abad kaping 9. Sawisé iku, katakombe ora kaurus nganti tekan abad kaping 16.

Pranala njaba

• (ing basa Inggris)The Catacombs of Naples
• (ing basa Inggris)The Catacombs of Paris Archived 2008-07-03 at the Wayback Machine.
• (ing basa Inggris)The Catacombs of Saint Sebastian
• (ing basa Inggris)Catacombs
• (ing basa Inggris)The Catacombs of Saint Callist Archived 2007-04-17 at the Wayback Machine.
• (ing basa Inggris)Subterranean Britannica