Rugbywêreldbeker 1995

Rugbywêreldbeker 1995
Toernooibesonderhede
Gasheer	Suid-Afrika
Datums	25 Mei – 24 Junie
Aantal nasies	16 (52 kwalifiseer)
Finale posisies
Kampioen	Suid-Afrika
Naaswenner	Nieu-Seeland
Derde plek	Frankryk
Toernooistatistiek
Wedstryde	32
Bywoning	1 100 000 (gem. 34 375 per wedstryd)
Drieë	189 (gemiddeld 5.91 per wedstryd)
Meeste punte	Thierry Lacroix (112)
Meeste drieë	Jonah Lomu Marc Ellis (7 drieë elk)
← 1991	1999 →

Die Rugbywêreldbeker 1995 is van 25 Mei tot 24 Junie 1995 in Suid-Afrika beslis. Dit was die derde rugbywêreldbekertoernooi van die vierjaarlikse rugbywêreldkampioenskap wat deur die Internasionale Rugbyvoetbalraad (IRVR; nou Wêreldrugby) aangebied word en die eerste in Afrika. Dit was die eerste wêreldbekertoernooi in een van Suid-Afrika se gewildste sportsoorte; later het dié land ook die Krieketwêreldbeker 2003 en die FIFA Sokker-Wêreldbekertoernooi in 2010 aangebied. Dit was ook die eerste keer wat ’n Suid-Afrikaanse rugbyspan weer aan ’n internasionale byeenkoms kon deelneem ná die lang stryd teen apartheid en as ’t ware die eerste groot toernooi vir en in Suid-Afrika ná die einde van dié politieke stelsel. Saam met die Afrikanasiesbeker 1996 was die Rugbywêreldbeker 1995 een van twee groot sportkompetisies in Suid-Afrika binne een jaar.

Die Webb Ellis-beker waarom meegeding is

Die toernooi se formaat van 1987 en 1991 het onveranderd gebly en 16 nasionale rugbyspanne het aan die Rugbywêreldbeker 1995 deelgeneem: die gasheer Suid-Afrika, die agt regstreekse kwalifiseerders van die 1991-toernooi (Australië, Engeland, Frankryk, Ierland, Kanada, Nieu-Seeland, Samoa en Skotland), asook die sewe beste spanne van die kwalifisering (Argentinië, Italië, die Ivoorkus, Japan, Roemenië, Tonga en Wallis). Tydens die Rugbywêreldbeker 1995 is 32 wedstryde gespeel, waaronder 24 tydens die groepfase en agt tydens die uitklopfase, insluitende die eindstryd. Die spanne is in vier groepe van vier elk verdeel, waarvan elke span een keer teen al die ander spanne in die groep gespeel het. Die twee beste spanne van elke groep het hierna vir die kwarteindrondte gekwalifiseer. Die nominale gasheer Wallis, die verdedigende kampioen Suid-Afrika, die naaswenner Nieu-Seeland en die derde-plek-span Frankryk het regstreeks vir die volgende Rugbywêreldbeker 1999 in die destydse Vyfnasies gekwalifiseer. Net soos Suid-Afrika het die Ivoorkus vir die eerste keer aan ’n rugbywêreldbekertoernooi deelgeneem. Namibië het vir die eerste keer aan ’n kwalifisering deelgeneem en vyf wedstryde gewen, maar hulle kon egter nie vir die Rugbywêreldbeker 1995 kwalifiseer nie nadat die beslissende wedstryd teen Marokko in ’n gelykop geëindig het.

Suid-Afrika het die eindstryd op Ellispark in Johannesburg teen Nieu-Seeland met 15–12 gewen, nadat ’n bykomende tien minute ekstra tyd toegestaan is toe die telling 9–9 was. Suid-Afrika het daarmee ná Nieu-Seeland in 1987 die tweede gasheer geword wat die rugbywêreldbekertoernooi tuis gewen het en die derde agtereenvolgende kampioen van die Suidelike Halfrond geword, ná Nieu-Seeland in 1987 en Australië in 1991. Daarbenewens was dit die eerste eindwedstryd in dié toernooi se geskiedenis wat twee spanne van die Suidelike Halfrond gesien het. Frankryk het in die derde en Engeland in die vierde plek geëindig; interessant genoeg het die vier groepwenners as die vier beste spanne van die toernooi geëindig.

