Eleccións xerais de Tailandia de 2011

Eleccións xerais de Tailandia de 2011
← 2007 (en)  2014 (en)  →
Data	3 de xullo de 2011
Tipo	Thai general election (en)
Cargo elixido	Primeiro ministro de Tailandia member of the National Legislative Assembly of Thailand (en)
Resultado da votación
Yingluck Shinawatra 0

Partidos maioritarios por rexión: ■ – Pheu Thai ■ – Demócrata ■ – BhumjaiThai ■ – Chartthai ■ – Palung Chon ■ – sen maioría

As eleccións xerais de Tailandia de 2011 aconteceron o 3 de xullo, onde se escolleron 500 deputados da Cámara de Representantes, 375 deles por maioría nos distritos electorais e 125 de forma proporcional nunha única lista de ámbito nacional. A vitoria foi para o Puea Thai, liderado por Yingluck Shinawatra, con 265 escanos (maioría absoluta) na Cámara de Representantes, fronte a 159 escanos obtidos polos demócratas de Abhisit Vejjajiva, con 159 escanos.

Contexto e antecedentes

Os dous partidos que partían como favoritos eran o Partido Demócrata, do até entón primeiro ministro, Abhisit Vejjajiva, e o Puea Thai, de recente formación pero herdeiro dos ilegalizados Partido do Poder do Pobo e Thai Rak Thai, liderado por Yingluck Shinawatra, irmá do exprimeiro ministro Thaksin Shinawatra, que se encontraba no exilio desde que o seu goberno fora derrocado polo golpe de Estado de 2006. Nas anteriores eleccións xerais celebradas en 2007, Samak Sundaravej, do Partido do Poder do Pobo, obtivera a maioría relativa con 233 escanos fronte a Vejjajiva, quen obtivo 165 escanos. Durante a crise de 2008 e 2009, o movemento da Alianza do Pobo para a Democracia, coñecidos como os Camisas Amarelas, conseguiron derrocar a Sundaravej e ao seu sucesor, Somchai Wongsawat, tras un pulso político durante dous anos nos que cuestionaou a nova constitución aprobada en referendo en 2007. Vejjajiva chegou ao poder ao ilegalizarse o partido do goberno e depoñer o primeiro ministro, mais cunha nova crise que durou até finais de 2010 na que os Camisas Vermellas, integrados na Fronte Unido Nacional pola Democracia contra a Ditadura e partidarios dos primeiros ministros depostos, mantiveron fortes protestas pola implicación dos membros do Partido Demócrata e do propio primeiro ministro no golpe de Estado de 2006. A crise agravouse en marzo de 2010, cando se produciu a toma da capital, Bangkok, polos Camisas Vermellas até que dous meses máis tarde, en maio, o exército asaltou os campamentos dos Camisas Vermellas, falecendo 85 persoas.

Resultados electorais

Os resultados electorais déronlle a vitoria ao Puea Thai, coa súa líder, Yingluck Shinawatra, ao obter 265 escanos (maioría absoluta) na Cámara de Representantes, fronte a 159 escanos obtidos polos demócratas de Abhisit Vejjajiva. Vejjajiva recoñeceu na noite electoral a derrota e anunciou a súa dimisión como líder do seu partido, felicitando ao Puea Thai "pola oportunidade que ten de liderar o próximo goberno e deséxolle a Yingluck Shinawatra todo o éxito como a primeira muller en ser primeira ministra de Tailandia". O exiliado Thaksin Shinawatra anunciou que buscarían acordos cos outros partidos a pesar da maioría absoluta.

Resultados provisionais
(ás 16:00 horas UTC do 7 de xullo de 2011)

Formación	Por distrito electoral			Por elección proporcional			TOTAL
	Votos	%	Escanos	Votos	%	Escanos
Puea Thai			204	15 744 190	48,41	61	265
Partido Demócrata de Tailandia			115	11 433 762	35,15	44	159
Bhum Jai Thai			29	1 281 577	3,94	5	34
Chart Thai Pattana			15	908.656	2,79	4	19
Palung Chon			6	178.110	0,55	1	7
Chart Pattana Puea Pandin			5	494.894	1,52	2	7
Rak Thailand			0	998.603	3,07	4	4
Matubhum			1	251.702	0,77	1	2
Rak Santi			0	284.132	0,87	1	1
Mahachon			0	133.772	0,41	1	1
Nova Democracia			0	125.784	0,39	1	1
Outros			0	692.322	2,13	0	0
Votos válidos			375	32 525 504		125	500
Votos en branco	1 419 088*	4,03%		958.052	2,72%
Votos nulos	2 039 694*	5,79%		1 726 051	4,90%
Abstención
Total votantes
Referencias: The Bangkok Post / Membros electos da Cámara de Representantes B.E.2554. * Como os distritos electorais elixen entre un e tres deputados, algúns teñen dous ou tres votos.

Comisión Electoral

Tras as eleccións, a Comisión Electoral tiña que recoñecer os resultados, proclamando aos candidatos dentro dos trinta días seguintes ao día das eleccións. A Comisión Electoral reuniuse o 12 de xullo e nomeou a trescentos cincuenta e oito deputados, pero sen incluír a Yingluck Shinawatra e Abhisit Vejjajiva, entre outros. O 20 de xulio recoñecía a todos os elixidos que faltaban.

Reaccións

O exército, a través do seu antigo xefe do Alto Mando, Prawit Wongsuwan, anunciou o 4 de xullo que aceptaba a vitoria da oposición nas eleccións.