Samuel Sánchez

Samuel Sánchez
Vida
Nacimientu	Uviéu, 5 de febreru de 1978 (46 años)
Nacionalidá	España
Estudios
Llingües falaes	castellanu
Oficiu
Oficiu	ciclista
Trayeutoria
	Participante Vuelta a España ; Tour de Francia ; Tour de Francia 2012 ; Tour de Francia 2011 ; Tour de Francia 2010 ; Vuelta a España 2014 ; Vuelta a España 2013 ; Giro d'Italia 2014 ; medaya d'oru olímpicoCiclismu en ruta masculín nos Xuegos Olímpicos de Beixín 2008 ; UCI Europe Tour 2017 (1696.); UCI Europe Tour 2016 (1255.); UCI America Tour 2016 (73.); UCI Asia Tour 2016 (619.); 2017 UCI World Ranking (en) (878.); 2016 UCI World Ranking (en) (82.); UCI World Tour 2017 (226.); UCI World Tour 2016 (35.); UCI World Tour 2015 (105.); UCI World Tour 2014 (mul) (43.); UCI World Tour 2013 (46.); UCI World Tour 2012 (9.); UCI World Tour 2011 (6.); UCI World Ranking 2009 (es) (3.); UCI World Ranking 2010 (es) (8.); 2003 UCI Road World Rankings (en) (68.); Q53844942 (49.); UCI ProTour 2005 (es) (55.); UCI ProTour 2006 (es) (2.); UCI ProTour 2007 (es) (9.); UCI ProTour 2008 (es) (84.) ;
Pesu	65 kg
Altor	178 cm
Premios	ver Medaya d'Oru de la Real Orde del Méritu Deportivu ; Hijo Predilecto de Oviedo (4 setiembre 2008) ;
	samusanchez.com

Samuel Sánchez (5 de febreru de 1978, Uviéu) ye un ex-ciclista profesional.

Biografía

Formóse nes categoríes inferiores del C.C Colloto (Uviéu), onde se fizo como ciclista dende la categoría alevín, siendo recordaes tovía les sos victories nes categoríes de cadetes y xuveniles, u xunto a ciclistes como Benjamín Noval algamó munchos ésitos, ente ellos el subcampeonatu d'España de fondu en carretera de categoría cadete en 1994 cola seleición asturiana.

En 1997, con 19 años, al pasar a la categoría de sub-23, fichó pol equipu vizcaín Olarra, au tuvo tres temporaes, algamando 17 victories, pasando nel 2000 al equipu Euskaltel-Euskadi, col que debutaría como profesional.

Destaca nes clásiques y en carreres d'una selmana, anque anguaño yá brilla en carreres grandes como la Vuelta Ciclista a España, na que nos años 2005 y 2006 algamó sendes victories d'etapa.

Nel añu 2006 ye convocáu por primer vegada pa participar cola seleición española nel Campeonatu del Mundu de fondu en carretera, que tuvo llugar en Salzburgu. Dempués de realizar un gran trabayu d'equipu, llanzó'l sprint pal so compañeru Alejandro Valverde, qu'algamaría la medaya de bronce, y él ocuparía la cuarta posición. Díes más tarde d'esta gran actuación algamaría la so mayor victoria como profesional, al ganar el Campeonatu de Zúrich, una clásica del circuitu UCI Pro-Tour.

L'añu 2007 supuso la so consagración en vueltes de tres selmanes algamando'l podiu na Vuelta a España, a lo qu'hai de sumar tres victories d'etapa na mesma.

Pero sería l'añu 2008 el de la so consagración definitiva como gran ciclista. Arriendes de facer un gran papel nel Tour de Francia, nel que terminaría séptimu, gana la medaya d'oru na prueba en ruta de los Xuegos Olímpicos de Beixín u igualmente algamaría'l sestu puestu na prueba de contrarreló individual.

Nel añu 2009 vuelve al so calendariu habitual pa disputar la Vuelta al País Vascu y clásiques de primavera n'Abril y Vuelta a España y el mundial en setiembre. A principios de xineru descártense problemas nuna de les sos rodilles, anque dempués d'una caída na París-Niza vuelven a surdí-y dolores lo que-y faen trestocar la primer parte de la temporada llegando a los sos oxetivos principales del mes d'abril con menos díes de competición de los previstos. Dempués d'esos pilancos volvió a la competición algamando la victoria nel Gran Premiu de Llodio. Na Vuelta a España salió col númberu 1 dempués de la renuncia d'Alberto Contador de defender la so victoria del añu anterior, algamando la segunda posición.

Nel añu 2010 renunció a participar na Clásica de les Ardenes pa disputar el Tour de Francia. Pese a ello, al contrario de lo que ficiera dos años enantes, sí corrió a buen nivel les carreres del entamu de temporada col oxetivu de ganar la Vuelta al País Vascu. Arriendes d'ello, una vez finalizáu'l Tour nun descartó la so participación na Vuelta a España.