Die Rugbywêreldbeker 1995 het om verskeie redes geskiedenis gemaak: Dit was die eerste groot sporttoernooi op die Afrikavasteland, die eerste rugbywêreldbekertoernooi wat heeltemal in een land aangebied is en die laaste groot toernooi van rugby se amateurera; twee maande later het die IRVR met die professionalisering van dié sport begin. Die Rugbywêreldbeker 1995 word ook wyd onthou vir die samewerking van alle Suid-Afrikaners onder die bewind van Nelson Mandela se regering van nasionale eenheid. Die oorhandiging van die Webb Ellis-beker deur ’n in die Springboktrui geklede Nelson Mandela aan die Springbokkaptein Francois Pienaar is waarskynlik die bekendste gebeurtenis van die Rugbywêreldbeker 1995 en versinnebeeld die versoening tussen “swart” en “wit Suid-Afrikaners”. Die oomblik is glo een van die beroemdste finale van enige sportsoort. Dit was ook die laaste toernooi met die aantal van 16 nasionale rugbyspanne; vir die volgende Rugbywêreldbeker 1999 is die aantal na 20 verhoog. Vir die eerste keer in ’n rugbywêreldbekertoernooi was ’n drie gelyk aan vyf punte; voorheen was dit vier. Daarbenewens het die Rugbywêreldbeker 1995 die opkoms van die Nieu-Seelander Jonah Lomu as ’n rugbyster gesien.

Toewysing

Speelstede in Suid-Afrika

Nadat die Rugbywêreldbeker 1987 in Australië en Nieu-Seeland en die Rugbywêreldbeker 1991 in al die destydse Vyfnasies aangebied is, was Suid-Afrika die enigste rugbynasie, wat tot dusver nog nie ’n rugbywêreldbekertoernooi aangebied het nie. Weens sy apartheidsbeleid was die land egter uit alle vorme van internasionale rugby geskors, hoewel enkele nasionale rugbyspanne steeds toere na Suid-Afrika onderneem het.

Ná die einde van apartheid en Suid-Afrika se hertoelating tot internasionale sporttoernooie het dié land in 1992 weer ’n volle lid van die IRVR geword. Vervolgens is die Rugbywêreldbeker 1995 aan Suid-Afrika toegewys.

Tydens die Rugbywêreldbeker 1995 is onderhandelinge tussen Australië, Nieu-Seeland en Suid-Afrika se beheerliggame gevoer en SANZAR, die voorganger van die hedendaagse SANZAAR, gestig. Een jaar later, in 1996, is die eerste Drienasiesreeks tussen Australië, Nieu-Seeland en Suid-Afrika beslis. Sedert Argentinië se aansluiting in 2012 staan dié toernooi as Die Rugbykampioenskap bekend.

Deelnemers

Die volgende 16 spanne het vir die Rugbywêreldbeker 1995 gekwalifiseer: Die agt spanne wat tydens die Rugbywêreldbeker 1991 tot die kwarteindrondte gevorder het, het saam met die gasheer Suid-Afrika regstreeks vir die Rugbywêreldbeker 1995 gekwalifiseer. Hulle was Australië, Engeland, Frankryk, Ierland, Kanada, Nieu-Seeland, Samoa en Skotland. Om die oorblywende sewe plekke het tydens die kwalifiseringsrondte 35 nasionale rugbyspanne meegeding.

Spanne wat aan die kwalifiseringstoernooi deelgeneem en die wat regstreeks gekwalifiseer het; altesaam 52 spanne het deelgeneem.

   Afrika

   Amerikas

   Asië

   Europa

   Oseanië

   Nie deelgeneem nie

Uitslag van die kwalifisering:

   Gasheer

   Agt beste spanne van die 1991-toernooi

   Wenner van die plaaslike kwalifisering

   Versuim om te kwalifiseer

   Nie deelgeneem nie

Span	Kwalifiseringmetode	Verskynings by eindstryde	Laaste verskyning	Vorige beste prestasie	Groep
Suid-Afrika	Gasheer	Eerste	–	Debuut	A
Australië	Regstreeks	Derde	1991	Kampioen (1991)	A
Engeland			1991	Naaswenner (1991)	B
Frankryk			1991	Naaswenner (1987)	D
Ierland			1991	Kwarteindrondte (1987, 1991)	C
Kanada			1991	Kwarteindrondte (1991)	A
Nieu-Seeland			1991	Kampioen (1987)	C
Skotland			1991	Vierde plek (1991)	D
Samoa		Tweede	1991	Kwarteindrondte (1991)	D
Argentinië	Kwalifiseringsrondte	Derde	1991	Groepfase (1987, 1991)	B
Italië		Derde	1991	Groepfase (1987, 1991)	B
Ivoorkus		Eerste	–	Debuut	D
Japan		Derde	1991	Groepfase (1987, 1991)	C
Roemenië		Derde	1991	Groepfase (1987, 1991)	A
Tonga		Tweede	1987	Groepfase (1987)	B
Wallis		Derde	1991	Derde plek (1987)	C

Stadions

Altesaam is nege stadions in nege stede dwarsdeur Suid-Afrika vir die Rugbywêreldbeker 1995 gebruik. Van die stadions is met die oog op die toernooi opgeknap. Ses van die nege stadions is Suid-Afrikaanse toetsgronde. In die vier grootste stadions is die uitklopfase en die eindstryd is op die Johannesburgse Ellispark beslis.

