Vannes

Vannes

Gwened (br)
Bandeira Brasón
Alcume	cité des Vénètes
Localización
47°39′18″N 2°45′42″O
Estado	Francia
Divisións administrativas	Francia Metropolitana
Defense and Security zone of France (en)	Western defense and security zone (en)
Rexións	Bretaña
Departamento	Morbihan
Distritos	arrondissement of Vannes (en)
Capital de	Morbihan canton of Vannes-Est (en) canton of Vannes-Ouest (en) canton of Vannes-Centre (en) Bro Gwened arrondissement of Vannes (en) canton of Vannes-2 (en) (2015–) canton of Vannes-3 (en) (2015–) canton of Vannes-1 (en) (2015–)
Poboación
Poboación	54.420 (2021) (1.684,83 hab./km²)
Xeografía
Situado na entidade territorial estatística	Q108921890 Q3551178
Superficie	32,3 km²
Bañado por	Marle (en) e Vincin (en)
Altitude	22 m-0 m-56 m
Comparte fronteira con	Saint-Avé Ploeren Plescop Arradon Saint-Nolff Séné Theix-Noyalo
Identificador descritivo
Código postal	56000
Fuso horario	UTC+01:00, horario estándar UTC+02:00, horario de verán
Outro
Irmandado con	Cuxhaven Fareham (pt) Mons
Sitio web	mairie-vannes.fr

Vannes (en bretón: Gwened, e en galó: Van), é un concello francés situado na costa sur da Bretaña. Está situada na Baixa-Bretaña e é a prefectura do departamento do Morbihan. Centro económico e destino turístico, cunha poboación de 52.683 habitantes (2007), é a quinta cidade da Bretaña. A cidade está construída en anfiteatro no fondo do golfo de Morbihan. A cidade antiga está rodeada de murallas e agrúpase ao redor da catedral San Pedro.

Xeografía

Vannes está situada no sur-centro da Bretaña, na ribeira norte do golfo de Morbihan, no estuario da Marle. Pódese dicir que é á vez unha cidade do interior e da costa, pois está na beira do golfo de Morbihan e dista 15 km do océano Atlántico.

Vannes desenvolveuse ao redor do centro histórico que se encontra na confluencia de tres outeiros: o outeiro do Mené onde está a parte intra-muros da cidade, o outeiro de Boismoreau onde está o barrio Saint-Patern e o outeiro de Garenne onde están a prefectura e a sede do conseil géneral do Morbihan.

A porta Saint Vincent, principal porta de entrada da cidade antiga, queda xunto ao porto deportivo ao que se accede por un canal de 1.500 m até a ponte de Kérino.

Clima

Vannes benefíciase cun clima oceánico, caracterizado por invernos suaves e choivosos e veráns frescos e relativamente húmidos. A media é de 1.829 horas de sol ao ano.

Comunicación

Xa na antiguidade Darioritum estaba situada na estrada do Océano, vía romana que unía Lión e Brest. A capital dos venetas era unha encrucillada importante de onde saían seis vías romanas, cara Locmariaquer (na entrada oeste do golfo de Morbihan), Hennebont, Corseul, Rennes, Rieux e Arzal, con desvío até Port-Navalo (na entrada leste do golfo). Encóntrase na encrucillada entre o eixe Nantes-Brest, formado pola A82 que a conecta coas principais cidades da Bretaña: Brest, Quimper, Lorient, Saint-Nazaire e Nantes. Rennes, a capital administrativa da rexión da Bretaña, está a 114 km. A estación de tren, construída en 1862.

Historia

A vila galorrománica Darioritum foi fundada a finais do século I ane, na elevación de Boismoreau, dominando a ría e organizada ao redor dun amplo forum, centro administrativo e político do territorio véneto. O porto situado na parte baixa da vila favorecía a actividade comercial da ‘‘civitas’’. A finais do século III a construción dun castro impónse sobre a elevación veciña de Mené.

A principios do século V pasa a chamarse ‘‘Venetis’’, nome procedente dos venetas, galos vencidos por César en 56 ane. Durante moito tempo escribiuse ‘‘Vennes’’ e ‘‘Gwened’’ en bretón.

