Meis

Para outras páxinas con títulos homónimos véxase: Meis (homónimos).

Meis

Localización
42°29′59″N 8°43′30″O
Estado	España
Comunidade autónoma	Galicia
Provincia	Provincia de Pontevedra
Capital	O Mosteiro
Poboación
Poboación	4.706 (2023) (90,67 hab./km²)
Xeografía
Parte de	Mancomunidade Voluntaria de Concellos de Arousa Mancomunidade do Salnés O Salnés
Superficie	51,9 km²
Altitude	55 m
Comparte fronteira con	Barro Ribadumia Vilanova de Arousa Meaño Poio Portas
Organización política
• Alcaldesa	Marta Giráldez Barral (2019–)
Eleccións municipais en Meis
Identificador descritivo
Código postal	36637
Fuso horario	UTC+01:00
Código INE	36028
Sitio web	meis.gal

Meis é un concello da provincia de Pontevedra, pertencente á comarca do Salnés. Segundo o INE, no ano 2016 contaba cunha poboación de 4.844 habitantes (2.313 homes e 2.531 mulleres), o que representa un descenso respecto a anos anteriores (5.006 en 2015, 5.033 en 2014 ou 5.007 en 2013). O seu xentilicio (véxase no Galizionario) é «meisiños - meisense».

A capital municipal localízase no lugar do Mosteiro, da parroquia de San Vicente de Meis.

Poboación

Evolución da poboación de Meis   Fontes: INE e IGE.
1900	1930	1950	1981	2004	2009	2011	2012	2013	2014	2015	2016	2017	2018	2019	2020	2021	2022	2023
4.503	4.906	5.490	5.213	5.004	5.002	4.988	4.992	5.007	5.033	5.006	4.844
(Os criterios de rexistro censual variaron entre 1900 e 2004, e os datos do INE e do IGE poden non coincidir.)

Xeografía

Limita ao norte con Vilanova de Arousa e Portas, ao leste con Barro e Pontevedra, ao sur con Poio e Meaño, e ao oeste con Ribadumia.

Patrimonio

Labirinto no petróglifo de Outeiro de Cribo.

Existen restos da cultura castrexa no monte Castrove, no que tamén se sitúan os petróglifos de Outeiro de Cribo.

O mosteiro da Armenteira foi fundado no século XII, e a igrexa do recinto foi reconstruída entre os séculos XVI e XVIII. A capela de Santa María de Nogueira pertenceu a un antigo mosteiro. As igrexas de San Martiño de Meis e San Salvador son do século XII. A igrexa de Paradela conserva a ábsida románica. O templo de Santo Tomé de Nogueira ten frescos do século XVI. A igrexa de Nogueira ten un retablo de pedra.

Ademais de tres pazos situados na parroquia de Paradela: o pazo de Señoráns, o pazo de Pompeán e o de Quintáns, destacan os antigos muíños fluviais, destacando o conxunto de Arcos.

Turismo

A celebración da Semana Santa de Paradela, unha das parroquias do concello, foi declarada festa de interese turístico galego.

Festas gastronómicas

• Festa dos Callos: no lugar do Mosteiro, en xullo.
• Festa da Carne de Poldro: o 15 de agosto, tamén no Mosteiro. Celébrase desde o 2006, coincidindo coa Feira Anual do Cabalo.

Comunicacións

Por Meis pasa a Autovía do Salnés AG-41, que comunica Barro e Sanxenxo e a estrada comarcal PO-300, que comunica Meis e Cambados.

Meis na literatura popular

• Indo para Santa Baia,/ formigueiro de formigas,/ vindo para San Martiño/ ¡ai que lindas raparigas! .
• Ó subila e ó baixala/ a costa de Lantañón,/ ó subila e ó baixala/ perdín o pano mantón .

Galería de imaxes

Artigo principal: Galería de imaxes de Meis.

• 
  Igrexa de San Salvador de Meis
• 
  Mosteiro de Santa María da Armenteira
• 
  Mosteiro de Santa María da Armenteira
• 
  Campo de golf de Meis

Lugares de Meis

Para unha lista completa de todos os lugares do concello de Meis vexa: Lugares de Meis.

Véxase tamén

Outros artigos

• Eleccións municipais en Meis

---

Este artigo sobre concellos de Galicia é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---