Oorspronklik is ook wedstryde in Brakpan, Germiston, Pietermaritzburg, Potchefstroom en Witbank beplan, maar dié wedstryde is na ander plekke verskuif. Hierdeur is die aantal plekke van 14 tot nege verminder. Die redenasie vir hierdie stap was die geriewe vir beide die pers en die toeskouers, maar ook veiligheid. Die stap is in Januarie 1994 gedoen. Verdere veranderinge is in April onderneem, só is aandwedstryde na stadions met goeie spreiligte verskuif.

Johannesburg, Gauteng	Pretoria, Gauteng	Kaapstad, Wes-Kaap	Durban, KwaZulu-Natal
Ellispark	Loftus Versfeld	Nuweland	Kings Park
26°11′51″S 28°3′39″O	25°45′12″S 28°13′22″O	33°58′14″S 18°28′6″O	29°49′30″S 31°1′47″O
Kapasiteit: 60 000	Kapasiteit: 50 000	Kapasiteit: 50 000	Kapasiteit: 50 000
Bloemfontein, Vrystaat	Johannesburg Pretoria Kaapstad Durban Bloemfontein Port Elizabeth Rustenburg Oos-Londen Stellenbosch Rugbywêreldbeker 1995 (Suid-Afrika)
Vrystaatstadion
29°7′2″S 26°12′32″O
Kapasiteit: 40 000
Port Elizabeth, Oos-Kaap	Rustenburg, Noordwes	Oos-Londen, Oos-Kaap	Stellenbosch, Wes-Kaap
Boet Erasmus-stadion	Olympia-park	Basil Kenyon-stadion	Danie Craven-stadion
33°58′55″S 25°38′22″O	25°39′45″S 27°13′19″O	33°0′24″S 27°54′19″O	33°56′24″S 18°52′25″O
Kapasiteit: 38 950	Kapasiteit: 30 000	Kapasiteit: 22 000	Kapasiteit: 16 000

Formaat

Die Rugbywêreldbeker 1995 is oor 30 dae tussen 16 verskillende spanne oor 32 wedstryde beslis. Dit het op 25 Mei 1995 op Nuweland in Kaapstad met die openingswedstryd tussen die gasheer Suid-Afrika en die verdedigende kampioen Australië afgeskop. Die toernooi het geëindig op Ellispark in Johannesburg op 24 Junie met die eindstryd tussen Suid-Afrika en Nieu-Seeland, waartydens die Springbokke die Webb Ellis-beker ingepalm het.

Kalender

Die volgende tabel dui die Rugbywêreldbeker 1995 se daaglikse program aan. ’n Rooi blokkie dui op beide die openings- en sluitingseremonie, ’n pers blokkie op wedstryde tydens die groepfase, ’n groen blokkie op wedstryde tydens die uitklopfase, ’n blou blokkie op die bronseindstryd en ’n geel blokkie op die eindstryd.

Aantal daaglikse wedstryde tydens die toernooi Groepfase Mei/Junie Do 25 Vr 26 Sa 27 So 28 Ma 29 Di 30 Wo 31 Do 1 Vr 2 Sa 3 So 4 Ma 5 Di 6 Wo 7 Do 8 Vr 9 Seremonies OS Groep A 1 1 1 1 2 Groep B 2 1 1 2 Groep C 2 2 2 Groep D 2 2 2 Uitklopfase Junie Sa 10 So 11 Ma 12 Di 13 Wo 14 Do 15 Vr 16 Sa 17 So 18 Ma 19 Di 20 Wo 21 Do 22 Vr 23 Sa 24 Seremonies SS Uitklopfase 2 2 1 1 1 1

Verklaring    Seremonies    Groepfase    Uitklopfase    Bronseindstryd    Eindstryd

Groepe

Groep A	Groep B	Groep C	Groep D
Suid-Afrika Australië Roemenië Kanada	Engeland Samoa Italië Argentinië	Nieu-Seeland   Ierland Wallis Japan	Frankryk Skotland Tonga Ivoorkus

