Jiangsu

Jiangsu (江苏) Jiāngsū Shěng
Txinako Herri Errepublika
Administrazioa
Estatua	Txina
Izen ofiziala	江苏省 江苏省
ISO 3166-2	CN-JS
Hiriburua	Nanjing
Gobernuburua	Xu Kunlin (en)
Zatiketa	ikusi Nanjing, Wuxi, Xuzhou, Changzhou, Suzhou, Nantong, Lianyungang, Huai'an, Yancheng, Yangzhou, Zhenjiang, Taizhou eta Suqian
Geografia
Koordenatuak	33°N 120°E
Azalera	102,600 km²
Mugakideak	Shandong, Anhui, Zhejiang eta Shanghai
Punturik altuena	Mounts Yuntai (en)
Demografia
Biztanleria	84.748.016 (2020)
41,716,430 (%49,2)   (%50,8) 43,031,586
Dentsitatea	736 bizt/km²
Informazio gehigarria
Gobernadorea	Luo Zhijun (罗志军)
Etniak	Han %99,6 Hui %0,2 Besteak %0,2
Ordu eremua	UTC+08:00
www.jiangsu.gov.cn

Jiangsu (江苏 txinera sinplifikatuz), Txinako Herri Errepublikako probintzia baten izena da. Probintziak 102.600 kilometro koadroko azalera dauka eta 2004ko erroldaren arabera 75.495.000 biztanle bizi ziren bertan.

Inguru naturala eta kokapena

Ubide Handia Yangzhoutik gertu.

Jiangsu probintziaren mugakideak honakoak dira: Shandong probintzia iparraldean, Anhui probintzia mendebaldean, Zhejiang probintzia eta Shanghaiko udaltasuna hegoaldean, eta Itsaso Horiarekin ekialdean.

Jiangsuk mila kilometro baino gehiagoko kostaldea dauka Itsaso Horia eta Yangtze ibaiaren ertzean. Haran eta lautadak probintziaren azaleraren %68 dira, eta probintziaren batez besteko altuera 50 metro ingurukoa da. Suzhou hirian hainbeste ubide eraiki dira ibaien ibilbidean zehar, "Hegoaldeko Venezia" deitzen dutela askok. Yangtze ibaiak hegoaldetik zeharkatzen du Jiangsu probintzia eta mendirik altuena 625 metroko Yuntai mendia da, Lianyungang hiritik gertu.

Probintziako lakurik handiena Taihu lakua da, eta honekin batera Hongze lakua, Gaoyou lakua eta Yancheng lakua daude.

Klima

Jiangsu probintziak montzoiak baldintzaturiko klima azpitropikala dauka. Urtarrileko batez besteko tenperatura -2 eta 4 gradu artekoa da, eta uztailekoa 26 eta 30 gradu artekoa. Maiatzetik aurrera prezipitazio handiak izaten dira (batez ere uda garaian), eta tifoiek maiz jotzen dute Jiangsuko kostaldean. Urteko batez besteko prezipitazioak 800 eta 1200mm bitartekoak dira.

Banaketa administratiboa

Mapa	#	Izena	Txinera sinplifikatuz	Pinyineraz	Mota
	1	Nanjing	南京市	Nánjīng Shì	Azpiprobintzia mailako hiria
	2	Changzhou	常州市	Chángzhōu Shì	Prefektura mailako hiria
	3	Huai'an	淮安市	Huái'ān Shì	Prefektura mailako hiria
	4	Lianyungang	连云港市	Liányúngǎng Shì	Prefektura mailako hiria
	5	Nantong	南通市	Nántōng Shì	Prefektura mailako hiria
	6	Suqian	宿迁市	Sùqiān Shì	Prefektura mailako hiria
	7	Suzhou	苏州市	Sūzhōu Shì	Prefektura mailako hiria
	8	Taizhou	泰州市	Tàizhōu Shì	Prefektura mailako hiria
	9	Wuxi	无锡市	Wúxī Shì	Prefektura mailako hiria
	10	Xuzhou	徐州市	Xúzhōu Shì	Prefektura mailako hiria
	11	Yancheng	盐城市	Yánchéng Shì	Prefektura mailako hiria
	12	Yangzhou	扬州市	Yángzhōu Shì	Prefektura mailako hiria
	13	Zhenjiang	镇江市	Zhènjiāng Shì	Prefektura mailako hiria

Politika

Jiangsu probintziako gobernadorea Luo Zhijun (罗志军) da. Txinako Alderdi Komunistak probintzian duen ordezkaria Liang Baohua (梁保华) da.

Garraioa

Aireportuak

Kokapen Hiria	NAZE	NAGE	Aireportuaren izena
JIANGSU
Changzhou	ZSCG	CZX	Changzhou Aireportua
Lianyungang	ZSLG	LYG	Lianyungang Aireportua
Nanjing	ZSNJ	NKG	Nanjing Lukou Nazioarteko Aireportua
Nantong	ZSNT	NTG	Nantong Aireportua
Suzhou	ZSSZ	SZV	Suzhou Guangfu Aireportua
Wuxi	ZSWX	WUX	Wuxi Aireportua
Xuzhou	ZSXZ	XUZ	Xuzhou Aireportua
Yancheng	ZSYN	YNZ	Yancheng Aireportua

Kanpo estekak

• (Txineraz) Jiangsuko gobernuaren webgunea.

• Datuak: Q16963
• Multimedia: Jiangsu / Q16963

Artikulu hau Txinako geografiari buruzko zirriborroa da. Wikipedia lagun dezakezu edukia osatuz.