Hər kəsin redaktə edə biləcəyi azad ensiklopediya olan

Vikipediyaya xoş gəlmisiniz!

Hal-hazırda Azərbaycanca Vikipediyada 202.829 məqalə mövcuddur.

Həftənin seçilmiş məqaləsi

Krım tatarlarının deportasiyası — 18-20 may 1944-cü il tarixləri aralığında ən azı 191,044 nəfər, Krım Tatarları Milli Hərəkatının məlumatına görə isə 400,000-dən çox tatarın Krımdan sürgün edilməsinə verilən addır. Bu hadisə etnik təmizləmə və ya mədəni soyqırım kimi qiymətləndirilir. Bu etnik təmizləmə İosif Stalinin göstərişi ilə Sovet dövlət təhlükəsizliyi və gizli polisinin rəhbəri Lavrenti Beriya tərəfindən həyata keçirilmişdir.

Üç gün ərzində Beriyanın başçılıq etdiyi NKVD üzvləri kommunistlər və Qırmızı Ordu üzvləri də daxil olmaqla qadınları, uşaqları və yaşlıları mal-qara qatarlarından istifadə etməklə bir neçə min kilometr uzaqlıqda yerləşən Özbəkistan Sovet Sosialist Respublikasına sürgün etmişdir. Krım tatarları Stalinin əmrləri ilə Sovet İttifaqı ərazisində məcburi köçürülməyə məruz qalmış on etnik qrupdan biri idi.

Deportasiya guya müharibə ərzində Nasist Almaniyası ilə əməkdaşlıq etmiş bəzi Krım tatarlarına görə kollektiv cəza tədbiri kimi götürülmüşdü. Sovet mənbələri tatarları xəyanətkarlıqda ittiham edirdi. Tatar milliyətçiləri isə bu iddialara qarşı çıxış edərək, onların bu ərazilərdən köçürülməsinin Türkiyə ərazisində yerləşən Dardanel boğazına keçid əldə etmək məqsədilə təşkil olunmuş Sovet planının tərkib hissəsi olduğunu bildirirdi.

(Davamı...)

Həftənin yaxşı məqaləsi

Zəngəzur ekspedisiyası — Azərbaycan Xalq Cümhuriyətinin nizami qüvvələrinin Qarabağdan Zəngəzura etdiyi hücum nəzərdə tutulur. Hücumun məqsədi Türkiyə ilə Azərbaycan arasındakı sonuncu əngəli də ortadan qaldırmaq idi. Hücum zamanı Naxçıvandakı milis dəstələrinin və yenə burada olan iki Türk taqımını da bu əməliyyat istiqamətində hücuma keçmişdir.

Hərbi toqquşma heç bir tərəfin qəti üstünlüyü olmadan bitməklə bərabər ölkələr arasındakı hərbi münaqişənin də sonlanması ilə nəticələnməmişdir. Həm Azərbaycan Xalq Cümhuriyyətinin, həm də Ermənistan Demokratik Respublikasının sonrakı mövcudluğu dövründə, hər iki ölkənin bolşeviklər tərəfindən işğalının ilkin mərhələsində Zəngəzur məsələsi də öz aktuallığını saxlamışdır.

Ümumilikdə Zəngəzur uğrunda gedən proseslər Ermənistan və Azərbaycan arasında davam etməkdə olan və daha geniş əraziləri ehtiva edən mübarizənin və hərbi münaqişənin yalnız bir hissəsi idi.

(Davamı...)

Həftənin seçilmiş siyahısı

Zlatan İbrahimoviçin milli komandada vurduğu qolların siyahısı — Zlatan İbrahimoviç 2001-2016-cı illər aralığında beynəlxalq səviyyədə İsveç millisində oynamış peşəkar futbolçu. O, həmçinin Bosniya və Herseqovina və ya Xorvatiya millisinin şərəfini qoruya bilərdi. İsveç millisində debüt matçı 2001-ci ilin 31 yanvar tarixində, 0-0 hesabı ilə başa çatmış Farer adaları yığmasına qarşı oyun olmuşdur və İbrahimoviç ilk beynəlxalq qoluna məhz həmin il Azərbaycan millisinə qarşı keçirdiyi oyunda imza atmışdır.

