Río Dniéper

Río Dniéper

(be) Дняпро (uk) Дніпро (ru) Днепр
Tipo	río rio internacional (pt)
Inicio
Continente	Europa
País da cunca	Rusia, Ucraína e Belarús
División administrativa	Oblast de Zaporíjia, Ucraína (pt) , Oblast de Kherson, Ucraína (pt) , Voblast de Viciebsk, Belarús (pt) , Rexión de Mahilioŭ, Belarús, Rexión de Homieĺ, Belarús, Rexión de Dnipropetrovsk, Ucraína, Oblast de Poltava, Ucraína, Oblast de Kirovogrado, Ucraína (pt) , Óblast de Cherkasy, Ucraína, Oblast de Tchernihiv, Ucraína (pt) , Oblast de Kiev, Ucraína (pt) , Kíiv, Ucraína e Oblast de Smolensk, Rusia (pt)
Localización	Colinas de Valdai (pt)
Final
Localización	Dnieper Estuary (en)
55°52′20″N 33°43′26″L B 46°29′47″N 32°17′14″L
Afluentes	103
Conca hidrográfica	Dnieper basin (en)
Características
Dimensións	2.285 () km
Superficie da cunca hidrográfica	503.500 km²
Pendente	0,11 por mil (pt)
Medicións
Caudal	1.670 m³/s (Kherson (pt) )

O Dniéper (en ruso: Днепр/Dnepr; en belaruso: Дняпро/Dnyapro, en ucraíno: Дніпро/Dnipro) é un río con 2290 km de percurso (o cuarto en Europa logo do Volga, o Danubio e o Ural).

Percorrido

O Dniéper nace no altiplano de Valdai (Rusia occidental), para entrar despois en Belarús; foi logo, durante 115 km, de fronteira natural entre Belarús e Ucraína, para por fin facer o resto do seu curso a través da Ucraína, na cal baña a capital, Kíiv, atravesándoa de norte a sur. Ao longo dos tres países mantén esencialmente o mesmo nome, aínda que con pequenas variantes gráficas e de pronunciación.

O Dniéper desauga no mar Negro cun longo estuario, non lonxe da cidade de Odesa, a occidente da península de Crimea. O seu caudal medio na foz é de 1670 m³/s.

A conca hidrográfica do Dniéper abrangue unha área de 516 000 km², unha superficie maior que a de España, o que a torna na terceira en Europa, despois das do Volga e do Danubio.

Explotación económica

Nos últimos 800 km do río está regulado por unha serie de grandes encoros. Estes encoros son: o de Kíiv (Kyivs'ke) (922 km², cunha lonxitude de 110 km e unha largura de 12 km, presenta gran cantidade de algas), o de Kaniv (582 km²), o de Kremenchuk (2252 km²), o encoro de Dniprodzerzhin (567 km²), o de Zaporiz (410 km²) e o de Kakhov (2155 km²). As presas destes encoros son utilizados para producir enerxía hidroeléctrica, que representa sobre do 10% electricidade xerada en Ucraína.

Nome e historia

O río Dniéper é mencionado polo grego Herodoto no Século V a.C. como Borysthenes. Os historiadores romanos denominárono Danaper. O vello nome usado na época medieval, cando do Rus de Kíiv, era Slavutich.

O Dniéper foi de sempre a principal vía de comunicación nesta zona, facilitando as comunicacións entre o Mar Negro e o mar Báltico. A través desta ruta fluvial, viquingos e polacos movéronse cara ao sur.

O Dniéper foi, durante a última guerra mundial, o eixo da "liña Stalin", escenario de duros combates entre os exércitos alemáns e soviéticos.

Cidades ás beiras do Dniéper

Desde o seu nacemento até a desembocadura temos entre as cidades principais erguidas as súas orelas:

• Dorogobuzh, Rusia
• Smolensk, Rusia
• Orša, Belarús
• Sklou, Belarús
• Mahilëu, Belarús
• Byhau, Belarús
• Rahacou, Belarús
• Zlobin, Belarús
• Rècyca, Belarús
• Kíiv, Ucraína
• Kaniv, Ucraína
• Čerkasi, Ucraína
• Kremenchuk, Ucraína
• Kamianske, Ucraína
• Dnipro, Ucraína
• Zaporizhzhia, Ucraína
• Marhanets, Ucraína
• Nikopol, Ucraína
• Nova Kakhovka, Ucraína
• Khersón, Ucraína

Afluentes do Dniéper

Destacan entre os tributarios máis importantes do Dniéper en orde desde a fonte:

• Drut (D)
• Sozh (E)
• Berezina (D)
• Pripyat (D)
• Irpen (D)
• Sula (E)
• Vorskla (E)
• Samara (E)
• Ros (D)
• Bazavluk (D)
• Ingulec (D)
• Konka(D)
• Desna (E)