Alopecia androxenética
| Alopecia androxenética | |
|---|---|
 Alopecia de patrón masculino | |
| Sinónimos | Calvicie común, alopecia ou calvicie de patrón masculino, alopecia ou calvicie de patrón feminino |
| Especialidade | Dermatoloxía |
| Síntomas | Perda de cabelo en patróns específicos, adelgazamento dos cabelos |
| Duración | Crónica |
| Causas | Herdanza xenética, influencia hormonal |
| Factores de risco | Historia familiar, envellecemento |
| Diagnóstico | Exame físico, historia clínica |
| Tratamento | Medicamentos, cirurxía de transplante capilar |
| Medicación | Minoxidil, finasteride |
| Prognose | Varía dependendo do individuo; o cabelo perdido xeralmente non volve crecer |
| Frecuencia | Aproximadamente o 50% dos homes experimentan algunha forma de alopecia androxenética en maior ou menor grao a partir dos 50 anos de idade. |
 Se cre que pode requirir tratamento, por favor, consúltello ao médico. | |
A alopecia androxenética[1] ás veces traducida ao galego como alopecia androxénica,[2] é a perda de cabelo que afecta principalmente a parte superior e frontal do coiro cabeludo.[3] Nos homes, chámase alopecia androxenética de patrón masculino, tamén coñecida como alopecia ou calvicie masculina e nas mulleres, alopecia androxenética de patrón feminino. Nos homes, maniféstase principalmente polo retroceso da zona co cabelo, mentres que nas mulleres maniféstase como un cabelo progresivamente máis fino.[3]
Causas
[editar | editar a fonte]Crese que a perda de cabelo masculina é causada por unha combinación de factores xenéticos e a hormona masculina dihidrotestosterona. Non obstante, aínda non se comprenden completamente as causas da alopecia en mulleres.[3]
Tratamento
[editar | editar a fonte]Efectos psicolóxicos
[editar | editar a fonte]O tratamento pode consistir simplemente en aceptar a condición de calvicie.[3] Con todo, a alopecia pode ter un impacto psicolóxico significativo. As persoas que experimentan perda de cabelo poden sufrir de ansiedade, depresión e fobia social debido á alteración da súa imaxe corporal e á percepción de non cumprir coas normas sociais de aparencia.[4]
Tratamentos farmacolóxicos
[editar | editar a fonte]Outros posibles tratamentos inclúen os medicamentos minoxidil ou finasterida. Porén, a evidencia da eficacia da finasterida nas mulleres é limitada e pode causar malformacións fetais se se toma durante o embarazo.[3]
Transplante de cabelo
[editar | editar a fonte]O transplante de pelo ou cabelo é unha técnica cirúrxica que extrae folículos pilosos dunha parte do corpo, chamado "sitio doante" a unha parte calva chamada "sitio receptor". Algúns pacientes poden beneficiarse coa aplicación tópica pre-operatoria de minoxidil e vitaminas.[5]
Prevalencia
[editar | editar a fonte]A alopecia androxenética é a causa máis común de caída do cabelo e afecta ao 50% dos homes e ao 25% das mulleres aos 50 anos.[3]
Notas
[editar | editar a fonte]- ↑ A alopecia denomínase androxenética, xa que está producida por factores ligados á masculinidade. O adxectivo "androxénico, -a" está reservado no dicionario galego de termos médicos (p.35) para o que ten "efecto masculinizante" (véxase tamén andróxeno).
- ↑ Pontevedra, Diario de (2011-08-02). "A OCU denuncia o engano dos tratamentos contra a alopecia". Diario de Pontevedra. Consultado o 2024-10-01.
- ↑ 3,0 3,1 3,2 3,3 3,4 3,5 "Selected Disorders of Skin Appendages--Acne, Alopecia, Hyperhidrosis". The Medical Clinics of North America 99 (6): 1195–211. novembro de 2015. PMID 26476248. doi:10.1016/j.mcna.2015.07.003.
- ↑ "Psychological effects of hair loss". DermNet® (en inglés). 2023-10-26. Consultado o 2024-10-01.
- ↑ "Androgenetic Alopecia". Medscape. Consultado o 7 de febreiro de 2023.
Véxase tamén
[editar | editar a fonte] |
Wikimedia Commons ten máis contidos multimedia na categoría: Alopecia androxenética  |
