Mus (xénero)
- Véxase tamén: Rato.
| Mus Rango fósil: Mioceno tardío-Actual | |||||||||||||||||
|---|---|---|---|---|---|---|---|---|---|---|---|---|---|---|---|---|---|
 Mus musculus | |||||||||||||||||
| Clasificación científica | |||||||||||||||||
| |||||||||||||||||
| Especie tipo | |||||||||||||||||
| Mus musculus Linnaeus, 1758 | |||||||||||||||||
| Especies | |||||||||||||||||
|
| |||||||||||||||||
Mus é un xénero de roedores miomorfos da familia Muridae que inclúe a maioría dos roedores chamados comunmente ratos, aínda que o nome rato ten un significado máis amplo e utilízase tamén para especies que pertencen a outros xéneros (como Apodemus). En Galicia viven dúas especies deste xénero: o rato doméstico (Mus misculus) e o rato mouro (Mus spretus).
Os fósiles máis antigos atribuídos a este xénero datan do Mioceno superior de Asia e África.[1]
Historia natural
[editar | editar a fonte]A especie máis común e coñecida é o rato doméstico ou caseiro (Mus musculus), o segundo mamífero máis estendido do planeta tralo ser humano. Vive normalmente como comensal nas casas humanas. O rato de laboratorio é unha variedade desta especie, que é un organismo modelo moi utilizado, xa que é fácil de alimentar, ocupa pouco sitio, reprodúcese con rapidez e é un mamífero, polo que moitos dos resultados dos experimentos feitos con el son extrapolables aos humanos. O rato doméstico foi unha das primeiras especies ás que se secuenciou o xenoma e unha das poucas que viaxou ao espazo exterior.[2]. Na natureza as especies deste xénero son presa de varios mamíferos carnívoros, aves de presa diúrnas e nocturnas, lagartos, serpes, e outros animais, e o home utiliza trampas, velenos e animais como os gatos para controlalos. Todo isto fai que a vida dun rato caseiro rara vez exceda os tres meses de duración, aínda que en catividade poden chegar aos dous anos.
Na natureza, a maioría das especies de Mus son herbívoras, consomen todo tipo de froitas ou grans das plantas. Debido a isto, os ratos adáptanse ben ás zonas urbanas e poden comer todo tipo de restos de comida. En catividade, os ratos son alimentados con dieta comercial en pílulas para ratos. Os ratos poden ser pragas para as colleitas.
Sistemática
[editar | editar a fonte]Existen 38 especies do xénero Mus en catro subxéneros:[3]
- Subxénero Coelomys
- Subxénero Mus
- Mus booduga
- Mus caroli
- Mus cervicolor. Subespecies:
- Mus cookii
- Mus famulus
- Mus fragilicauda
- Mus macedonicus. Subespecies:
- Mus musculus. Subespecies:
- Mus musculus albula
- Mus musculus bactrianus
- Mus musculus brevirostris
- Mus musculus castaneus
- Mus musculus domesticus
- Mus musculus gansuensis
- Mus musculus gentilulus
- Mus musculus helgolandicus
- Mus musculus homourus
- Mus musculus isatissus
- Mus musculus molossinus
- Mus musculus musculus
- Mus musculus wagneri
- Mus spicilegus
- Mus spretus
- Mus terricolor
- Mus triton
- Subxénero Nannomys
- Subxénero Pyromys
- Incertae sedis
Notas
[editar | editar a fonte]- ↑ Fossilworks. "Fossilworks: Mus" (en inglés). Arquivado dende o orixinal o 17 de novembro de 2015. Consultado o 13 de novembro de 2015.
- ↑ "NASA - Mars Mice". NASA (en inglés). Arquivado dende o orixinal o 31 de outubro de 2005. Consultado o 14 de novembro de 2016.
- ↑ "Mus (mouse, genus)". NCBI taxonomy (en inglés). Bethesda, MD: National Center for Biotechnology Information. Consultado o 9 de febreiro de 2018.
Véxase tamén
[editar | editar a fonte] |
Wikispecies posúe unha páxina sobre: Mus |
 |
Commons ten máis contidos multimedia sobre: ratones |
Outros artigos
[editar | editar a fonte]Ligazóns externas
[editar | editar a fonte]- Mus en "Fauna ibérica; mamíferos". Ángel Cabrera Latorre. 1914. Facsímile electrónico.
- Artigo de Nature sobre o impacto dos ratos nas especies ameazadas.
- Libro en liña "The Coat Colors of Mice"
