San Lourenzo de Pentes, A Gudiña

Para outras páxinas con títulos homónimos véxase: San Mamede de Pentes.

San Lourenzo de Pentes
Vista da aldea
Concello	A Gudiña
Provincia	Ourense
Coordenadas	41°59′49″N 7°12′52″O
Poboación	63 hab. (2014)
Entidades de poboación	1
[ editar datos en Wikidata ]

San Lourenzo de Pentes é unha parroquia do concello da Gudiña, situada a uns 11 km ao suroeste da capital do concello. Segundo o IGE tiña 63 habitantes no 2014 (32 homes e 31 mulleres), 19 menos ca en 2011.

Xeografía

Ten paisaxe montañosa con diversos tipos de árbores, como piñeiros, carballos ou castiñeiros. Percorren a parroquia o río Mente e o río Ribeiriña. Hai bastantes camiños e rutas polas cales se pode pasear ou facer sendeirismo.

Pola parroquia pasa a vía da Prata do Camiño de Santiago, amais da estrada N-525 e a autovía A-52.

Ademais do núcleo de San Lourenzo existiu a aldea da Xestosa, despoboado na actualidade, pero do cal se conservan restos.

Economía

A agricultura, malia non estar industrializada, ten certa relevancia: Ademais de froitos como a castaña, mazá, pera, figo, bévera, marmelo, pavía, kiwi, ou cereixa, hai outros produtos como a pataca, o millo, ou o centeo e outros cultivos hortícolas de menor extensión e relevancia.

Na parroquia hai unha canteira da que se obtén a pedra verdidourada, empregada para revestimentos de fachadas, casetas ou muros, e é usada tanto na zona como para a exportación.

Galería de imaxes

• 
  Igrexa
• 
  Escola
• 
  Cemiterio
• 
  Casas

Lugares e parroquias

Lugares de San Lourenzo de Pentes

Lugares da parroquia de San Lourenzo de Pentes no concello da Gudiña (Ourense)
San Lourenzo

Véxase tamén

Outros artigos

• Lugares da Gudiña