Thabo Bester
Thabo Bester (gebore 13 Junie 1986)[1] is 'n veroordeelde misdadiger wat uit die Mangaung-korrektiewe sentrum in Suid-Afrika ontsnap het nadat hy sy dood in 2022 voorgegee het.[2][3] Hy was amper 'n jaar lank op die vlug voordat hy op 8 April 2023 in Arusha, Tanzanië gevang is.[4] Hy is saam met sy lewensmaat Dr. Nandipha Magudumana gearresteer.[5] Bester was bekend as die “Facebook-verkragter” en is skuldig bevind aan verkragting en moord.
Geskiedenis
[wysig | wysig bron]Bester het berug geword vir sy kriminele aktiwiteite en bedrog.[6] Terwyl hy in die tronk was, het hy 'n bedrogspul konstruksiemaatskappy genaamd Arum Properties saam met Magudumana bestuur, wat verskeie mense oortuig het om miljoene rande vir konstruksieprojekte te betaal, maar het nooit die goedere gelewer nie.[7][8]
Hy is glo in Mei 2022 deur selfverbranding in sy tronksel dood en was vir 'n jaar op vrye voet totdat 'n nuwe nadoodse ondersoek aan die lig gebring het dat die verbrande liggaam wat in sy sel gevind is, nie syne was nie. Na hierdie onthulling is 'n soektog in Maart 2023 van stapel gestuur.[6] Voor sy opsluiting is hy skuldig bevind aan verskeie misdade, insluitend moord en verkragtingsaanklagte wat gepleeg is teen vroue wat hy via Facebook ontmoet het. Hy is in 2012 skuldig bevind aan die aanranding en moord op Nomfundo Tyhulu, sy modelmeisie. In 2011 is hy daaraan skuldig bevind dat hy twee ander vroue beroof en verkrag het. Hy is tot lewenslange tronkstraf gevonnis.[6]
Burgerskap
[wysig | wysig bron]Bester is nooit amptelik as 'n Suid-Afrikaanse burger by die departement van binnelandse sake gedokumenteer nie. Minister van Binnelandse Sake, Aaron Motsoaledi, het gesê toe Bester in April 2023 in Tanzanië gevang is, is hy onder die dekmantel van Tom Williams Kelly in besit van 'n Amerikaanse paspoort gevind. Motsoaledi , Minister van Binnelandse Sake van Suid-Afrika het gesê dit is te wyte aan kwessies rondom Bester se ingewikkelde opvoeding, en dat sy ma, Maria Mabaso, nooit vir Bester kon registreer nadat sy op 13 Junie 1986 in die Chris Hani Baragwanath-hospitaal aan hom geboorte gegee het nie.[9]
Ontsnap uit die tronk
[wysig | wysig bron]Bester het op 3 Mei 2022 uit Mangaung Korrektiewe Dienste ontsnap nadat hy sy dood nagemaak het deur 'n lyk in sy tronksel te plaas en dit aan die brand te steek. Die ontsnapping het aan die lig gekom nadat die departement van korrektiewe dienste bevestig het dat die verkoolde lyk nie 'n DNS-pasmaat vir Bester was nie.[10] Daar is bevestig dat die verbrande lyk dié van Katlego Bereng Mpholo is wat sedert April 2022 vermis word[11]
Die private sekuriteitsfirma, Fidelity, het 'n R100 000-toekenning aan gebied vir enige inligting wat lei tot die arrestasie en skuldigbevinding van die sogenaamde Facebook-verkragter.
Verwysings
[wysig | wysig bron]- ↑ Lekabe, Thapelo (14 April 2023). "Thabo Bester was born in SA, but not registered with Home Affairs – Motsoaledi". The Citizen.
- ↑ Thabo Bester: South Africa's 'Facebook rapist' deported from Tanzania (yahoo.com)
- ↑ Who is Thabo Bester? Everything to know about the South African fugitive - Briefly.co.za
- ↑ Fihlani, Pumza (12 April 2023). "Thabo Bester: South Africa celebrity doctor's father charged over rapist's escape". BBC News. Besoek op 13 April 2023.
- ↑ Thabo Bester: A timeline of what you need to know, from escape to re-arrest (ewn.co.za)
- ↑ 6,0 6,1 6,2 "Who was Thabo Bester".
- ↑ Thabo Bester: 'Facebook rapist' who faked death arrested in Tanzania - BBC News
- ↑ Thabo Bester, Nandipha Magudumana made millions from construction company scam | News24
- ↑ "Thabo Bester Never Registered as an SA Citizen with Home Affairs".
- ↑ "Thabo Bester: Fidelity Offers Citizens R100 000 Reward for Fugitive's Arrest, SA Demands More: "Make It R10m"".
- ↑ "Thabo Bester: Body used in South African rapist's prison break identified". BBC News (in Engels (VK)). 23 April 2023. Besoek op 24 April 2023.