kemmadur dre galetaat

Brezhoneg

Etimologiezh

Diwar an anv-kadarn kemmadur, an araogenn dre hag ar verb kaletaat.

Troienn

kemmadur dre galetaat

1. (Yezhadur) Kemmadur a ra da lizherennoù B, D ha G deroù ger treiñ e P, T ha K

• war-lerc'h ar raganv-gour renet az (a-raok ur verb displeget) :

a) Ar mor a lavar d'ar martolod : Poagn ganin, me az pevo; diwall razon, me az peuzo ! — (Jules Gros, Le trésor du breton parlé Troisième Partie, 1974, p. 321.)

• war-lerc'h an araogenn mesket ez :

a) — [...]. Setu penaos e em gomeri, mont a ri da di da dad-kaer da daou dorn 'n ez kodelloù. [...]. — (Fañch an Uhel, Kontadennoù ar Bobl/3, Al Liamm, 1988, p. 190.)

b) E Syrena, marteze, ez pro Syrena ? — (Jarl Priel, Gwener ar Groaz, Al Liamm niv. 25, Meurzh - Ebrel 1951, p. 42.)

ch) An hent-se a zo ez torn deou (kleiz). — (Jules Gros, Le trésor du breton parlé Deuxième Partie, 1970, p. 134.)

• war-lerc'h ar raganv-gour renet ho (a-raok ur verb displeget) :

a) — [...]. Hon-zeir ez omp merc'hed da roue ar Spagn, hag abaoe pemp bloaz al loen lous-se a zo nijet kuit gant ur garm spontus, pa en deus ho kwelet,hon dalc'h indan gazelge, en tri c'hastell, unan dir, hemañ eo hag un' all arc'hant, hag an drivet aour. [...]. — (Fañch an Uhel, Kontadennoù ar Bobl/1, Al Liamm, 1984, p. 18.)

b) — [...], hag ez eo me, ha nann un all, en deus ho tennet ho-teir eus a indan veli ar jeanted ho talc'he en ur c'hastell kouevr, ur c'hastell arc'hant hag ur c'hastell aour. — (Fañch an Uhel, Kontadennoù ar Bobl/1, Al Liamm, 1984, p. 132.)

ch) — Doue d'ho pennigo, ma mab. — (Fañch an Uhel, Kontadennoù ar Bobl/3, Al Liamm, 1988, p. 111.)

c'h) — [...]. Pa vezo red, me ho kalvo adarre. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 6.)

d) « Dre c'hras Doue, va niz ! Hag heta a ran d'eoc'h ivez yec'hed ha prosperite. Met petra ho tegas ? » — (Jakez Riou, Troiou-Kamm Alanig al Louarn I, Gwalarn niv. 89, Ebrel 1936, p. 38.)

• war-lerc'h an anv-gwan perc'hennañ ho :

a) — Hag ho preur yaouank Arzhur, pelec'h emañ ivez ? — (Fañch an Uhel, Kontadennoù ar Bobl/1, Al Liamm, 1984, p. 22.)

b) — Lazhet am eus ho taouzek tad a Frañs ! — (Fañch an Uhel, Kontadennoù ar Bobl/1, Al Liamm, 1984, p. 46.)

ch) — Aes e oa ho kwele ma merc'hig ? a c'houlennas c'hoazh. — (Fañch an Uhel, Kontadennoù ar Bobl/1, Al Liamm, 1984, p. 83.)

c'h) — Touer Doue, serrit ho kinou gand aoun na gouesfe varnomp tan an env. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 64.)

d) — [...] : Ho polontez ha bolontez Doue ra vezo great! — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 175.)

e) « [...]. Eun arme emaoc'h en-dro d'in, hag a-enep d'in, ha n'oc'h ket gwall sur e chomin etre ho taouarn. [...] ? — (Jakez Riou, Troiou-Kamm Alanig al Louarn I, Gwalarn niv. 89, Ebrel 1936, p. 56.)

Troidigezhioù

• galleg : mutation durcissante ^(fr)  benel , renforcement ^(fr)  gourel
• kembraeg : treiglad caled ^(cy)  gourel
• kerneveureg : treylyans kales ^(kw)  gourel
• saozneg : hard mutation ^(en)
• skoseg : cruadhachadh ^(gd)  gourel

Gwelet ivez

• Ar pennad « kemmadur dre galetaat » e-barzh Wikipedia