Maskarenoj
| Maskarenoj | |||
|---|---|---|---|
 | |||
| insularo [+] | |||
| Akvejo | Hinda Oceano | ||
| Supermara alteco | 3 069 m [+] | ||
| Koordinatoj | 20° 12′ 0″ S, 57° 45′ 0″ O (mapo)-20.257.75Koordinatoj: 20° 12′ 0″ S, 57° 45′ 0″ O (mapo) | ||
| Plej alta punkto | Najlo de Neĝo [+] | ||
| Akvokolektejo | 4 481 km² (448 100 ha) [+] | ||
| Areo | 4 481 km² (448 100 ha) [+] | ||
| Nombro de insuloj | 2 ĉefinsuloj | ||
| Horzono | UTC+04:00 [+] | ||
|
|||
 |
|||
| Maskarenoj | |||
 Vikimedia Komunejo: Mascarene Islands [+] |
|||
La insuloj Maskarenoj (aŭ insularo Maskarena) estas grupo de insuloj de la Hinda Oceano oriente de Madagaskaro enhavanta la platformon sur kie baziĝas la insuloj Maŭricio, Reunio, Rodriges kaj Cargados Carajos krom la bazo de la tiamaj insuloj Saya de Malha, Nazareth kaj Sudan. La kolektiva nomo devenas el la portugala maristo Pedro Mascarenhas, kiu unue vizitis ilin en 1512.
Historio
[redakti | redakti fonton]El la 10-a jarcento, Araboj vizitis la insulojn Maskarenojn. Mapo de la 12-a jarcento de la araba geografo Ash-Sharif al-Idrisi, klare montras la tri insulojn de la Maskarenoj kiel Dina Arobi (Maŭricio), Dina Margabin (Reunio) kaj Dina Moraze (Rodriges). La insuloj ricevis en 1528 la viziton de la portugala maristo Dom Diogo Rodrigues, kiu donis la nomon de Maskarenoj pro Mascarenhas.
Politiko
[redakti | redakti fonton]Administre la insularo estas dividita en la jenajn administraĵojn:
- Maŭricio: Reunio, Rodriges, Cargados Carajos kaj Agalega.
- Dependaĵoj transmaraj de Francio:
- Reunio, transmara regiono de Francio kaj ekstera regiono de la Eŭropa Unio.
- Tromelino, unu el la Disaj Insuloj en la Hinda Oceano, kie loĝas nur meteorologoj kaj kiun postulas Maŭricio.
Geografio
[redakti | redakti fonton]La insuloj Maskarenoj estas la supermara parto de la submara altebenaĵo de la Maskarenoj, formiĝaĵo de preskaŭ 2,000 km el la insuloj Sejŝeloj ĝis Reunio. Tiu altebenaĵo havas prufondecon de inter 8 kaj 150 m, kun bordoprofundeco de 4,000 m. La norda parto de la altebenaĵo konsistas el granito, kaj estas ero disigita de la superkontinento Gondvano.
La insuloj estas de vulkana deveno kaj la plej malnovaj iĝis atoloj aŭ koralaj rifoj. En la insulo Reunio troviĝas unu de la vulkanoj plej aktivaj en la mondo: la Piton de la Fournaise.
Biogeografie la insularo apartenas al la madagaskara ekoprovinco de la afrotropika ekozono laŭ la tipologio de la Monda Natur-Fonduso (WWF). La insuloj kunhavas saman komunan geologian devenon kaj konstruas ekoregionon kun unika floraro kaj faŭno: nome la maskarenajn arbarojn, parto de la Sejŝelaj kaj maskarenaj humidaj arbaroj. Maskarenoj estas ĉirkaŭitaj de samnoma mara ekoregiono.