Mul de Kent

Mul de Kent

Nome orixinal	(en) Mul
Biografía
Nacemento	século VII
Morte	687 Reino de Kent
Causa da morte	morte na fogueira
Lugar de sepultura	Abadía de Santo Agostiño de Canterbury
Actividade
Ocupación	monarca
Familia
Familia	Casa de Wessex
Pai	Cenberht
Irmáns	Cædwalla de Wessex

Mul (anglosaxón: Mūl: Mūl, literalmente "mula"), finado en 687, puido gobernar brevemente como rei de Kent despois da conquista polo seu irmán, Caedwalla de Wessex, en 686.

Traxectoria

O pai de Mul era Coenberht, cousa que o fai un membro da Casa de Wessex (un descendante de Cynric). O nome Mul é moi infrecuente e considerouse que deriva do latino mulus, que significa mula, unha palabra que se sabe que entrara no léxico do anglosaxón; o máis seguro é que fose un alcume que se volveu habitual.

A Crónica anglosaxoa relata que en 686, "Caedwalla e Mul, o seu irmán, devastaron Kent e Wight". En 687, con todo, informa que "Mul foi queimado en Kent, e 12 outros homes con el; e que ese ano Caedwalla devastou de novo Kent".

En 694, segundo a Crónica anglosaxoa, a xente de Kent púxose de acordo con Ine, sucesor de  Caedwalla, e concedeulle unha suma "porque queimaran a Mul antes".

O reinado de Mul aparece mencionado nun documento de Swæfheard.

Véxase tamén

Ligazóns externas

• Mul 1 Arquivado 02 de decembro de 2016 en Wayback Machine. en Prosopography de Inglaterra anglosaxoa.