Darren Collison

Darren Collison

(2019)
Biografía
Nacemento	23 de agosto de 1987 (37 anos) Rancho Cucamonga, Estados Unidos de América (pt)
Educación	Etiwanda High School (en) Universidade de California, Os Ánxeles
Altura	185 cm
Peso	76 kg
Actividade
Ocupación	baloncestista
Período de actividade	2009 - 2019
Nacionalidade deportiva	Estados Unidos de América
Deporte	baloncesto
Liga	National Basketball Association, Baloncesto masculino da División I da NCAA e NBA G League
Posición de xogo	Base
Número deportivo	7
Convocado por	New Orleans Pelicans
Traxectoria   Equipo – Dallas Mavericks – Los Angeles Clippers – Indiana Pacers 2005–2009 UCLA Bruins
Sitio web	darrencollison.com

Darren Michael Collison, nado o 23 de agosto de 1987 en Rancho Cucamonga (California), é un ex xogador de baloncesto profesional estadounidense que xogou dez tempadas na National Basketball Association (NBA). Xogou anteriormente na universidade para os UCLA Bruins.

Traxectoria

Collison declarouse elixible para o Draft da NBA de 2009 e foi seleccionado na 21ª posición polos New Orleans Hornets. Con Chris Paul fóra durante dous meses en dous momentos na tempada 2009-10 diferentes, Collison se converteu no base titular. O 30 de xaneiro de 2010, Collison conseguiu 18 asistencias, o récord dun xogador coma rookie nos Hornets, ademais de 17 puntos na vitoria contra os Memphis Grizzlies, que remataba a xeira de 11 vitorias consecutivas de Memphis na súa casa, por 113-111 na prórroga. O 8 de marzo de 2010, Collison superou a súa propia marca con 20 asistencias, xunto con 16 puntos, na vitoria por 135-131 contra os Golden State Warriors. Nun partido contra os Indiana Pacers, o 19 de febreiro de 2010, Collison converteuse no segundo rookie da tempada en conseguir un triplo-dobre, con 18 puntos, 13 rebotes e 12 asistencias. Rematou 4º na votación do Rookie do Ano da NBA, e acadou 18.8 puntos e 9.1 asistencias.

O 11 de agosto de 2010, os Hornets traspasaron a Collison e a James Posey aos Indiana Pacers nun traspaso entre catro equipos, no que se viron involucrados cinco xogadores. O 12 de xullo de 2012, Collison e Dahntay Jones foron traspasados ós Dallas Mavericks a cambio de Ian Mahinmi. Collison converteuse no base titular de Dallas tras a marcha de Jason Kidd coma axente libre. O 10 de xullo de 2013, Collison asinou cos Los Angeles Clippers. O 12 de xullo de 2014, Collison asinou cos Sacramento Kings.

O 28 de xuño de 2019, anunciou a súa retirada da NBA.

Véxase tamén

Ligazóns externas

• Perfil en NBA.com (en inglés)
• Estatísticas en BasketballReference.com Arquivado 04 de outubro de 2018 en Wayback Machine. (en inglés)