Matrix

Matrix
Tipo	filme
Epónimo	matriz
Xénero artístico	filme de suspense, filme distópico, ciberpunk, suspense de acción, cinema postapocalíptico, cinema de ciencia ficción, filme de acción, Cinema negro e filme de superheroes
Lingua orixinal	lingua inglesa
Franquía	Matrix
Autoría
Director/a	Lana Wachowski e Lilly Wachowski
Compositor/a	Don Davis
Guionista	Lilly e Lana Wachowski (pt)
Director/a fotografía	Bill Pope (pt)
Editor/a de cine	Zach Staenberg
	Actores Carrie-Anne Moss (Trinity (pt) ); Marcus Chong (Tank (en) ); Gloria Foster (Oráculo (pt) ); Keanu Reeves (Neo); Matt Doran (Mouse (en) ); Laurence Fishburne (Morpheus (pt) ); Joe Pantoliano (Cypher (en) ); Hugo Weaving (Agente Smith (pt) ); Robert Taylor (Agent Jones (en) ); Ada Nicodemou (pt) ; Jeremy Ball (en) ; Steve Dodd ; Rowan Witt ; Julian Arahanga ; Belinda McClory ; Paul Goddard ; Anthony Ray Parker ; David Aston (pt) ; Bill Young (en) ; ;
Temática
Tema principal	hacker (pt) , telepresencia, intelixencia artificial e hipótese da simulação (pt)
Inspirado en	Ghost in the Shell e Neognosticismo (pt)
Parte de	National Film Registry
Representa a	realidade simulada (pt)
Universo ficticio	universo Matrix
	Personaxes Morpheus (pt) ; Neo; Oráculo (pt) ; Agente Smith (pt) ; Trinity (pt) ; Cypher (en) ; Tank (en) ; ;
Publicación
Data publicación	14 de xullo de 1999 (Suecia); 31 de marzo de 1999 (Estados Unidos de América); 17 de xuño de 1999 (Alemaña)
País orixe	Estados Unidos de América e Australia
Produtor/a	Joel Silver
Produtor/a executivo	Bruce Berman (en) , Andrew Mason (en) , Barrie M. Osborne, Erwin Stoff (en) , Lana Wachowski e Lilly Wachowski
Compañía produtora	Village Roadshow Pictures, Warner Bros. e Silver Pictures (pt)
Distribuidor/a	Warner Bros., InterCom, Netflix e HBO Max
Recadación	467.222.728 $ e 172.076.928 $
Custo	63.000.000 $
Formato de distribución	vídeo baixo demanda
Cronoloxía
	Matrix Reloaded →
Número de
Parte da serie	serie de filmes de Matrix
Dimensións
Duración	2 horas e 16 minutos
Localización
Localización rodaxe	San Francisco, Sydney e Australia
Premios
	Premios (2000) Premio Saturn ao mellor filme de ciencia ficción; (2000) Óscar ós mellores efectos visuais; (2000) Saturn Award for Best Director (en) ; (2000) BAFTA ao mellor son; (2000) Óscar ó mellor son; (2000) Óscar á mellor montaxe; (2000) Óscar á mellor edición de son; (2000) BAFTA aos melllores efectos visuais ; ;
	Nomeamentos (15 de febreiro de 2000) Óscar á mellor edición de son; (15 de febreiro de 2000) Óscar ó mellor son; (15 de febreiro de 2000) Óscar á mellor montaxe; (15 de febreiro de 2000) Óscar ós mellores efectos visuais ; ;
Obra derivada
	Derivados Animatrix ; ;
Descrito pola fonte
	Descrito pola fonte BBC's The 100 greatest films directed by women (en) ; Women Make Film ; ;
Puntuación da crítica
	Puntuación crítica (27 de decembro de 2024) 73/100, Metacritic; (27 de decembro de 2024) 83%, Rotten Tomatoes; (11 de setembro de 2021) 7.8/10, Rotten Tomatoes; (31 de marzo de 1999) 3/4, Roger Ebert ; ;
Clasificación
Contacto
Páxina WEB	warnerbros.com…
Redes
	[ Wikidata ]

Matrix (en inglés: The Matrix) é un filme de ciencia ficción escrito e dirixido por Lana e Lilly Wachowski e protagonizado por Keanu Reeves, Laurence Fishburne, Carrie-Anne Moss e Hugo Weaving. Foi estreado nos Estados Unidos o 31 de marzo de 1999 e foi o primeiro da triloxía de Matrix e dunha serie de videoxogos, curtas animadas e bandas deseñadas. O filme gañou 4 Premios Oscar incluíndo a mellor montaxe, mellor son, mellor edición de son e mellores efectos visuais.

