Contrabasso
| Contrabasso |
|---|
| instantia de: typo de instrumento musical[*], Basso[*] |
| subclasse de: necked box lutes played with a bow[*] |
| parte de: violin family[*] |
|
|
|
| data de creation: annos 1400, annos 1800 |
| Commons: Double basses |
Le contrabasso[1] es un instrumento musical de chordas. In le orchestra modern, le contrabasso es le instrumento de chordas plus grande e plus grave. Illo pote esser sonate per un archetto, pizzicar o technicas percutente. Le contrabasso ha quatro chordas que es accordate al notas E1, A1, D2 e G2. Le differentias del notas inter le chordas es un quatro, al contrario del instrumentos orchestral altere de chordas, ubi le differentias es un quinto. Le contrabasso es un instrumento transpositor; su musica es scribite usualmente un octava plus altere que le nota actual. Contrabassistas debe seder sur un tabouret alte o star quand illes lo sona, a causa de su grandor.
Le instrumento se evolveva in Europa post 1400. Il ha un disputa re esque le contrabasso veniva del viola de gamba o le familia del violino. Originalmente usate in orchestras del musica classic, illos es usate in bandas de multe generes del musica. Illos inclusive jazz, country, bluegrass, folk e (in le prime annos) rock. Le contrabasso deveniva minus commun in musica popular post le invention del guitarra basso in le annos 1950. Ma multe generes continue preferer le contrabasso, que ha un sono differente.