Карл Май

Карл Май
Нарадзіўся	27 ліпеня 1928(1928-07-27) Фюрт, Веймарская рэспубліка
Памёр	15 сакавіка 1993(1993-03-15) (64 гады) Фюрт, ФРГ
Грамадзянства	Германія
Рост	172 см
Вага	71 кг
Пазіцыя	паўабаронца
Маладзёжныя клубы
1942—1948 Фюрт
Клубная кар’ера
1948—1958 Фюрт 192 (20) 1958—1961 Баварыя (Мюнхен) 67 (2) 1961 Янг Фелоўз (Цюрых) 15 (0) 1962—1963 Дорнбірн 1913
Нацыянальная зборная
1953—1959 ФРГ 21 (1)
Трэнерская кар’ера
1963 Інгальштат
Узнагароды і медалі
Чэмпіянаты свету Золата Швейцарыя 1954
Медыяфайлы на Вікісховішчы

Карл (Чарлі) Май (ням.: Karl (Charly) Mai; 27 ліпеня 1928 — 15 сакавіка 1993) — нямецкі футбаліст, паўабаронца. Чэмпіён свету 1954 у складзе нацыянальнай зборнай ФРГ.

Біяграфія

Большую частку кар’еры Май выступаў за «Гройтэр Фюрт» — усяго правёў за гэту каманду 400 матчаў. У 1958—1961 гадах таксама выступаў за мюнхенскую «Баварыю», а завяршаў кар’еру футбаліста ў сціплых камандах Швейцарыі і Аўстрыі. У 1950 годзе разам з «Фюрт» выйграў чэмпіянат Оберлігі Зюд.

Карл Май быў гульцом асноўнага складу на пераможным для зборнай ФРГ чэмпіянаце свету ў Швейцарыі 1954 года. У фінале чэмпіянату свету Маю ўдалося нейтралізаваць дзеянні Шандора Кочыша, які забіў на турніры да таго моманту ўжо 11 галоў. Зеп Хербергер надзвычай цаніў гульнявы стыль Чарлі Мая, якога ён параўноўваў з гульцом зборнай Германіі 1930-х гадоў Андрэасам Купферам.

Свой адзіны гол за зборную Карл Май забіў 28 мая 1955 года. Гэта быў пераможны гол у таварыскім матчы супраць Ірландыі. Усяго за зборную ФРГ ён правёў 21 матч. У 1958 годзе выступаў таксама за другую зборную ФРГ.

Пасля заканчэння кар’еры футбаліста Карл Май стаў трэнерам. Ён узначальваў «Інгальштат» у сезоне 1963/1964 ў Рэгіянальнай лізе Зюд. Далей засяродзіўся на працы з аматарскімі камандамі: ESV Ingolstadt (1964/1965), MTV Ingolstadt (1965-1967), Wacker München (1969, фіналіст аматарскага чэмпіянату), FC Deisenhofen, SV 73 Nürnberg. Таксама працаваў школьным настаўнікам фізкультуры ў родным горадзе Фюрт.

Быў жанаты з 1952 года, шлюб быў бяздзетным. З 1975 перанёс 6 аперацый, у асноўным звязаных з страўнікава-кішачным трактам. У пачатку 1990-х яму выдалілі правае лёгкае. Памёр у 1993 годзе ад лейкеміі ва ўзросце 64 гадоў.

У 2004 годзе спартыўнаму комплексу яго роднага клуба «Гройтэр Фюрт» было нададзена імя Чарлі Мая.

Літаратура

• Руднік В. Чэмпіёны свету па футболе 1930—2006. — Беласток: «Set-Print», 2006.