Makolio
En korea kuirarto, la makolio[1] (koree 막걸리, makgeolli [mak͈ːʌlːi]; alternative koree 탁주, takju [tʰaktɕ͈u]) estas blanka alkoholaĵo farita el rizo.
Priskribo
[redakti | redakti fonton]
La makolio estas blankeca ŝaŭma likvo kun dolĉa, grena gusto, tipe enhavanta 6–8% da alkoholo volumene. Ĝi estas ordinare trinkata malvarme en bovloj.
Oni faras makolion per fermentado de rizo aŭ tritiko kun fungo. Oni bolas rizon aŭ tritikan farunon, malvarmigas ĝin, aldonas akvon kaj la fungon riza aspergilo (latine Aspergillus oryzae; koree 누룩, nuruk). Tio kaŭzas fermentadon; poste, oni ordinare (sed ne ĉiam) filtras la solidaĵon. (La tipo sen filtrado nomiĝas dongdongĝu koree 동동주, dongdongju.)
-
Botelo de makolio -
Ladskatolo de rizmakolio -
Diversaj boteloj de makolio -
Botelo de makolio farita el maizo
.jpg)
Historio kaj etimologio
[redakti | redakti fonton]La makolio devenas de Koreio, kaj estis farata dum jarmiloj.[2] La korelingva nomo konsistas el la morfemoj mak (koree 막) “ĵus”, georeu- (koree 거르-) “filtri”, kaj -i (koree -이) “-aĵo”, kaj tiel laŭetimologie signifas “ĵusfiltraĵon”, pro la lakteca, nedistilita aspekto de la trinkaĵo.
Referencoj
[redakti | redakti fonton]- ↑ Nova Plena Ilustrita Vortaro de Esperanto: makoli/o
- ↑ Son, Angela; Joan Vos MacDonald (2017-08-08). “Makgeolli in Seoul: Why this speciality liquor is only at its best in the South Korean capital”, The Independent (en).