Red Bull (напой)

Red Bull
Тып	Энергетычны напой
Вытворца	Red Bull GmbH
Паходжанне	Тайланд
Год	1987
Сайт	redbull.com
Кампаненты
Асноўныя	газаваная вада[d] цукар кафеін Таўрын
Медыяфайлы на Вікісховішчы

Red Bull (белар. «Чырвоны бык») — энергетычны напой, які прадаецца аўстрыйскай кампаніяй Red Bull GmbH з 1987 года. З’яўляецца найбольш папулярным энергетычным напоем у свеце, мяркуючы па аб’ёмах продажаў: у 2011 годзе прададзена 4.6 мільярда бляшанак напою.

Аўстрыйскі бізнесмен Дзітрых Матэшыц скарыстаўся ідэяй тайландскага энергетычнага напою Krating Daeng, змяніў яго рэцэптуру і сумесна з Чалеа Уявідха заснаваў у Аўстрыі кампанію Red Bull GmbH. У тайскай мове daeng значыць чырвоны, а krating — гэта жывёла, падобная да быка. Такім чынам «Red Bull» — гэта пераклад назвы Krating Daeng з тайскай мовы.

Напой прадаецца ў высокай і вузкай блакітна-сярэбранай бляшанцы. У Тайландзе і некаторых частках Азіі ў больш шырокай залацістай бляшанцы прадаецца напой пад назвамі Krating Daeng або Red Bull Classic, рэцэптура якога адрозніваецца ад рэцэптуры «заходняга» напою.