Baner Fryslân

Baner Fryslân

Enghraifft o'r canlynol	baner endid gweinyddol o fewn un wlad
Lliw/iau	glas, gwyn, coch
Dechrau/Sefydlu	1957
Ffeiliau perthnasol ar Gomin Wicimedia

Baner Fryslân (cymhareb 9:13; de facto 2:3)

Y faner, gyda baner yr Iseldiroedd ar grys aelod o'r Sgowtiaid

Baner swyddogol talaith Fryslân (Friesland) yn yr Iseldiroedd yw baner Fryslân (Iseldireg: Friseg vlag neu vlag van Friesland; Ffriseg: Fryske Flagge).

Mae'n cynnwys pedair streipen las wedi'u gwahanu gan dair streipen wen wedi'u trefnu'n groeslin, ac o fewn y streipiau gwyn saith pompeblêden (dail lili'r dŵr felen) a all edrych fel calonnau, ond na ddylai, yn ôl y cyfarwyddiadau swyddogol, edrych fel calonnau”. Mae crysau chwaraewyr y clwb pêl-droed Sportclub Heerenveen a'r gerddorfa Blauhúster Dakkapel (nl) yn defnyddio'r faner hon fel dyluniad.

Symbolaeth

Baner Ffrisia ar adeilad

Mae'r saith Pompeblêden yn cyfeirio at wledydd morwrol Friesland, cyfres o diroedd canoloesol ar hyd yr arfordir o Alkmaar i'r Weser a unodd i amddiffyn eu hunain yn erbyn y Llychlynwyr. Ni fu erioed yn union saith pennaeth gwahanol, ond mae'r nifer hwn o saith i'w cymryd yn yr ystyr “llawer”. Fodd bynnag, yn ôl rhai ffynonellau, roedd saith tiriogaeth Ffrisia: Gorllewin Friesland, Westergo, Eastergo, Hunsingo, Fivelingo, Emsingo a Jeverland.

Defnyddir Pompeblêden mewn baneri cysylltiedig eraill, megis baneri Ommelanden, yn nhalaith gyfagos Groningen, ardal a oedd yn hanesyddol yn Ffrisia, ac mewn prosiect baner pan-Ffrisia a gynigiwyd gan brosiect baneri Fryslân a gyflwynwyd gan gefnogwr Grŵp Auwerk. Ceir hefyd sawl tref oddi fewn i'r Almaen sy'n arddel symbol y Pompeblêd, gan gynnwys dinas fawr Essen. Credir mai Pompeblêd hefyd yw'r hyn a ddylunir fel calonnau bellach ar arfbais swyddogol Denmarc.

Hanes

Disgrifir baner gyda sawl pompblêden yn Cân Gudrun, cerdd epig Uchel Almaeneg (Hochdeutsch) o'r 13g, ond mae'r motiff hwn yn dynodi dylanwad Llychlyn. Mae tua mil dau gant o arfbeisiau Llychlyn yn dangos olion niferus o lili'r dŵr a chalonnau, a gysylltir yn aml â llewod.

Mae casgliad herodrol o'r 15g yn cyflwyno dwy arfbais sy'n dod o drydedd un hŷn: arfbais yn dangos llew â saith pompeblêden a drawsnewidiwyd dros amser yn biledau, a'r llall yn dangos arfbais gyda'r saith pompeblêden, a gynrychiolir ar hyn o bryd ar y bandiau.

Cymeradwywyd y cynllun presennol yn swyddogol ym 1897 ac fe'i defnyddiwyd gyntaf gan lywodraeth y dalaith ym 1927.

Poblogrwydd cyfredol

Mae crysau'r clwb pêl-droed SC Heerenveen a'r Blauhúster Dakkapel wedi'u modelu ar ôl y faner hon. Gellir ei gweld yn cyhwfan ar hyd talaith Ffryslân ac ar nwyddau nodweddiadol a chwmnïau masnachol rhyngwladol.

• 
  Gellir gweld y faner yn y cefndir yn râs sgefrio enwog yr Elfstedentocht a gynhelir ar hyd camlesi Ffryslân pan fyddant wedi rhewi
• 
  Sylvia Smit, yng nghrys pêl-droed SC Herrenven
• 
  Cefnogwyr SC Heerenveen yng nghrys y faner trawiadol
• 
  Mwgwd wyneb adeg [[Covid-19) (2022)
• 
  Baner Ffrisia yn hybu McFlurry, McDonalds, Heerenveen (2018)
• 
  Blwch bara gyda'r faner (2020)
• 
  Sannau gyda'r faner
• 
  Baner fryslân ar Promenâd Aberystwyth
• 
  Mae baner Fryslân yn un o faneri Promenâd Aberystwyth

Baneri Ffrisieg

• 
  Baner yr Ommelanden
• 
  Baner pan-Ffrisia (answyddogol)
• 
  Baner y "Interfriese Raad" (2006)

Dolenni allanol

• Baner Fryslân ar wefan Flags of the World
• What is this Symbol? - The History of the Frisian Pompeblêd

Cyfeiriadau

Eginyn erthygl sydd uchod am Ewrop. Gallwch helpu Wicipedia drwy ychwanegu ato.