Timulina
Número CAS: 63958-90-7.
Fórmula: C33H54N12O15.
A timulina, tamén chamada factor tímico[1] ou factor tímico sérico, é un nonapéptido con función hormonal producido por dúas poboacións de células epiteliais do timo, descrito en 1977 por J. Bach.[2] A timulina require cinc para a súa actividade biolóxica.
Crese que a hormona está implicada na diferenciación das células T e a estimulación das accións das células T e NK.[2] Ademais deste efecto parácrino ou auto-orgánico sobre o sistema inmunitario dependente do timo, a timulina tamén parece ter efectos neuroendócrinos. Existen interaccións bidireccionais entre o epitelio tímico e o eixe hipotalámico-hipofisario (por exemplo, a timulina segue un ritmo circadiano e os niveis fisioloxicamente elevados de ACTH correlaciónanse positivamente cos niveis plasmáticos de timulina e viceversa[3]).
Moitas investigacións recentes están enfocadas a estudar o papel da timulina como efector de mediadores proinflamatorios/citocinas. Descubriuse que un péptido análogo á timulina (PAT) ten efectos analxésicos en altas concentracións e especialmente efectos neuroprotectores antiinflamatorios no sistema nervioso central.[4] As células diana da timulina para exercer este efecto parecen ser os astrocitos. Os investigadores esperan desenvolver fármacos que impidan os procesos inflamatorios asociados a enfermidades neurodexenerativas e mesmo o reumatismo coa axuda de análogos da timulina.
Ademais, a timulina foi asociada coa anorexia nerviosa.[5]
Notas
[editar | editar a fonte]- ↑ PubChem compound Thymic factor
- ↑ 2,0 2,1 Bach J, Bardenne M, Pleau J, Rosa J (1977). "Biochemical characterisation of a serum thymic factor". Nature 266 (5597): 55–7. PMID 300146. doi:10.1038/266055a0.
- ↑ Hadley AJ, Rantle CM, Buckingham JC (1997). "Thymulin stimulates corticotrophin release and cyclic nucleotide formation in the rat anterior pituitary gland". Neuroimmunomodulation 4 (2): 62–9. PMID 9483196.
- ↑ Dardenne M, Saade N, Safieh-Garabedian B (2006). "Role of thymulin or its analogue as a new analgesic molecule". Ann. N. Y. Acad. Sci. 1088: 153–63. PMID 17192563. doi:10.1196/annals.1366.006.
- ↑ Wade S, Mossé A, LubetzkiJ, Flavigny H, Chapuis P, Roche D, Lemonnier D, Dardenne M; Bleiberg F (1985). "Thymulin (Zn-facteur thymique serique) activity in anorexia nervosa patients". Am. J. Clin. Nutr. 42 (2): 275–80. PMID 3927699.