Die groepwedstryde is op die volgende stede verdeel:

• Groep A: Kaapstad, Port Elizabeth en Stellenbosch
• Groep B: Durban en Oos-Londen
• Groep C: Johannesburg en Bloemfontein
• Groep D: Pretoria en Rustenburg

Groepfase

Soos in die rugbywêreldbekertoernooie van 1987 en 1991 is die 16 deelnemende nasionale rugbyspanne in vier groepe van vier elk verdeel; elke span het een wedstryd teen elk van die ander spanne in dieselfde groep gespeel, dus het elke span drie wedstryde in die groepfase gespeel. Drie punte is vir ’n oorwinning toegeken, twee vir ’n gelykop en een vir ’n nederlaag: spanne wat met dieselfde aantal punte geëindig het, is volgens die punte wat total aangeteken is gerangskik.

Klassifisering binne elke groep was gegrond op die volgende puntestelsel:

• Drie wedstrydpunte vir ’n oorwinning;
• Twee vir ’n gelykop;
• Een vir ’n nederlaag.

Aan die einde van die groepfase is die spanne gerangskik van die eerste na die vierde posisie, gegrond op versamelde wedstrydpunte, met die twee beste spanne wat na die kwarteindrondte deurgedring het. As twee spanne gelyk op punte was, is die rangorde deur die punte wat total aangeteken is bepaal.

Uitklopfase

Van die begin van dié fase af het die toernooi ’n uitklopformaat aangeneem wat uit agt wedstryde bestaan het: vier kwarteindstryde, twee halfeindstryde, ’n derdeplekwedstryd en die eindstryd.

Die wenner en naaswenner van elk van die groepe het na die uitklopfase deurgedring. Groepwenners het teen naaswenners in ander groepe in die kwarteindstryde gespeel, byvoorbeeld: die wenner van Groep A het teen die naaswenner van Groep B en die wenner van Groep B teen die naaswenner van Groep A gespeel. Spanne van dieselfde groep sou dus eers weer in óf die bronseindstryd óf die eindstryd kon ontmoet het.

Elke wedstryd in die uitklopfase moes met ’n oorwinning vir een van die spanne eindig. As daar ná tagtig minute van gewone spel ’n gelykopuitslag was, is daar verder gespeel om te bepaal wie die wenner is. Aanvanklik is daar twee periodes van ekstra tyd gespeel, tien minute in elke rigting: as daar dan steeds geen wenner was nie, is daar vir tien minute gespeel in ’n uitklopformaat, waar die eerste span wat daarin geslaag het om punte aan te teken, gewen het. As daar steeds nie ’n wenner was ná 110 minute nie is die wenner bepaal deur ’n stelskopkompetisie.

1995-effek op 1999-kwalifisering

Die nominale 1999-gasheer (Wallis), die verdedigende kampioen (Suid-Afrika), die naaswenner (Nieu-Seeland) en die derde plek-span (Frankryk) het regstreeks vir die volgende Rugbywêreldbeker 1999 gekwalifiseer.

Wedstrydbeamptes

’n Paneel van 22 skeidsregters is vir die toernooi ingespan.

Efraim Sklar (Argentinië) Barry Leask (Australië) Wayne Erickson (Australië) Ed Morrison (Engeland) Steve Lander (Engeland) Joël Dume (Frankryk) Patrick Robin (Frankryk) David McHugh (Ierland) Stephen Hilditch (Ierland) Naoki Saito (Japan) Han Moon-Soo (Korea)

George Gadjovic (Kanada) Colin Hawke (Nieu-Seeland) Dave Bishop (Nieu-Seeland) Felise Vito (Samoa) Jim Fleming (Skotland) Ken McCartney (Skotland) Stef Neethling (Suid-Afrika) Ian Rogers (Suid-Afrika) Don Reordan (Verenigde State) Derek Bevan (Wallis) Clayton Thomas (Wallis)

Wedstryde

Kwalifiseer vir die kwarteindrondte

Uit die toernooi geskakel.

Die wedstryde is in twee fases opgedeel, naamlik die groep- en die uitklopfase.

Groepfase

16 spanne het aan die groepfase deelgeneem. Die twee beste spanne in elke groep het na die uitklopfase deurgedring.

