البوذيه ، دين و نظام فلسفى و اخلاقى اسسه بوذا ( المتنور ) ما بين 563 و 483 ق.م. البوذيه ليها علاقه بالبراهميه لكن بتركز على الحياه المسالمه الخيره البعيده عن الشر و اذية الناس و الحيوانات بالفعل او بالقول ، و انكار الذات ، و ظبط العواطف ، و التحكم فى الرغبه ، اكتر من التركيز على الطقوس و الشعاير المظهريه. بوذا اعلن مبدا ان الوجود الم سببه الرغبه او الشهوه و ان الالم بيزول لما تتوقف الرغبه. و للتخلص من الرغبه حطت البوذيه تمن نقط بتتعلق بصحة العقيده ، و العزيمه ، و المسالمه ، و الكلام ، و السلوك ، و الحياه العامه ، و بذل المجهود ، و التامل و التعقل. البوذيه بتهدف لتخليص الانسان من الوجود المقيد ، و الوصول للفنا ( نرفانا ). نشئت عن البوذيه مذاهب زى الزن اللى انتشر فى اليابان. البوذيه دين مسالم خير بيتعايش المؤمنين بيه مع العالم و الناس فى سلام و موده و ما بيعتدوش على حد و لا بيميلوا لاذية حد من دينهم او مش من دينهم.
