Thaksin Shinawatra
.jpg)
Thaksin Shinawatra (en tailandés: ทักษิณ ชินวัตร), nado o 26 de xullo de 1949, é un político e empresario de Tailandia, que foi primeiro ministro do seu país dende o 9 de febreiro de 2001 ata o 19 de setembro de 2006. É irmán de Yingluck Shinawatra, que tamén foi primeira ministra de Tailandia.
Traxectoria
[editar | editar a fonte]Pertence ao partido Thai Rak Thai. Thaksin Shinawatra estudou na Escola de Cadetes da Policía Tailandesa, uníndose en 1973 á Policía Real Tailandesa. Obtivo un mestrado en Xustiza Criminal pola Universidade do Leste de Kentucky nos Estados Unidos en 1975, e tres anos máis tarde obtivo o doutoramento en Xustiza Criminal pola Universidade Estatal de Houston en Sam. Iñantes da súa incursión na política Thaksin foi o fundador da Corporación Shin, dona da operadora móbil máis grande de Tailandia. Foi expulsado do poder após un golpe de Estado en 2006.
Procesos xudiciais
[editar | editar a fonte]Iñantes de chegar ao poder en 2001, Shinawatra doou á súa esposa, fillos e outros membros da súa familia, o conxunto de empresas que fundara dende que abandonou o exército. En 2006, sendo xa primeiro ministro, a súa familia vendeu á compañía estatal de Singapur, Temasek Holdings, o 49,6 por cento de Shin Corporation por 2230 millóns de dólares, ceibe de impostos. A operación estaba prohibida pola lexislación tailandesa. Esta foi a acusación máis grave que os líderes golpistas deron no seu día para xustificar o cambio de réxime.[1][2]
Shinawatra está acusado noutro xuízo pola concesión dun préstamo á Xunta militar de Birmania, actuando como primeiro ministro, por importe de 170 millóns de dólares, para que Birmania adquirira outra compañía da familia de Shinawatra, Shin Satellite. Presentouse no país pero en agosto de 2007 violou a liberdade provisional e volveu ao Reino Unido.[1][2]
O mesmo día que a coalición gobernante elixía ao seu cuñado, Somchai Wongsawat, como candidato a primeiro ministro, o Tribunal Supremo de Tailandia emitiu unha nova orde de arresto contra Shinawatra, a segunda dende o golpe de Estado de 2006, esta vez pola venda de Shin Corporation.[1][2]
O Tribunal Supremo tailandés declarouno culpábel e condenouno a dous anos de prisión por corrupción o 21 de outubro de 2008, pola enaxenación dunhas propiedades inmobiliarias á súa esposa cando era xefe de goberno, á que o tribunal absolveu. Os bens comprados en 2003 a prezos preferenciais, atopábanse no centro de Bangkok. Os terreos foran adquiridos por Tailandia a institucións financeiras en 1995. O tribunal considerou que «Thaksin violou o artigo da Constitución que prevén o conflito de interese, dado que entón era primeiro ministro e xefe de goberno, e supoñíase que ía traballar para o beneficio dos sectores públicos».[3][4]
En agosto de 2023 ingresou nunha prisión ao norte de Bangkok após volver de 15 anos de exilio para cumprir 8 anos de cárcere por tres condenas.[5][6]
Notas
[editar | editar a fonte]- ↑ 1,0 1,1 1,2 Tribunal dicta otra orden de captura contra el ex primer ministro Shinawatra. Terra Actualidad, 16 de setembro de 2008.
- ↑ 2,0 2,1 2,2 El Tribunal Supremo aplaza el juicio contra el ex mandatario Shinawatra. Terra Actualidad, 17 de setembro de 2008.
- ↑ Shinawatra culpable. BBC Mundo, 22 de outubro de 2008.
- ↑ Thai PM says govt won't interfere in court ruling against Thaksin. Thai News Agency, 21 de outubro de 2008.
- ↑ "Thaksin Shinawatra, ex primer ministro de Tailandia, ingresa en prisión tras regresar del exilio". El Mundo (en castelán). 2023-08-22.
- ↑ "El ex-mandatario tailandés Thaksin Shinawatra ingresa en prisión al regresar a su país tras 15 años de exilio". RTVE.
|
Este artigo sobre unha personalidade é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír. |