Groep A

Span	S	W	G	V	P v	P t	+/−	D v	P
Suid-Afrika	3	3	0	0	68	26	+42	6	9
Australië	3	2	0	1	87	41	+46	11	7
Kanada	3	1	0	2	45	50	–5	4	5
Roemenië	3	0	0	3	14	97	–83	1	3

25 Mei 1995	Suid-Afrika	27–18	Australië	Nuweland, Kaapstad
15:30 (SAST)	Drieë: Pieter Hendriks, Joel Stransky Doelskop: Joel Stransky Strafdoele: Joel Stransky (4) Skepdoel: Joel Stransky	Verslag	Drieë: Phil Kearns, Michael Lynagh Doelskop: Michael Lynagh Strafdoele: Michael Lynagh (2)	Bywoning: 51 000 Skeidsregter: Derek Bevan (Wal)
Garry Pagel (RSA) het sy toetsdebuut gemaak.

26 Mei 1995	Kanada	34–3	Roemenië	Boet Erasmus-stadion, Port Elizabeth
20:00 (SAST)	Drieë: Al Charron, Colin McKenzie, Rod Snow Doelskoppe: Gareth Rees (2) Strafdoele: Gareth Rees (4) Skepdoel: Gareth Rees	Verslag	Strafdoel: Neculai Nichitean	Bywoning: 18 000 Skeidsregter: Colin Hawke (NZL)

30 Mei 1995	Suid-Afrika	21–8	Roemenië	Nuweland, Kaapstad
14:30 (SAST)	Drieë: Adriaan Richter (2) Doelskop: Gavin Johnson Strafdoele: Gavin Johnson (3)	Verslag	Drie: Andrei Guranescu Strafdoel: Ilie Ivancuic	Bywoning: 45 000 Skeidsregter: Ken McCartney (Sko)
Robby Brink, Marius Hurter en Krynauw Otto (almal RSA) het hul toetsdebuut gemaak. Suid-Afrika vorder hiermee tot die kwarteindrondte. Roemenië is hiermee uit die toernooi geskakel.

31 Mei 1995	Australië	27–11	Kanada	Boet Erasmus-stadion, Port Elizabeth
13:00 (SAST)	Drieë: Michael Lynagh, Tabua Tamanivalu, Joe Roff Doelskoppe: Michael Lynagh (3) Strafdoele: Michael Lynagh (2)	Verslag	Drie: Al Charron Strafdoele: Gareth Rees (2)	Bywoning: 16 000 Skeidsregter: Patrick Robin (Fra)
Michael Foley en Joe Roff (albei Aus) het hul toetsdebuut gemaak.

3 Junie 1995	Australië	42–3	Roemenië	Danie Craven-stadion, Stellenbosch
15:00 (SAST)	Drieë: Damian Smith, David Wilson, Joe Roff (2), Michael Foley, Matt Burke Doelskoppe: Matt Burke (2), John Eales (4)	Verslag	Strafdoel: Ilie Ivancuic	Bywoning: 15 542 Skeidsregter: Naoki Saito (JPN)
Daniel Manu (Aus) het sy toetsdebuut gemaak. Australië vorder hiermee tot die kwarteindrondte. Kanada is hiermee uit die toernooi geskakel.

3 Junie 1995	Suid-Afrika	20–0	Kanada	Boet Erasmus-stadion, Port Elizabeth
20:20 (SAST)	Drieë: Adriaan Richter (2) Doelskoppe: Joel Stransky (2) Strafdoele: Joel Stransky (2) Kaart: James Dalton  74'	Verslag	Kaarte: Gareth Rees  74', Rod Snow  74'	Bywoning: 31 000 Skeidsregter: David McHugh (Irl)
Chris Michaluk (Kan) het sy toetsdebuut gemaak. Gareth Rees en Rod Snow (albei Kan), asook James Dalton (RSA) ontvang in die 74ste minuut rooikaarte ná ’n bakleiery op die speelveld.

Groep B

Span	S	W	G	V	P v	P t	+/−	D v	P
Engeland	3	3	0	0	95	60	+35	12	9
Samoa	3	2	0	1	96	88	+8	13	7
Italië	3	1	0	2	69	94	–25	7	5
Argentinië	3	0	0	3	69	87	–18	8	3

27 Mei 1995	Italië	18–42	Samoa	Basil Kenyon-stadion, Oos-Londen
13:00 (SAST)	Drieë: Paolo Vaccari, Massimo Cuttitta Doelskop: Diego Domínguez Strafdoel: Diego Domínguez Skepdoel: Diego Domínguez	Verslag	Drieë: Brian Lima (2), George Harder (2), Darren Kellet, Shem Tatupu Doelskoppe: Darren Kellet (3) Strafdoele: Darren Kellet (2)	Bywoning: 12 000 Skeidsregter: Joël Dume (Fra)

