Wepwawet

Wepwawet
Wepwawet, die Egiptiese god van oorlogvoering en jag.
Soort god	Egipties
God van	Oorlogvoering en jag
Naam in hiërogliewe
Kultussentrum	Lisopolis
Simbool	Knots, jagpyle
Ouers	Set of Anoebis
Portaal    Antieke Egipte

Wepwawet (ook gespel Oepoeaoet, Wepawet ens.) was in die Egiptiese mitologie ’n oorlogsgod. Sy naam beteken hy wat die weë open en hy is dikwels uitgebeeld as ’n wolf.

Hy is oorspronklik as ’n wolfgod beskou. Mettertyd het die verbintenis met oorlog, en dus die dood, daartoe gelei dat hy beskou is as die een wat die weë vir die geeste van die dood open na en deur die Doeat (onderwêreld). Deur dié verbintenis en die ooreenkoms tussen die wolf en jakkals, is Wepwawet verbind met Anoebis, wat eindelik as sy pa beskou is. As ’n jakkals is hy ook verbind met Set, en is hy beskou as Set se seun. Daarop word Wepwawet dikwels met Anoebis verwar.

In latere kuns is Wepwawet uitgebeeld as ’n wolf of jakkals, of as ’n man met die kop van ’n wolf of jakkals. Hy is ook uitgebeeld met die klere van ’n soldaat en met militêre wapens soos die knots en pyl en boog.

Eksterne skakels

• Wikimedia Commons het meer media in die kategorie Wepwawet.
• Hierdie artikel is vertaal uit die Engelse Wikipedia