Казань

Казань хото
—  хотын тойрог  —
Skyline of Казань хото
Һүлдэ туг Һүлдэ тэмдэг
Улас орон	ОХУ
Можо нютаг	Татарстан Улас
Хотын тойрог	Казань
7 хороо	Долоон хороотой
Газар нютаг	425,3-614,16км²
Газарай байса	д.н.д. 60 м
Хүн зон	2015 ондо 1 205 651 хүн
Нягтарал	1915 хүн/км²
Нютагай олон	Казаниинхид
Дарга	Ильсур Метшин (ЕР)
Телефоной_код	+7 843
Сахим газар	kzn.ru (ородоор)

Казань (татараар Qazan, Казан, ород: Казань), Оросой холбоото уласай хото, Татарстан Уласай ниислэл, Эжэл мүрэндэ Казанка мүрэн шудхажа ородог үзүүртэхи томо боомто (порт). Томо мүрэнэй боомто, түмэр замай уулзабари. Машина бүтээлгын (агаарай тоног түхеэрэмжэ бүтээлгэ, хүдэлүүр бүтээлгэ, «Теплоконтроль», вакуумай техника бүтээлгэ; компрессорой ба сахим тоолохо машинын үйлэдбэри) ба түмэрлигэй, химиин, газарай тоһоной химиин томо түб («Органический синтез», «Тасма», химиин-эм зүйн үйлэдбэри; синтетик каучугай ба байдалай химиин үйлэдбэри), хүнгэн (арһанай), хүнэһэнэй ажаүйлэдбэри. 11 дээдэ һургуули (энэ тоодо Казаниин гүрэнэй ехэ һургуули, Казаниин гүрэнэй консерватори), 6 театрнууд (энэ тоодо Опера ба баледэй театр), 8 музейнууд (энэ тоодо Татарстан Уласай, уран һайханай, Горький нэрэмжэтэ музей). XIII зуунай һүүлшын хахадта байгуулагдаһан, 1438-1552 ондо Казаниин ханлигай ниислэл хото. XVI-XVIII зуунай дурасхалта кремль ордонтой, энэ тоодо Сююмбеки самхаг (XVI һүүл-XVIII эхин). Петропавлын сүмэ (XVIII зуун), Марджани мечеть (XVIII зуун), Казаниин ехэ һургуулиин комплекс (XIX зуун, классицизм).