27 Mei 1995	Argentinië	18–24	Engeland	Kings Park, Durban
17:00 (SAST)	Drieë: Lisandro Arbizu, Patricio Noriega Doelskop: Lisandro Arbizu Strafdoele: Lisandro Arbizu (2)	Verslag	Drieë: Rob Andrew (6) Doelskoppe: Rob Andrew (2)	Bywoning: 30 000 Skeidsregter: Jim Fleming (Sko)

30 Mei 1995	Samoa	32–26	Argentinië	Basil Kenyon-stadion, Oos-Londen
12:30 (SAST)	Drieë: Pat Lam, George Leaupepe, George Harder Doelskop: Darren Kellet Strafdoele: Darren Kellet (5)	Verslag	Drieë: Strafdrie, Rodrigo Crexell Doelskoppe: José Cilley (2) Strafdoele: José Cilley (4)	Bywoning: 15 000 Skeidsregter: David Bishop (NZL)
Wes-Samoa vorder hiermee tot die kwarteindrondte. Argentinië is hiermee uit die toernooi geskakel.

31 Mei 1995	Engeland	27–20	Italië	Kings Park, Durban
17:00 (SAST)	Drieë: Rory Underwood, Tony Underwood Doelskop: Rob Andrew Strafdoele: Rob Andrew (5)	Verslag	Drieë: Massimo Cuttitta, Paolo Vaccari Doelskoppe: Diego Domínguez (2) Strafdoele: Diego Domínguez (2)	Bywoning: 21 000 Skeidsregter: Stephen Hilditch (Irl)
Engeland vorder hiermee tot die kwarteindrondte. Italië is hiermee uit die toernooi geskakel.

4 Junie 1995	Argentinië	25–31	Italië	Basil Kenyon-stadion, Oos-Londen
13:00 (SAST)	Drieë: Matías Corral, Rolando Martín, Strafdrie, José Cilley Doelskop: José Cilley Strafdoel: José Cilley	Verslag	Drieë: Paolo Vaccari, Mario Gerosa, Diego Domínguez Doelskoppe: Diego Domínguez (2) Strafdoele: Diego Domínguez (4)	Bywoning: 12 000 Skeidsregter: Clayton Thomas (Wal)

4 Junie 1995	Engeland	44–22	Samoa	Kings Park, Durban
20:00 (SAST)	Drieë: Rory Underwood (2), Neil Back, Strafdrie Doelskoppe: Jon Callard (3) Strafdoele: Jon Callard (5) Skepdoel: Mike Catt	Verslag	Drieë: Fata Sini (2), Mike Umaga Doelskoppe: Tupo Fa’amasino (2) Strafdoel: Tupo Fa’amasino	Bywoning: 20 000 Skeidsregter: Patrick Robin (Fra)
Damian Hopley, John Mallett en Richard West (almal Eng) het hul toetsdebuut gemaak.

Groep C

Span	S	W	G	V	P v	P t	+/−	D v	P
Nieu-Seeland	3	3	0	0	222	45	+177	29	9
Ierland	3	2	0	1	93	94	–1	13	7
Wallis	3	1	0	2	89	68	+21	9	5
Japan	3	0	0	3	55	252	–197	8	3

27 Mei 1995	Japan	10–57	Wallis	Vrystaat-stadion, Bloemfontein
15:00 (SAST)	Drieë: Osamu Ota (2)	Verslag	Drieë: Gareth Thomas (3), Ieuan Evans (2), Andrew Moore, Hemi Taylor Doelskoppe: Neil Jenkins (5) Strafdoele: Neil Jenkins (4)	Bywoning: 25 000 Skeidsregter: Efrahim Sklar (Arg)
Andrew Moore, Stuart Roy en Gareth Thomas (almal Wal) het hul toetsdebuut gemaak. Gareth Thomas (Wal) teken ’n driekuns aan.

27 Mei 1995	Ierland	19–43	Nieu-Seeland	Ellispark, Johannesburg
20:00 (SAST)	Drieë: David Corkery, Denis McBride, Gary Halpin Doelskoppe: Eric Elwood (2)	Verslag	Drieë: Jonah Lomu (2), Josh Kronfeld, Frank Bunce, Glen Osborne Doelskoppe: Andrew Mehrtens (3) Strafdoele: Andrew Mehrtens (4)	Bywoning: 38 000 Skeidsregter: Wayne Erickson (Aus)
Norm Hewitt (NZL) het sy toetsdebuut gemaak.

