Wok

Wok
	utensilio de cocina (es)

El wok (Chinu tradicional: 鑊; Chinu simplificáu: 镬; Hanyu Pinyin: "guō" (en Mandarín) , wok (鑊)(en cantonés) ye una mena de sartén muy afayaízu emplegáu nel Este y Sureste Asiáticu. El grafu chinu 鑊 , ye semeyu a 鍋 (guō (en Mandarin), wok (鑊)(en Cantonés)), d'acordies colos pescudamientos llingüisticos fechos.

Esti sartén ye reondu y tá acombáu nel fondu. El tamañu normal suel ser de 30 cm o más de diámetru. Suel tar fechu d'aceru, fierro fundío ya inclusive hailos d'aluminiu.

L'emplegu d'esti sartén ye muy curiosu, y úsase pa frir alimentos per aciu d'un movimientu constante denomáu na gastronomía china (cantonesa) como "wok hei" (trátase d'una habilidá pa sacar el qi (o enerxía biolóxica del alimentu) del wok, d'esta miente los alimentos caltienen siempres el so sabor y olor intautos.

Usu del wok

El wok tien de ser usáu abondo calecíu y con una llapa alta.
Faise necesario precalecelu demientres un minutu.
Pa saltiar los alimentos, úsase namái un migayu d'aceite.
Una vegada amestaos los ingredientes, hai de xiringar constantemente el wok.
Dempués d'usáu, el wok lávase namái con agua calecío y un mañizu de bambú.
Pa guardalu hai d'ensugalu y protexelu con una capa d'aceite pa evitar la oxidación.
La primer vegada que s'usa un wok nuevu hai de "curialu", para criar una capa proteutora. La curia faise poniendo el wok con aceite al fueu pa qu'ambure y se-y pegue na so superficie.

Referencies

Enllaces esternos