Cretáceo
| < | Eón Fanerozoico | | ||
|---|---|---|
|
| ||
No escala de tempo xeolóxico, o Cretáceo[1][2] é o período da era Mesozoica do eón Fanerozoico que está comprendido entre 145 millóns e 500 mil e 65 millóns e 500 mil anos atrás, aproximadamente. O período Cretáceo sucede o período Xurásico da súa era e precede o período Paleoxeno da era Cenozoica do seu eón.
Divídese nas épocas Cretáceo Inferior e Cretáceo Superior, da máis antiga para a máis recente.
Durante o Cretáceo, os dinosauros alcanzan a seu cumio, mais ao fin do período acaba ocorrendo a extinción dos dinosauros. É no mesmo período cando xorden os mamíferos placentarios primitivos.
Cambios xeográficos e climáticos
[editar | editar a fonte]
Ao longo do Cretáceo, a configuración dos continentes continuou o seu proceso de fragmentación a partir do supercontinente Panxea. Isto levou a un aumento da diversidade de hábitats e a unha maior separación entre as poboacións de especies, impulsando a especiación.[3] O clima do Cretáceo caracterizouse pola súa calidez, cunha notable diminución dos casquetes polares, o que permitiu unha ampla distribución das especies tanto en latitudes altas como baixas.[4]
Biodiversidade do Cretáceo
[editar | editar a fonte]Ademais dos dinosauros, que dominaban os ecosistemas terrestres, o Cretáceo foi testemuña da expansión das anxiospermas (plantas con flor), que revolucionaron as cadeas alimentarias e proporcionaron novos nichos ecolóxicos.[5] Nos mares e océanos, os invertebrados, como os amonites e os belemnites, proliferaban, mentres que un grupo de dinosauros emplumados comezaban a diversificarse en especies que son as antepasadas das primeiras aves modernas.[6][7]
Extinción no Cretáceo-Terciario
[editar | editar a fonte]- Artigo principal: Extinción dos dinosauros.
A fin do Cretáceo marcouse por unha extinción masiva, na que desapareceron moitas especies, incluídos todos os dinosauros non aviarios. A causa principal críase que foi o impacto dun grande meteorito na rexión que hoxe é a península de Iucatán, o que provocou cambios climáticos catastróficos.[8]
Notas
[editar | editar a fonte]- ↑ Definicións no Dicionario da Real Academia Galega e no Portal das Palabras para cretáceo.
- ↑ Definición de cretáceo no Dicionario de Galego de Ir Indo e a Xunta de Galicia.
- ↑ Monroe, James S. (James Stewart) (2001). The changing earth : exploring geology and evolution. Pacific Grove, CA : Brooks/Cole-Thomson Learning. ISBN 978-0-534-38468-5.
- ↑ Benton, M. J. (Michael J. ) (2015). When life nearly died : the greatest mass extinction of all time. London : Thames & Hudson. ISBN 978-0-500-29193-1.
- ↑ Benton, Michael J.; Wilf, Peter; Sauquet, Hervé (2022-03). "The Angiosperm Terrestrial Revolution and the origins of modern biodiversity". New Phytologist (en inglés) 233 (5): 2017–2035. ISSN 0028-646X. doi:10.1111/nph.17822.
- ↑ D. B. Weishampel, Dinosaurs, the Encyclopedia, McFarland & Company, Inc., 1996.
- ↑ ThriftBooks. "The Dinosaur Papers: 1676-1906 book by D.b. Weishampel". ThriftBooks (en inglés). Consultado o 2024-03-25.
- ↑ Schulte, Peter; Alegret, Laia; Arenillas, Ignacio; Arz, José A.; Barton, Penny J.; Bown, Paul R.; Bralower, Timothy J.; Christeson, Gail L.; Claeys, Philippe (2010-03-05). "The Chicxulub Asteroid Impact and Mass Extinction at the Cretaceous-Paleogene Boundary". Science (en inglés) 327 (5970): 1214–1218. ISSN 0036-8075. doi:10.1126/science.1177265.
Véxase tamén
[editar | editar a fonte] |
Wikimedia Commons ten máis contidos multimedia na categoría: Cretáceo  |
Outros artigos
[editar | editar a fonte]
----
|
Este artigo sobre xeoloxía é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír. |