bran

Gwelet ivez : brân

Brezhoneg

Etimologiezh

Testeniekaet en henvrezhoneg.

Meneget er C'hatolikon.

Da geñveriañ gant ar gerioù brân (e kembraeg), bran (e kerneveureg hag iwerzhoneg), branos (e galianeg).

Anv-kadarn

Ur vran

bran /ˈbrãːn/ benel (liester brini)

1. (evnoniezh) (Loenoniezh) Evn du pe louet e bluñv eus ar genad Corvus
   • Ouzhpenn ma oa souezhet-bras an aotrou-mañ o welout penaos e c'helle Ivon dont da leon, da digr, da loupard, da hoc'h-gouez, da vleiz, da louarn, da vran, e voe souezhetoc'h c'hoazh o welout e teue bep taol a-benn eus al loened all, [...]. — (Troude ha Milin, Labous ar Wirionez ha Marvailhoù all, Skridoù Breizh, 1950, p. 148.)
   • [...], hag evel un heklev damvouget e kleven neuze soroc'h an dour ouzh ar garreg, koagadenn ur vran strafuilhet, pe vouskan melkonius ur paotrig saout o vesa e loened e lanneg Kerdeozer... — (Jarl Priel, Va Zammig Buhez, Al Liamm, 1954, p. 116.)

Gerioù kevrennek

• beg-bran
• begoù-bran
• bran-beg-ruz

• bran louet
• bran vras
• malvran

• marc'hvran
• morvran
• pav-bran

Troioù-lavar

• bezañ du ar vran gant unan bennak : bezañ feuket
• chom da gontañ pet bran a ya hebiou : bezañ difonn en e labour
• intent pig e-lec'h bran : kompren a-dreuz
• kemer pig e-lec'h bran : kompren a-dreuz
• klevet pig e-lec'h bran : kompren a-dreuz
• kompren pig e-lec'h bran : kompren a-dreuz

Troiennoù keñveriañ

• du evel askell ar vran : du-tre
• du evel un tad bran : du-tre
• du evel ur vran : du-tre

Krennlavarioù

• Ar vran he deus tri oad den, tri oad marc'h
  Ha c'hoazh n'he deus ket oad a-walc'h.
• Diskiant neb a yeas da grediñ
  E teui da c'houlmed ar brini.
• Gwellañ kan he deus ar vran
  Eo he hini hec'h-unan.
• Pig pe vran
  A gan.
• Patern. - [...]. Pig pe vran a glev atao ! — (Yann-Vari Perrot, An Aotrou Kerlaban Pez farsus e 3 Arvest, Brest, 1922, p. 34.)

Troidigezhioù

• alamaneg : Rabe ^(de)
• esperanteg : korvo ^(eo)
• galizeg : corvo ^(gl)
• galleg : corbeau ^(fr) , corneille ^(fr)
• italianeg : corvo ^(it)  gourel
• iwerzhoneg : caróg ^(ga)

• kembraeg : brân ^(cy)
• kerneveureg : bran ^(kw)
• portugaleg : corvo ^(pt)
• sañskriteg : काक ^(sa) (kāka)
• saozneg : crow ^(en) , raven ^(en)
• tchekeg : havran ^(cs)

Gwelet ivez

• Ar pennad « bran » e-barzh Wikipedia