Jumanji

Jumanji
Ficha técnica
Título orixinal	Jumanji
Director	Joe Johnston
Produtor	Robert W. Cort; Ted Field; Larry J. Franco
Guión	Greg Taylor; Jonathan Hensleigh; Jim Strain
Baseado en	Jumanji de Chris Van Allsburg
Intérpretes	Robin Williams; Kirsten Dunst; David Alan Grier; Adam Hann-Byrd; Bonnie Hunt; Jonathan Hyde; Bradley Pierce; Bebe Neuwirth
Música	James Horner
Fotografía	Thomas Ackerman
Montaxe	Robert Dalva
Estudio	Interscope Communications; Teitler Film
Distribuidora	TriStar Pictures
Estrea	1995
Duración	104 minutos
Orixe	Estados Unidos
Xénero	Comedia e infantil
Orzamento	65 000 000 dólares
Recadación	262 797 249 dólares
Na rede
	https://www.sonypictures.com/movies/jumanji

Jumanji é un filme estadounidense dirixido por Joe Johnston que se estreou en 1995. É unha comedia-fantasía sobre un xogo de mesa sobrenatural que fai que os animais da xungla e outras criaturas se materialicen cada vez que un xogador tira os dados. Baséase no libro de ilustracións Jumanji de Chris Van Allsburg.^[2] O guión é obra de Greg Taylor, Jonathan Hensleigh e Jim Strain e está protagonizado por Robin Williams, Bonnie Hunt, Kirsten Dunst, Bradley Pierce, David Alan Grier, Jonathan Hyde e Bebe Neuwirth. A historia céntrase en Alan Parrish, un rapaz que queda atrapado nun xogo de mesa mentres xogaba coa súa amiga Sarah Whittle en 1969. Vinte e seis anos despois, os irmáns Judy e Peter Shepherd atopan o xogo, comezan a xogar e sen querer liberan a Alan, agora un adulto. Despois de buscar a Sarah, os catro deciden rematar o xogo para revertir toda a destrución que causou.

O filme foi estreado o 15 de decembro de 1995. Malia a morna acollida da crítica, foi un grande éxito de recadación, conseguindo $263 millóns en todo o mundo sobre un orzamento de $65 millóns e converteuse no décimo filme con maior recadación de 1995. Industrial Light & Magic foi o encargado de crear os gráficos por ordenador e os animatronics para os efectos especiais.

No 2005, estreouse un filme como sucesor espiritual de Jumanji, titulado Zathura: A Space Adventure, e que tamén foi adaptado dun libro de Van Allsburg que estaba máis directamente relacionado co libro de Jumanji. Unha secuela, Jumanji: Welcome to the Jungle, foi estreada o 20 de decembro de 2017.

Sinopse

Alan Parrish queda atrapado durante 25 anos nun xogo de mesa máxico e moi antigo, Jumanji. Cando finalmente é liberado por dous nenos, unha manda de animais exóticos tamén é liberada. Alan deberá salvar a súa vila da destrución.

Personaxes

Robin Williams como Alan Parrish
Adam Hann-Byrd como xove Alan Parrish
Bonnie Hunt como Sarah Whittle
Laura Bell Bundy como xove Sarah Whittle
Kirsten Dunst como Judy Shepherd
Bradley Pierce como Peter Shepherd
David Alan Grier como Carl Bentley
Bebe Neuwirth como Nora Shepherd
Jonathan Hyde como Sam Parrish/Van Pelt
Patricia Clarkson como Carol-Anne Parrish

Notas

Véxase tamén

Ligazóns externas

[test-1] BoxOfficeMojo.com

[2] "Jumanji Author Getting Aboard Hollywood Express : Movies: Chris Van Allsburg says the film version of his book is like a Christmas gift. It's just not the one he was expecting.". The Los Angeles Times. Consultado o 2010-12-23.

[1]

[2]