Saltar ao contido

Mindelo, Cabo Verde

Na Galipedia, a Wikipedia en galego.
Para outras páxinas con títulos homónimos véxase: Mindelo.
Modelo:Xeografía políticaMindelo, Cabo Verde
Mindelo (pt) Editar o valor en Wikidata
Imaxe
Localización
Mapa
 16°53′29″N 24°59′17″O / 16.8913528, -24.9879833
EstadoCabo Verde
Entidade territorial administrativaIllas de Barlovento, Cabo Verde
ConcelloSão Vicente (pt) Traducir Editar o valor en Wikidata
Capital de
Poboación
Poboación70.468 (2010) Editar o valor en Wikidata
Xeografía
Altitude61 m Editar o valor en Wikidata
Outro
Irmandado con

Mindelo é unha cidade portuaria[1] que se atopa na parte norte da illa de São Vicente, é sede do concello homónimo e é a segunda maior cidade de Cabo Verde. Acolle o 93% da poboación da illa.

Historia

[editar | editar a fonte]
Postal antiga de Mindelo de comezos do século XX.

En 1793, os portugueses fundaron un asentamento onde hoxe se atopa Mindelo.[2]:34 Inicialmente chamouse Nossa Senhora da Luz, rebautizada como Leopoldina arredor de 1820 en honor da raíña consorte María Leopoldina de Austria. En 1838 foi rebautizada como Mindelo despois do desembarco de 1832 en Mindelo, ao norte do Porto.[2]:42–48 Converteuse nun depósito de carbón para barcos da Compañía Británica das Indias Orientais en 1838, e despois para a Royal Mail Steam Packet Company en 1850. O asentamento converteuse nunha vila en 1858, e tiña daquela 1 400 habitantes.[2]:55 Converteuse en cidade en 1879, cando tiña 3 717 habitantes.[2]:61–63 En 1884 colocouse un cable de comunicación submarino entre Europa, África, a India e América do Norte, facendo de Mindelo un importante centro de comunicacións para o Imperio Británico.

Desde principios do século XX o porto de Mindelo perdeu a súa importancia para a navegación transatlántica. As causas disto foron o paso do carbón ao petróleo como combustible para os buques, o auxe de portos competidores como Dakar e as Canarias e a falta de investimento en infraestruturas portuarias.[2]:76–80 Entre 1910 e 1940 houbo varias folgas en Mindelo, e o 7 de xuño de 1934 producíronse disturbios nas rúas de Mindelo, provocados polo paro e a pobreza. Un home foi asasinado e varios resultaron feridos.[3]

Entre 1940 e 1958, tres períodos prolongados de seca severa, combinados coa erosión do solo e o sobrepastoreo, provocaron fame en Cabo Verde.[4] En todo o arquipélago morreron unhas 45 000 persoas e emigraron 20 000 persoas. Mindelo atraeu inmigrantes, especialmente da veciña illa de Santo Antão, e continuou crecendo.[2]:86

Mindelo foi a capital cultural do mundo lusófono desde novembro de 2002 ata novembro de 2003.[5] Mindelo tamén é considerada a capital cultural de Cabo Verde.[6]

Xeografía

[editar | editar a fonte]

Mindelo atópase na baía de Porto Grande, un gran porto natural. A cidade está rodeada de montañas baixas: o monte Cara e o Morro Branco ao oeste, e o Monte Verde ao leste. O río Ribeira de Julião atravesa a vila.

O aeroporto de Cesária Évora atópase a 9 km ao suroeste de Mindelo, preto da aldea de São Pedro. Dende o porto parten os transbordadores para a illa de Santo Antão.

Subdivisións

[editar | editar a fonte]

A cidade divídese nos seguintes lugares ou localidades por razóns estatísticas:[7]

  • Alto Miramar
  • Alto Morabeza
  • Alto Santo António
  • Alto São Nicolau
  • Alto Solarine/Forca
  • Atrás do Cemitério/Sul do Cemitério
  • Bela Vista/Pedreira
  • Campinho
  • Chã de Alecrim
  • Chã de Cemitério
  • Chã de Marinha
  • Chã de Monte Sossego
  • Chê Guevarra
  • Centro de Mindelo/Morada
  • Cruz João Evora
  • Dji d'Sal
  • Fernando Pó
  • Fonte Cónego
  • Fonte Filipe
  • Fonte Françês
  • Fonte Inês/Espia
  • Fonte Meio/Madeiralzinho
  • Fortinho/Escola Técnica
  • Horta Seca
  • Lazareto
  • Matiota
  • Monte/Craca
  • Monte Sossego
  • Pedra Rolada
  • Ribeira Bote
  • Ribeira da Craquinha
  • Ribeira de Julião
  • Ribeira de Passarão
  • Ribeirinha
  • Tchetchênia
  • Vila Nova/Lombo Tanque
  • Zona Industrial Sul
  • Zona Militar

Clima

[editar | editar a fonte]

Mindelo ten un clima árido (Köppen: BWh). A temperatura media anual é de 23,6 °C. É moi seco e só recibe uns 100 mm de precipitación anual.

