Seinheuwel

Seinheuwel
Seinheuwel (links) en Leeukop (regs), gesien vanaf Tafelbaai, met Tafelberg op die agtergrond.
Ligging	Wes-Kaap, Suid-Afrika
Hoogte	350 meter bo seevlak
Koördinate	33°55′S 18°24′O
Seinheuwel

Leeukop (links) en Seinheuwel (regs) met Robbeneiland op die agtergrond, vanaf Tafelberg gesien

Seinheuwel (ook Vlaeberg genoem) is 'n platterige heuwel in Kaapstad, Suid-Afrika, wat langs Leeukop en Tafelberg geleë is.

Die heuwel se naam strek terug na die Nederlandse koloniale tyd, toe dit Seinheuvel geheet het. Seinvlae is vanaf die heuwel gebruik om skepe teen slegte weer te waarsku. Vanaf die negentiende eeu is seinskote gevuur sodra 'n skip wat die hawe naderkom het gewaar is. Verder ontstaan die tradisie om elke dag stiptelik om twaalf uur 'n skoot af te vuur om skeepsklokke te kalibreer. 'n Kanonskoot word steeds daagliks om twaalf uur afgevuur, wat oor 'n groot deel van die stad gehoor kan word.

Seinheuwel is 'n groot trekpleister vir toeriste. Dit bied 'n asemrowende uitsig oor die middestad, Tafelbaai en die Atlantiese Oseaan.

Sien ook

• Tafelberg
• Leeukop

Eksterne skakels

• Wikimedia Commons het meer media in die kategorie Seinheuwel.