Na ronda gala tuvo una gran actuación con un segundu puestu na etapa nº8 ente Station des Rousses > Morzine-Avoriaz de 189 (km) y un terceru na decimotercer etapa, ente Revel y Ax-3 Domaines. Finalmente quedaría clasificáu na cuarta posición.

L'Ayuntamientu d'Uviéu dedicó-y una estatua, obra d'Antonio Diego Granado, na que se representa al ciclista nel momentu de recibir la medaya d'oru nos Xuegos Olímpicos de Beixín.

Nel añu 2011 ganaría la so primer etapa nel Tour de Francia, faciéndolo nuna de les que tienen mayor sonadía, Luz Ardiden, dempués d'una escapada con Jelle Vanendert al que batió nel sprint final. Igualmente fadríase col premiu del monte del Tour.

Equipos

Euskaltel-Euskadi (2000 - 2013)
BMC Racing Team (2014 - 2016)

Palmarés

2004
- 4ᵘ puestu na clásica Liege-Bastogne-Liege
- 2 etapes de la Escalada a Montjuïc
- Escalada a Montjuïc (-clasificación xeneral-)
- 15ᵘ puestu na clasificación xeneral Vuelta Ciclista a España
- 2ᵘ puestu na clasificación xeneral Vuelta a Asturies

2005
- 17ᵘ puestu na clasificación xeneral Giro d'Italia
- 5ᵘ puestu nel Gran Premiu de Zurich
- 10ᵘ puestu na Clásica de San Sebastián
- Una etapa de la Vuelta Ciclista a España
- 10ᵘ puestu na clasificación xeneral de la Vuelta Ciclista a España
- Una etapa de la Escalada a Montjuïc
- Escalada a Montjuïc (-clasificación xeneral-)

2006
- 2 etapes de la Vuelta al País Vasco
- 2ᵘ puestu na clásica Flecha Valona
- Victoria d'etapa Cangues d'Onís - Xixón de la Vuelta a Asturies
- Victoria d'etapa Guadalajara - Cuenca de la Vuelta Ciclista a España
- 8ᵘ puestu na clasificación xeneral de la Vuelta Ciclista a España
- 4ᵘ puestu nel Campeonatu del Mundu celebráu en Salzburgu
- Victoria nel Campeonatu de Zúrich
- Victoria nel Criterium de l'Asociación de Ciclistes Profesionales
- 2ᵘ puestu na clasificación xeneral del Tour de Lombardía
- 2ᵘ puestu na clasificación UCI Pro-Tour

2007
- 1 etapa de la Vuelta al País Vasco
- 1 etapa de la Volta a Cataluña
- Victoria d'etapa Villacarrillo - Granada de la Vuelta Ciclista a España
- Victoria d'etapa Ávila - Altu d'Abantos de la Vuelta Ciclista a España
- Victoria d'etapa Collado Villalba - Collado Villalba (CRI) de la Vuelta Ciclista a España
- 3ᵘ puestu na clasificación xeneral de la Vuelta Ciclista a España
- 7ᵘ puestu nel Campeonatu del Mundu celebráu en Stuttgart

2008
- Victoria nel segundu sector CRI de la segunda etapa de la Vuelta Ciclista a Asturies
- 2ᵘ puestu na etapa reina del Tour de Francia, con final n'Alpe d'Huez
- 7ᵘ puestu na clasificación xeneral del Tour de Francia
- Medaya d'oru na prueba en ruta de los Xuegos Olímpicos celebraos en Beixín
- 6ᵘ puestu na prueba de contra reló individual de los Xuegos Olímpicos de Beixín

2009
- Gran Premiu de Llodio
- 2ᵘ puestu na clasificación xeneral de la Vuelta Ciclista a España
- 4ᵘ puestu nel campeonatu del mundu en ruta

2010
- 1 etapa de la Vuelta al País Vascu
- Clásica de Primavera
- 2ᵘ puestu na octava etapa del Tour de Francia
- 3ᵘ puestu na decimotercer etapa del Tour de Francia
- Victoria final na Vuelta a Burgos y dos etapes

2011
- XIII Gran Premiu Miguel Induráin d'Estella
- 1 etapa de la Vuelta al País Vascu
- 1 etapa nel Tour de Francia (Luz Ardiden) y la clasificación final del monte.
- 1 etapa na Vuelta a Burgos

2012
- 1 etapa na Volta a Catalunya
- Vencedor de la Vuelta al País Vascu más dos etapes y la clasificación de la regularidá.

2013
- 1 etapa del Critérium del Dauphiné

Referencies

↑ URL de la referencia: https://transparencia.oviedo.es/normativa-e-informes/honores-y-distinciones-municipales/hijos-predilectos.

Enllaces esternos

Páxina web oficial
Ficha de Samuel Sánchez en ProCyclingStats
Ficha de Samuel Sánchez na web de la Xunión Ciclista Internacional
Ficha de Samuel Sánchez en Cycling Archives
Ficha de Samuel Sánchez en FirstCycling

[144e4efeff34b73bfee48e2bf3adfb6c073a530d-1] URL de la referencia: https://transparencia.oviedo.es/normativa-e-informes/honores-y-distinciones-municipales/hijos-predilectos.

[1]