Джэйхан (рака)

Джэйхан
тур. Ceyhan
у правінцыі Адана
Характарыстыка
Даўжыня	474 км
Басейн	21 200 км²
Расход вады	каля 230 м³/с
Вадацёк
Выток
• Месцазнаходжанне	Армянскі Таўр
• Вышыня	каля 3000 м
• Каардынаты	38°11′11″ пн. ш. 37°12′52″ у. д.
Вусце	Міжземнае мора
• Месцазнаходжанне	заліў Іскендерун
• Вышыня	0 м
• Каардынаты	36°33′55″ пн. ш. 35°33′35″ у. д.
Размяшчэнне
Водная сістэма	Міжземнае мора
Краіна	Турцыя
Рэгіёны	Кахраманмараш, Асманіе, Адана
— выток, — вусце
Медыяфайлы на Вікісховішчы

Джэйха́н (турэцк.: Ceyhan) — рака на поўдні Турцыі, у паўднёва-ўсходняй частцы паўвострава Малая Азія.

Даўжыня ракі 474 км. Плошча вадазбору 21 200 км². Сярэдні расход вады каля 230 м³/с (найбольшы — у пачатку лета). Выток ракі знаходзіцца ў гарах Армянскага Таўра на вышыні каля 3000 м. Ніжняе цячэнне па нізіне Чукурава. Упадае ў заліў Іскендэрун Міжземнага мора. Жыўленне ракі снегавое і дажджавое. Паводкі адбываюцца ў зімовы перыяд. Вада з ракі выкарыстоўваецца на арашэнне, у выніку чаго ўлетку і ўвосень рака часам перасыхае.

У даліне ракі горад Джэйхан.

Літаратура

• Джэйхан // Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — 576 с. — 10 000 экз. — ISBN 985-11-0035-8. — ISBN 985-11-0106-0 (т. 6). — С. 97.
• Словарь современных географических названий / Под общей редакцией акад. В. М. Котлякова — Екатеринбург: У-Фактория, 2006. (руск.)

Спасылкі

• Ceyhan River (англ.) // Encyclopaedia Britannica