Nos séculos XII e XIII iniciouse a reconstrución da catedral, a edificación da ‘‘cohue’’ o mantemento da muralla... estruturándose unha rede viaria ao redor destes grandes edificios.

Tras o conflito dinástico que arrasa a Bretaña na segunda metade do século XIV os duques da familia de Monfort escollen Vannes como lugar de residencia. O duque Jean IV (1365-1399) mandou construír o castelo de Hermine e ampliar o recinto urbano que pasou así de cinco a dez hectáreas, estendéndose cara ao porto. A finais da idade media Vannes era unha das principais cidades da Bretaña.

En 1485 o duque François II crea en Vannes o primeiro parlamento da Bretaña. As sesións celébranse en Château Gaillard.

En 1488 o exército do duque François II é vencido polo exército francés en Saint-Aubun-du-Cornier, preto de Rennes. Os sucesivos matrimonios da súa filla, a duquesa Ana da Bretaña, cos reis de Francia Charles VIII e Lois XII intentaron pór fin á independencia da Bretaña. Pero en Vannes, en agosto de 1532, o rei François I reuniuse cos parlamentarios bretóns para decidir un tratado de Unión Perpetua que foi ratificado algúns meses máis tarde no castelo de Plessis-Macé en Anjou.

Entre 1675 e 1689 o exilio do parlamento da Bretaña, forzado a abandonar Rennes por Vannes, deu impulso a novas construcións, sobre todo na parte sur da cidade amurallada.

Alcanzou o rango de prefectura do Morbihan en 1791.

Na segunda metade do século XIX dous factores provocaron a urbanización do arrabalde: a chegada do ferrocarril en 1862 e, despois de 1870, a instalación de dous rexementos de artillaría. Constrúense novos edificios públicos (prefectura, casa do concello). Despois da segunda guerra mundial iniciouse un forte crecemento.

Ensino

• A Universidade de Bretagne-Sud, creada en 1995, ten un campus en Vannes.

Monumentos e sitios históricos

Vannes ten a gategoría de Cidade de Arte e Historia e alberga numerosos monumentos e lugares culturais de primeiro orde. Ten 272 monumentos clasificados ou inscritos no inventario dos monumentos históricos.

O concello é unha cidade florida, obtivo catro flores en 2008 e a distinción Gran Premio na clasificación 2007 no certame das cidades e vilas floridas.

• As casas da zona antiga. As típicas casas do casco antigo da cidade, as máis antigas do século XV, mostran a arquitectura característica da idade media, coas súas fachadas de palla-barro con entramados de vigas de madeira á vista.
• Catedral Saint-Pierre. Clasificada como monumento histórico dende 1906. Foi reconstruída no século XV sobre a situación da primitiva catedral románica. A fachada occidental, de estilo neogótico, foi reconstruída no século XIX.

Eventos culturais e festividades

• Festi’Vannes, festival de música fundado en 2002. Desenvólvese nos bares do centro da cidade durante o mes de abril, aberto a todos os estilos de música.
• Semaine du Golfe, festa marítima que ten lugar cada dous anos a semana antes da Ascensión nos concellos do litoral do Golfo de Morbihan.
• Feira do libro da Bretaña, en xuño, nos xardíns das murallas, creado en 2008.
• Festas históricas de Vannes, en xullo, recreando os grandes períodos da historia da cidade.
• Jazz en Vannes, en xullo-agosto, festival de música jazz creado en 1980.
• Festas de Arvor, en agosto, poñen en valor a cultura bretoa.
• Festival O mar en imaxes, exposición de fotos mariñas.
• Motocultor Festival, a finais de agosto

Cidades irmandadas

• Bélxica, Mons (1952)
• Alemaña, Cuxhaven (1963)
• Reino Unido Fareham (1967)

Galería de imaxes

• 
  As típicas casas do casco antigo de Vannes, coa catedral asomando por detrás
• 
  Unha rúa comercial, no casco antigo de Vannes
• 
  Xardíns ao pe da muralla

Véxase tamén

Ligazóns externas

• Sitio oficial do Concello de Vannes