Nottinghamshire

Nottinghamshire
Localización
	53°10′N 1°00′O / 53.17, -1
Estado	Reino Unido
País	Inglaterra
Rexións	Midlands do Leste
Capital	West Bridgford (en)
Contén a división administrativa	City of Nottingham (en) ; Nottinghamshire (en)
Poboación
Poboación	1.170.475 (2020) (542,06 hab./km²)
Xeografía
Superficie	2.159,3253 km²
Comparte fronteira con	South Yorkshire (pt) , norte ; Lincolnshire, leste ; Derbyshire, oeste ; Leicestershire, sur
ISO 3166-2	GB-NTT
Código NUTS	UKF15
Outro
Irmandado con	Poznan ; Cheliabinsk (2000–)
Sitio web	nottinghamshire.gov.uk

Nottinghamshire (abreviado Notts) é un condado de East Midlands, que limita con South Yorkshire, North Lincolnshire, Lincolnshire, Leicestershire e Derbyshire.^[1]

Administración

A cidade do condado é tradicionalmente Nottingham, a 52°57′17″N, 1°09′29″O, aínda que agora o concello ten a súa sede en West Bridgford (nun lugar que mira a Nottingham sobre o río Trent).

Distritos

Os distritos de Nottinghamshire son Ashfield, Bassetlaw, Broxtowe, Gedling, Mansfield, Newark e Sherwood e Rushcliffe. A cidade de Nottingham formou parte administrativamente de Nottinghamshire entre 1974 e 1998, pero agora é unha autoridade unitaria, aínda que segue sendo parte do condado.

Cultura

Nottinghamshire contén a casa ancestral do poeta Lord Byron, Newstead Abbey, que a vendeu en 1818. Agora é propiedade do Concello de Nottingham e está aberta ao público. No escudo do condado está representada a silueta de Robin Hood e na bandeira o lendario Carballo Maior (Major Oak) do bosque de Sherwood.

Asentamentos e comunicacións

A cidade tradicional do condado, e o maior asentamento nos límites históricos e cerimoniais do condado, é Nottingham. A cidade agora é independente administrativamente, pero os suburbios como Arnold, Carlton, West Bridgford, Beeston e Stapleford aínda están dentro do condado administrativo e West Bridgford é agora a sede do consello do condado.