Parafina

Parafina é o nome común dun grupo de hidrocarburos alcanos de fórmula xeral C_nH_2n+2, onde n é o número de átomos de carbono.

Características

A molécula simple da parafina provén do metano, CH₄, un gas a temperatura ambiente; en cambio, os membros máis pesados da serie, como o octano C₈H₁₈, preséntanse como líquidos. As formas sólidas de parafina, chamadas cera de parafina, proveñen das moléculas máis pesadas C₂₀ a C₄₀. A parafina foi identificada por Carl Reichenbach nesta forma, en 1830.

Parafina, ou hidrocarbono de parafina, é tamén o nome técnico dun alcano en xeral, aínda que na maioría dos casos refírese especificamente a un alcano lineal ou alcano normal se posúe ramificacións, os isoalcanos tamén son chamados isoparafinas.

O nome deriva do latín parum (= apenas) + affinis aquí utilizado co significado de "falta de afinidade", ou "falta de reactividade".