Datos climáticos para Mindelo (1981–2010)
Mes Xan Feb Mar Abr Mai Xuñ Xul Ago Set Out Nov Dec Anual
Temperatura máxima en °C 29,2 29,5 30,3 29,5 31,5 30,5 33,6 31,8 32,7 31,5 31,0 30,0 33,6
Media máxima en °C 23,4 23,2 23,9 24,0 24,9 25,4 27,1 28,3 28,8 28,0 26,8 25,2 25,7
Media diaria en °C 21,9 21,6 22,0 22,2 22,8 23,8 25,0 26,2 26,5 26,0 25,0 23,3 23,9
Media mínima en °C 19,9 19,7 19,6 20,2 20,9 21,9 22,9 24,1 24,8 24,2 23,2 21,7 21,9
Temperatura mínima en °C 16,5 13,5 15,6 15,0 15,0 18,0 17,5 14,5 19,0 18,5 19,0 17,0 13,5
Precipitación media mm 4,8 1,7 0,4 0,4 0,0 0,0 2,6 16,3 36,2 14,5 6,3 1,0 84,2
Media de días con precipitacións (≥ 0.1 mm) 1 1 0 0 0 0 1 4 5 2 2 2 18
Humidade relativa media (%) 66,1 67,6 67,2 68,2 70,1 72,9 72,7 74,0 74,2 72,8 69,4 67,3 70,2
Media de horas de sol mensuais 229,4 237,3 275,9 291,0 306,9 276,0 248,0 226,3 225,0 238,7 225,0 201,5 2 981
Media de horas de sol diarias 7,4 8,4 8,9 9,7 9,9 9,2 8,0 7,3 7,5 7,7 7,5 6,5 8,2
Fonte #1: Instituto Nacional de Meteoroloxía e Xeofísica[8]
Fonte #2: Deutscher Wetterdienst (máximas e mínimas, días de precipitación e horas de sol)[9]

Demografía

[editar | editar a fonte]

Segundo o censo de 2010, Mindelo tiña 70 468 habitantes. É a segunda cidade por poboación de Cabo Verde despois de Praia.

Gráfica de evolución demográfica de Mindelo entre 1980 e 2010
Fonte:Instituto Nacional de Estatísticas de Cabo Verde[10]

Galería de imaxes

[editar | editar a fonte]
  • Vista de Mindelo.
    Vista de Mindelo.
  • Vista da baía de Mindelo e a illa de Santo Antão.
    Vista da baía de Mindelo e a illa de Santo Antão.
  • Porto Grande.
    Porto Grande.
  • Palácio do Povo.
    Palácio do Povo.

Notas

[editar | editar a fonte]
  1. ↑ Cabo Verde, Statistical Yearbook 2015, Instituto Nacional de Estatística, p. 32-33
  2. ↑ 2,0 2,1 2,2 2,3 2,4 2,5 Génese e desenvolvimento da cidade do Mindelo: a preservação de uma identidade, Fred Yanick Fonseca Delgado, 2016
  3. ↑ Mindelo: entre a Ficção e a Realidade, buala.org
  4. ↑ Keese, Alexander (2012). "Managing the Prospect of Famine. Cape Verdean Officials, Subsistence Emergencies, and the Change of Elite Attitudes During Portugal’s Late Colonial Phase, 1939-1961" (PDF). Itinerario. XXXVI (1). pp. 49–69. doi:10.1017/S0165115312000368. 
  5. ↑ Capital Lusófona 2003 (in Portuguese)
  6. ↑ Goulding, Rory (27 de xullo de 2023). "Where to go on holiday in January: 15 incredible destinations: 11. Sao Vicente and Santo Antao, Cape Verde". The Times. Consultado o 11 de outubro de 2023. 
  7. ↑ "2010 Census results São Vicente". Instituto Nacional de Estatística Cabo Verde. 24 de novembro de 2016. 
  8. ↑ Instituto Nacional de Meteorologia e Geofísica (ed.). "Normais Climatológicas". Arquivado dende o orixinal o 29 de decembro de 2020. Consultado o 28 de decembro de 2020. 
  9. ↑ Deutscher Wetterdienst (ed.). "Klimatafel von Mindelo / Sao Vicente / Kapverden (Rep. Kap Verde)" (PDF). Baseline climate means (1961-1990) from stations all over the world. Consultado o 8 de agosto de 2017. 
  10. ↑ Source: Poboación da cidade, consultado no Instituto Nacional de Estatísticas de Cabo Verde.

Véxase tamén

[editar | editar a fonte]
Traído desde «https://gl.wikipedia.org/w/index.php?title=Mindelo,_Cabo_Verde&oldid=6625249»