Pego, Alacant

Para outras páxinas con títulos homónimos véxase: Pego.

Pego, Alacant

Brasón
Localización
38°50′35″N 0°07′03″O
Estado	España
Comunidade autónoma	Comunidade Valenciana
Provincia	Provincia de Alacant
Comarca da Comunidade Valenciana	Marina Alta
Poboación
Poboación	10.485 (2023) (198,39 hab./km²)
Lingua oficial	lingua catalá (lingua predominante)
Xeografía
Parte de	Mancomunidade Comarcal da Marina Alta Mancomunidade de Servizos Sociais e Turismo de Pego, L'Atzúvia e Les Valls
Superficie	52,85 km²
Altitude	82 m
Comparte fronteira con	L'Atzúbia El Ràfol d'Almúnia Sagra Tormos Orba Dénia Oliva La Vall d'Ebo
Organización política
• Alcalde	Enrique Moll Briones (en) (2013–)
Identificador descritivo
Código postal	03780
Fuso horario	UTC+01:00
Código INE	03102
Código ARGOS de concellos	03102
Sitio web	pego.es

Pego é un concello da Comunidade Valenciana situado no nordeste da provincia de Alacant, no límite coa provincia de Valencia e na comarca da Marina Alta. Ten 11.043 habitantes (INE 2008). Foi historicamente centro do val que porta o seu nome así como tamén das poboacións dos vales veciños da comarca. O rei Pedro III creou a baronía de Pego (1262) e repoboouna con colonos barceloneses segundo documentación da época.

Foi cabeza de partido xudicial e pertenceu ás demarcacións históricas da gobernación de Xàtiva até o 1707 e despois á de Dénia até o 1833, ano en que pasa a pertencer á provincia de Alacant. A área comercial onde se inclúe é a de Gandia mantendo un mercado propio bastante importante.

Xeografía

O Val de Pego está composto polos concellos de Pego e de L'Atzúbia. Constitúe unha clara unidade física e humana situada no centro norte da comarca da Marina Alta, á beira da provincia de Valencia. É unha gran depresión rodeada de montañas, fóra da zona de levante onde hai unha formación de albufeira, pantano e un cordón areoso das devesas.

As montañas máis destacadas son: a Serra del Cavall (713 m de altura), Montnegre (653 m), Bodoix (556 m), Mostalla (359 m), Ambra (298 m). Os ríos do val son: Bullentó ou Calapatar, que dá orixe ao de Racons ou Molinell por medio do río Revolta que os serve de ligazón. Tamén hai os cantís de Benixat, Benituba, Castelló, Mostalla e Sant Joaquim. A súa pluviometría é das máis altas do país, o que fai que acumule augas do val e dos veciños e que haxa unha zona pantanosa. Foi moi destacado o cultivo do arroz bombón durante o século XX.

Accédese a esta localidade por estrada, dende Alacant, a través da N-332 tomando logo a CV-700. Pego limita cos termos municipais de L'Atzúvia, Dénia, Orba, Ràfol d'Almúnia, Sagra, Tormos, La Vall d'Ebo e Oliva, este último pertencente á provincia de Valencia.

Demografía

Conta cunha poboación de 11.043 habitantes (2008). Un 18,7% da súa poboación censada é da inmigración, principalmente doutros países do continente europeo.

Evolución demográfica de Pego
	1857	1887	1900	1910	1920	1930	1940	1950	1960	1970	1981	1991	2000	2007	2008
Poboación	5.847	6.509	6.983	7.849	7.409	8.398	8.547	8.491	8.291	8.861	9.112	9.062	10.103	10.878	11.043

Economía

Cultivo do arroz

A súa economía descansa na agricultura de regadío, concretamente nos cítricos e no cultivo do arroz na zona de pantano, se ben é certo que os seus servizos se proxectan fóra da poboación. Ademais de cultivar numerosas laranxeiras, típicas do País Valenciano.