Neste filme fíxose popular o "bullet time" (tempo bala), técnica que consiste en aparentar que se conxela a acción mentres a cámara segue movéndose arredor da escena. O efecto visual conséguese empregando múltiples cámaras que gravan a acción dende distintas posicións a unha cantidade elevada de fotogramas por segundo. Posteriormente intercálanse os fotogramas de cada unha das cámaras. Está categorizada como unha película de Cine Geek.

Estreouse en galego na TVG o 22 de marzo de 2008.^[1]

Sinopse

Thomas A. Anderson (Keanu Reeves) de día é programador informático e polas noites un hacker que utiliza o alcume de Neo. Pasase a vida buscando a unha persoa, Morfeo, (Laurence Fishburne), e a resposta a unha pregunta: «Que é Matrix?»

Morfeo e os seus, ó decatarse de que os seus inimigos están buscando a Neo, deciden entrar en contacto con el. Outra hacker, Trinity (Carrie-Anne Moss), condúceo ata Morfeo e a resposta que busca. Pero para obtela debe renunciar á súa vida anterior e a todo o que coñeceu ata entón. Acepta e traga unha pílula vermella, en vez doutra azul que suporía quedar como estaba.

Neo descobre que o mundo no que cría vivir non é máis ca unha simulación virtual á que se atopa conectado mediante un cable enchufado no seu cerebro. Os miles de millóns de persoas que viven conectadas ó seu arredor, están sendo cultivadas do mesmo modo para poder dar enerxía ás máquinas. Esta ilusión colectiva (ou simulación interactiva) é coñecida como Matrix.

O grupo de rebeldes do mundo real que lidera Morfeo rescata a Neo da colleita de persoas onde se atopaba preso, e Morfeo explícalle en que consiste a realidade: atópanse presto do ano 2199 e a humanidade está escravizada polas máquinas, que tralo desenvolvemento da Intelixencia artificial (IA) se rebelaron contra a humanidade. Debido a que os seres humanos deterioraron o ceo (privando ás máquinas da enerxía solar que necesitaban), agora empregan á especie humana como fonte de enerxía (cultivándoos en grandes campos, onde son resgardados en cámaras). (Véxase The Second Renaissance de Animatrix para unha explicación máis detallada).

Morfeo cóntalle tamén a Neo que cre que el é o elixido. Este elixido, segundo a profecía, será o encargado de liberar a humanidade da escravitude á que está sometida. Ademais, será quen de cambiar Matrix á súa vontade e dar a vitoria ós humanos. Estes teñen a súa base en Sión (cidade subterránea bastión da resistencia humana).

O mundo virtual de Matrix convértese no campo de batalla onde Neo ten que combater contra os axentes de Matrix, que son uns programas en forma humana capaces de posuír a calquera habitante de Matrix que a resistencia non liberara, e en particular contra o temible axente Smith (Hugo Weaving). Estes intentan impedir que os rebeldes rescaten ás persoas que están conectadas, xa que están programados para capturar a calquera intruso que altere a realidade de Matrix. Neste mundo virtual, os seres humanos que son conscientes da verdadeira esencia do que lles rodea, son capaces de desafiar parcialmente as leis físicas e realizar fazañas asombrosas.

Personaxes

Keanu Reeves como Thomas A. Anderson/Neo: Un programador de ordenadores da Corporación Metacortex cuxo nome de hacker é Neo.
Laurence Fishburne como Morpheus.
Carrie-Anne Moss como Trinity.
Hugo Weaving como Axente Smith.
Joe Pantoliano como Cypher.
Julian Arahanga como Apoc.
Anthony Ray Parker como Dozer.
Marcus Chong como Tank.
Matt Doran como Mouse.
Gloria Foster como O Oráculo.
Belinda McClory como Switch.
Paul Goddard como Axente Brown.
Robert Taylor as Axente Jones.

Galardóns e nomeamentos

1999: 4 Oscars: Mellor montaxe, son, efectos visuais, efectos sonoros.
1999: 2 premios BAFTA: Mellores efectos visuais, son. 5 nomeamentos.

Notas

↑ "Matrix na TVG". Diario Siglo XXI. 21 de marzo de 2008. Consultado o 20 de abril de 2013. ^{[Ligazón morta]}

Véxase tamén

Ligazóns externas

Ficha na IMDb (en inglés)
Web Oficial (en inglés)

[1] "Matrix na TVG". Diario Siglo XXI. 21 de marzo de 2008. Consultado o 20 de abril de 2013. ^{[Ligazón morta]}

[1]