Salsa (sous)
| Salsa | ||
| ||
| 'n Verskeidenheid salsas. | ||
| Soort gereg | Geurmiddel | |
| Land | Mexiko | |
| Hoofbestanddeel | Rissie, tamatie, uie | |
| Ander bestanddele | Verskeie | |
Salsa is 'n verskeidenheid souse wat as geurmiddel gebruik word vir taco's en ander Mexikaanse geregte, en as 'n doopsous vir tortillatjips. Dit kan rou of gekook wees en word gewoonlik by kamertemperatuur voorgesit.[1]
Hoewel die woord "salsa" enige sous beteken in Spaans, beteken dit in Afrikaans gewoonlik Mexikaanse tafelsouse, veral die soort van onder meer rissies, uie en tamaties.[2] Tortillatjips met salsa is 'n algemene aptytwekker in baie restaurante wêreldwyd, maar nie in Mexiko self nie.[3]
Soorte
[wysig | wysig bron]
Salsa is 'n algemene bestanddeel in Mexikaanse kos en word as 'n geurmiddel voorgesit saam met taco's, of geroer in soppe en bredies. Salsa fresca is vars salsa wat van tamaties en rissies gemaak word. Salsa verde word van gekookte tomatillo's gemaak en as 'n doopsous voorgesit vir verskillende geregte. Die soort rissie wat gebruik word, verskil van streek tot streek.[4]
Mexikaanse salsas sluit in:
- Salsa roja, een van die twee algemeenste soorte salsa, waarin "rooi sous" as 'n geurmiddel gebruik word; dit bevat gewoonlik gekookte tamaties, rissies, uie, knoffel en vars koljander.
- Salsa cruda, "rou sous", is 'n ongekookte mengsel van gekapte tamaties, uie, jalapeño's en koljander.[5]
Behoorlike berging
[wysig | wysig bron]Die WGO waarsku dat salsa en ander soorte souse versigtig berei en gebêre moet word, aangesien die rou soorte as groeimedium vir bakterieë kan dien, veral as dit nie in die yskas gebêre word nie.[6]
In 2010 het die Amerikaanse Sentrums vir Siektebeheer en -voorkoming berig dat 1 uit 25 siektes wat tussen 1998 en 2008 deur kos veroorsaak is, teruggespoor is na restaurantsouse (wat sonder sorg berei en gebêre is).[7] 'n Geskrif van 2010 oor salsahigiëne het gesê verkoeling in 'n yskas is die "sleutel tot" veilige souse. Volgens die studie kan vars lemmetjiesap en vars knoffel die groei van salmonella voorkom.[8]
Verwysings
[wysig | wysig bron]- ↑ Smith, Andrew F. (2009). "Salsa". Oxford Companion to American Food and Drink. Oxford: Oxford University Press. p. 517. ISBN 0195387090.
- ↑ "Salsa" in die HAT. Aanlyn by viva-afrikaans.org (intekening nodig). Besoek op 18 Januarie 2023.
- ↑ Kamp, David (2006). The United States of Arugula. p. 310. ISBN 0767915798.
- ↑ Hoyer, Daniel (2009). Mayan Cuisine. Gibbs Smith. ISBN 9781423610243.
- ↑ "salsa cruda - food". Encyclopædia Britannica.
- ↑ Larry R. Beuchat. "Surface decontamination of fruits and vegetables eaten raw: a review" (PDF). World Health Organization. Geargiveer vanaf die oorspronklike (PDF) op 5 April 2011. Besoek op 22 Julie 2010.
- ↑ "Salsa and Guacamole Increasingly Important Causes of Foodborne Disease". Besoek op 23 Julie 2010.
- ↑ Ma L; Zhang G; Gerner-Smidt P; Tauxe RV; Doyle MP (Maart 2010). "Survival and growth of Salmonella in salsa and related ingredients". J. Food Prot. 73 (3): 434–44. doi:10.4315/0362-028x-73.3.434. PMID 20202327.
Skakels
[wysig | wysig bron]
Wikimedia Commons het meer media in die kategorie Salsa (sous).
Hierdie artikel is in sy geheel of gedeeltelik uit die Engelse Wikipedia vertaal.