31 Mei 1995	Ierland	50–28	Japan	Vrystaat-stadion, Bloemfontein
15:00 (SAST)	Drieë: Neil Francis, Simon Geoghegan, David Corkery, Eddie Halvey, Niall Hogan, 2 Strafdrieë Doelskoppe: Paul Burke (6) Strafdoel: Paul Burke	Verslag	Drieë: Sinali-Tui Latu, Ko Izawa, Seiji Hirao, Masanori Takura Doelskoppe: Yoshihito Yoshida (4)	Bywoning: 15 000 Skeidsregter: Stef Neethling (RSA)
Paul Wallace (Irl) het sy toetsdebuut gemaak. Japan is hiermee uit die toernooi geskakel.

31 Mei 1995	Nieu-Seeland	34–9	Wallis	Ellispark, Johannesburg
20:00 (SAST)	Drieë: Marc Ellis, Walter Little, Josh Kronfeld Doelskoppe: Andrew Mehrtens (2) Strafdoele: Andrew Mehrtens (4) Skepdoel: Andrew Mehrtens	Verslag	Strafdoele: Neil Jenkins (2) Skepdoel: Neil Jenkins	Bywoning: 45 000 Skeidsregter: Ed Morrison (Eng)
Eric Rush (NZL), asook Mark Bennett, Jonathan Humphreys en Greg Prosser (almal Wal) het hul toetsdebuut gemaak. Nieu-Seeland vorder hiermee tot die kwarteindrondte.

4 Junie 1995	Japan	17–145	Nieu-Seeland	Vrystaat-stadion, Bloemfontein
15:00 (SAST)	Drieë: Hiroyuki Kajihara (2) Doelskoppe: Keiji Hirose (2) Strafdoel: Keiji Hirose	Verslag	Drieë: Marc Ellis (6), Eric Rush (3), Jeff Wilson (3), Robin Brooke (2), Glen Osborne (2), Richard Loe, Simon Culhane, Paul Henderson, Craig Dowd, Alama Ieremia Doelskoppe: Simon Culhane (20)	Bywoning: 25 000 Skeidsregter: George Gadjovich (Kan)
Simon Culhane (NZL) het sy toetsdebuut gemaak. Marc Ellis, Eric Rush en Jeff Wilson (almal NZL) teken ’n driekuns aan. Marc Ellis se ses drieë is die meeste deur ’n enkele speler in ’n rugbywêreldbekerwedstryd. Nieu-Seeland druk die destyds meeste drieë (21) in ’n rugbywêreldbekerwedstryd – later oortref deur Australië teen Namibië tydens die 2003-toernooi. Simon Culhane (NZL) skop die meeste doelskoppe (20) in ’n rugbywêreldbekerwedstryd oor. Hy teken ook die meeste punte deur ’n enkele speler in ’n rugbywêreldbekerwedstryd aan. Dit is die destyds hoogste rugbywêreldbekeroorwinning – later oortref deur Australië teen Namibië tydens die 2003-toernooi.

4 Junie 1995	Ierland	24–23	Wallis	Ellispark, Johannesburg
17:00 (SAST)	Drieë: Eddie Halvey, Nick Popplewell, Denis McBride Doelskoppe: Eric Elwood (3) Strafdoel: Eric Elwood	Verslag	Drieë: Jonathan Humphreys, Hemi Taylor Doelskoppe: Neil Jenkins (2) Strafdoele: Neil Jenkins (2) Skepdoel: Adrian Davies	Bywoning: 35 000 Skeidsregter: Ian Rogers (RSA)
Ierland vorder hiermee tot die kwarteindrondte. Wallis is hiermee uit die toernooi geskakel.

Groep D

Span	S	W	G	V	P v	P t	+/−	D v	P
Frankryk	3	3	0	0	114	47	+67	13	9
Skotland	3	2	0	1	149	27	+122	17	7
Tonga	3	1	0	2	44	90	–46	6	5
Ivoorkus	3	0	0	3	29	172	–143	3	3

26 Mei 1995	Ivoorkus	0–89	Skotland	Olympia-park, Rustenburg
16:00 (SAST)		Verslag	Drieë: Gavin Hastings (4), Kenny Logan (2), Peter Walton (2), Peter Wright, Craig Chalmers, Tony Stanger, Paul Burnell, Graham Shiel Doelskoppe: Gavin Hastings (9) Strafdoele: Gavin Hastings (2)	Bywoning: 24 000 Skeidsregter: Felise Vito (Sam)
Gilbert Bado, Max Brito, Frederic Dupont, Patrice Pere en Djakaria Sanoko (almal Civ) het hul toetsdebuut gemaak. Gavin Hastings (Sko) teken ’n driekuns aan en druk vier drieë. Gavin Hastings (Sko) teken ook die destyds meeste punte deur ’n enkele speler in ’n rugbywêreldbekerwedstryd aan – later oortref deur Simon Culhane (NZL) teen Japan tydens dieselfde toernooi.

