Río Don

Río Don

(ru) Дон
(2007)
Tipo	río
Parte de	Unified Deep Water System of European Russia (en)
Inicio
Continente	Europa
País da cunca	Rusia
División administrativa	Oblast de Tula, Rusia (pt) , Óblast de Ryazan, Rusia, Óblast de Rostov, Rusia, Provincia de Lipetsk, Rusia, óblast de Voronezh, Rusia e Óblast de Volgogrado, Rusia
Localización	Planalto central da Rússia (pt)
Final
División administrativa	Rusia
Localización	Óblast de Rostov
Desembocadura	Mar de Azov
54°00′44″N 38°16′40″L B 47°05′11″N 39°14′19″L
Afluentes	85
Conca hidrográfica	Don basin (en)
Características
Dimensións	1.870 () km
Superficie da cunca hidrográfica	422.000 km²
Medicións
Caudal	935 m³/s

Mapa coa cunca do Don

O Don (en ruso: Дон), é un importante río de Rusia, cun curso de 1.950 km, que desemboca no mar de Azov. O total da súa cunca abrangue unha área de 425.600 km².

Percorrido

O Don nace no lago Iván (Ivan Ozero), non lonxe da cidade de Tula. Desde a súa fonte, primeiro flúe cara ó sueste até Voronezh, despois cara suroeste. A cidade máis importante que atravesa no seu curso é Rostov do Don. No seu extremo oriental, o Don pasa próximo do río Volga, o que foi aproveitado para unir ambas bacías fluviais a través do canal Volga-Don, unha importante vía de navegación na Rusia meridional, que atinxe uns 105 km. Desde Rostov parte tamén un canal que o comunica directamnete co mar Caspio. Desemboca finalmente no mar de Azov, na baía de Taganrog, e xusto xunto a pequena cidade de Azov.

Afluentes

O máis importante dos afluentes é o Donets (1.053 km), pola beira dereita, que ten a maior parte do seu curso en Ucraína. Pola marxe esquerda destacan o río Medveditsa (745 km) e o Chopjor (1.010 km).

Historia

O río era coñecido na Grecia antiga, denominandoo Tanais, sendo utilizado como ruta comercial esencial para penetrar nas chairas rusas. O curso do río foi considerado antigamente como o límite entre Europa e Asia.

O curso baixo do Don foi o escenario da Operación Urano, que durante a segunda guerra mundial marcou o comezo da contraofensiva soviética na batalla de Stalingrado.

Étimo do nome

O nome do Don contén a mesma raíz indoeuropea, *dhen - "correr, fluír", que o Danubio (lémbrese que este en alemán é Donau), e tamén aparece na primeira parte dos nomes dos ríos Dnister ou Dniéper. Posibelmente o nome orixinal era o escita (iranio) danu "río", evolucionado en oseto a don "río".