2009-cu ilin oktyabr ayında İsveç millisi 2010-cu il FİFA Dünya Kuboku turnirindən kənarda qaldıqdan sonra o, millidə çıxışını başa vurduğunu elan etsədə, növbəti ilin avqust ayında millinin kapitanı kimi yenidən komandaya geri qayıtmışdır. Beynəlxalq karyerası dövründə o, meydana çıxdığı 116 matçda ümumilikdə 62 qola imza ataraq İsveç yığmasında ən çox qola imza atan futbolçu olmuşdur ki, 2014-cü ildə Friends Arena stadionunda Estoniya yığması ilə keçirilən yoldaşlıq oyununda 2 qol vuraraq Sven Ryüdellin rekordunu qırdı.

(Davamı…)

Günün seçilmiş şəkli

Xəbərlər

Rumıniya Prezidenti Klaus Yohannis (şəkildə) vəzifəsindən istefa verib və onun yerinə müvəqqəti olaraq senat sədri İlie Bolojan keçib.
Nizari İsmailiyyə məzhəbinin 49-cu imamı IV Ağa Xan 88 yaşında vəfat edib.
Əhməd əş-Şaraa Suriya keçid hökumətinin prezidenti seçilib.
ABŞ Hava Yollarının 5342 saylı reysinin Potomak çayı üzərində helikopterlə toqquşması nəticəsində hər iki uçuş vasitəsindəki ümumilikdə 67 nəfər həlak olub.
Türkiyənin Bolu ilinin Qartalqaya dağ-xizək mərkəzindəki hoteldə baş verən yanğın nəticəsində ən azı 78 nəfər ölüb, 51 nəfər yaralanıb.

Aktual hadisələr: Rusiya–Ukrayna müharibəsi • Sudanda vətəndaş müharibəsi

Son ölümlər: Ziyadxan Əliyev, Ənvər Həsənov, Tamilla Şirəliyeva, Eleonora Giorgi, Buvaysar Saytiyev, Edip Akbayram

Bilirsinizmi?

"Palicourea elata" (şəkildə) bitkisi özünün aydın formalı, dodağa bənzər qırmızı diş telləri ilə diqqəti cəlb etdiyi üçün əsasən "isti dodaqlar" və "sevgili öpüşü" adları ilə tanınır.
ABŞ Strateji Komandanlığı tərəfindən hazırlanmış CONOP 8888 planı mülki şəxsləri və hakimiyyət orqanlarını zombilərdən qorumaq üçün nəzərdə tutulub.
2003-cü il İraq müharibəsi zamanı çoxlu sayda internet istifadəçisi yanlışlıqla Avstraliyanın Baqdad qəsəbəsinin rəsmi saytına müraciətlər ünvanlayırdı.
Yuli Sezar ikinci arvadı Pompeyadan Yaxşı ilahə ritualları ilə bağlı qalmaqalda iştirak etdiyi üçün boşanmışdır.
İzmirdə baş tutan ənənəvi Rakıspor–Şarapspor futbol oyunlarında oyunçular və hakimlərin meydana sərxoş halda çıxması məcburi idi.

Tarixdə bu gün

17 mart: Vahid İtaliya dövlətinin yaranması, İsraildə ilk qadın baş nazir

624 — Müsəlmanlar və Qureyşilər arasında Bədr döyüşü baş verdi.

1861 — Vahid İtaliya dövlətinin yaradılması elan edildi.

1948 — Benilüks ölkələri, Fransa və Birləşmiş Krallıq NATO-nun sələfi olan Brüssel müqaviləsini imzaladılar.

1957 — Filippində təyyarə qəzası nəticəsində ölkə prezidenti Ramon Maqsaysay və daha 24 nəfər həlak oldu.

1969 — Qolda Meir İsrailin ilk qadın baş naziri oldu.

1992 — Buenos-Ayresdə İsrail səfirliyinə terror hücumu nəticəsində 29 nəfər həlak oldu, 242 nəfər yaralandı.

1992 — Azərbaycan Respublikası ilə Almaniya arasında diplomatik əlaqələr quruldu.

Digər günlər: 16 mart – 17 mart – 18 mart

Arxiv – e-məktub ilə – İlin digər günləri – Haqqında

Hazırda 17 mart 2025 (UTC) – Səhifəni yenilə

Kömək səhifələri

Vikipediya

Ana səhifə

Vikipediyaya xoş gəlmisiniz!

Vikimedia Fondunun digər layihələri