Shōjo manga

Shōjo manga
	público objeto para manga (es) y manga genre (en)
	Manga

Shōjo (kanji: 少女, hiragana: しょうじょ) ye un tipu de manga/anime empobináu a moces, pero que tamién pue interesar a los mozos. La pallabra significa "moza xoven".

Tradicionalmente, el "shōjo puru" cientrase nes hestories d'amor y un fuerte protagonismu femenín, pero delles hestories shōjo cientrense más na aición p'atrayer a grupos más variaos (sobremanera'l subxénero de les magical girls). Por exemplu, Sailor Moon amesta elementos del "shōjo puru" con elementos d'aición, colo que ven la serie tanto les neñes de 10 años como los executivos de 40. Davezu, el shöho ta empobináu a moces preadolescentes.

Munches vegaes, el manga y anime shōjo contién elementos de shōnen-ai o incluso yaoi, por non falar del yuri. Los bishōnen tienen una estética mui definida, de mozos que tienen rasgos bastante afemaos.

Otres formes d'escribir "shōjo" son: shojo, shôjo y shoujo

Esti tipu de manga remanez, según dellos, de la dómina d'Osamu Tezuka. Contién nel so orixe y estilu tol conxuntu de los parámetros estéticos que tán xeneralizaos del manga y del anime.

Les visiones de las flores, destellos, güeyos grandes y figures estilizaes tienen orixe cimeru nesta mena de narrativa, que na so forma más pura cientrase en confliutos, desavenencies, aventures y desventures referentes la vida de pareya, el namoramientu, l'amistá y l'amor.

Los personaxes principales son muyeres de cualaquier edá, anque polo xeneral son mozos cruciando los sos caberos años de secundaria. Los personaxes principales esponen dafechu les sos emociones y sentimientos con una gueta de lo más fonderu del so interior, visión y pensamientu.

Col tiempu los temes vanse actualizando, orientándose a la esposición de rellaciones ente persones del mesmu sexu. Entá cuando non ensin polémica, esti xéneru tien algamáu un relativu crecimientu en cuantes a la so popularidá y diversificación.

Ver tamién

Referencies

Enllaces esternos

Wikimedia Commons tien conteníu multimedia tocante a Shōjo manga.