Мыс

Мыс Дзяжнёва (Расійская Федэрацыя) і мыс Прынца Уэльскага (ЗША)

Мыс — участак сушы, які ўдаецца ў мора, возера, раку. Можа быць складзены як карэннымі пародамі, так і наносамі.

Фарміраванне

Сваім існаваннем мысы, як правіла, абавязаны працэсам эрозіі. Перадумовай для з'яўлення мыса служыць наяўнасць на берагавой лініі адначасова мяккіх і цвёрдых парод. Мяккія пароды, такія як пясок, разбурацца пад уздзеяннем хваль істотна хутчэй, чым цвёрдыя. У выніку ўтвараецца мыс.

Геалогія і геаграфія

Фарміраванне мысаў, як правіла, адбываецца на перасечаных участках берагавой лініі, дзе мяккія і цвёрдыя пароды размяшчаюцца па чарзе шэрагамі перпендыкулярна фронту хваль прыбоя. З’яўленне мыса прыводзіць да таго, што большая частка энергіі хвалі пераносіцца на яго. У выніку энергія хвалі не дасягае берагавой лініі, а ўздзейнічае на мыс, што часам выклікае змена формы мыса, ператвараючы яго ў пячору ці прыродную арку.