26 Mei 1995	Frankryk	38–10	Tonga	Loftus Versfeld, Pretoria
18:00 (SAST)	Drieë: Thierry Lacroix (2), Aubin Hueber, Philippe Saint-André Doelskoppe: Thierry Lacroix (3) Strafdoele: Thierry Lacroix (3) Skepdoel: Yann Delaigue	Verslag	Drie: Tevita Va’enuku Doelskop: Sateki Tuipulotu Strafdoel: Sateki Tuipulotu Kaart: Feleti Mahoni  70'	Bywoning: 22 000 Skeidsregter: Steve Lander (Eng)
Inoke Afeaki, Saili Fe’ao, Willie Lose en Unuoi Va’enuku (almal TGA) het hul toetsdebuut gemaak. Feleti Mahoni (TGA) ontvang in die 70ste minuut ’n rooikaart omdat hy op ’n Franse speler getrap het.

30 Mei 1995	Frankryk	54–18	Ivoorkus	Olympia-park, Rustenburg
18:00 (SAST)	Drieë: Thierry Lacroix (2), Abdelatif Benazzi, William Téchoueyres, Sébastien Viars, Guy Accoceberry, Philippe Saint-André, Arnaud Costes Doelskoppe: Christophe Deylaud (2), Thierry Lacroix (2) Strafdoele: Thierry Lacroix (2)	Verslag	Drieë: Aboubacar Soulama, Aboubakar Camara Doelskop: Victor Kouassi Strafdoele: Victor Kouassi (2)	Bywoning: 17 000 Skeidsregter: Han Moon-Soo (Kor)
Jean-Pascal Ezoua (Civ) het sy toetsdebuut gemaak. Frankryk vorder hiermee tot die kwarteindrondte. Ivoorkus is hiermee uit die toernooi geskakel.

30 Mei 1995	Skotland	41–5	Tonga	Loftus Versfeld, Pretoria
20:00 (SAST)	Drieë: Scott Hastings, Eric Peters, Gavin Hastings Doelskop: Gavin Hastings Strafdoele: Gavin Hastings (8)	Verslag	Drie: Ipolito Fenukitau	Bywoning: 21 000 Skeidsregter: Barry Leask (Aus)
Skotland vorder hiermee tot die kwarteindrondte. Tonga is hiermee uit die toernooi geskakel.

3 Junie 1995	Ivoorkus	11–29	Tonga	Olympia-park, Rustenburg
13:00 (SAST)	Drie: Alfred Okou Strafdoele: Athanase Dali (2)	Verslag	Drieë: Manakaetau 'Otai, Sateki Tuipulotu, Strafdrie, Pouvalu Latukefu Doelskoppe: Sateki Tuipulotu (3) Strafdoel: Sateki Tuipulotu	Bywoning: 16 000 Skeidsregter: Don Reordan (VSA)
Soumalia Kone en Daniel Quansah (albei Civ), asook Taipe Isitolo, Akuila Mafi en Joe Mafile’o (almal TGA) het hul toetsdebuut gemaak. Drie minute ná die afskop van die wedstryd tussen Ivoorkus en Tonga is die Ivoriaanse vleuel Max Brito deur verskeie ander spelers gekneus, wat hom van die nek af laat verlam het.

3 Junie 1995	Frankryk	22–19	Skotland	Loftus Versfeld, Pretoria
17:00 (SAST)	Drie: Émile Ntamack Doelskop: Thierry Lacroix Strafdoele: Thierry Lacroix (5)	Verslag	Drie: Rob Wainwright Doelskop: Gavin Hastings Strafdoele: Gavin Hastings (4)	Bywoning: 40 000 Skeidsregter: Wayne Erickson (Aus)

Uitklopfase

	Kwarteindrondte				Halfeindrondte				Eindstryd
	10 Junie – Johannesburg
	Suid-Afrika	42
					17 Junie – Durban
	Samoa	14
					Suid-Afrika	19
	10 Junie – Durban
					Frankryk	15
	Frankryk	36
									24 Junie – Johannesburg
	Ierland	12
									Suid-Afrika	15
	11 Junie – Kaapstad
									Nieu-Seeland	12
	Engeland	25
					18 Junie – Kaapstad
	Australië	22
					Engeland	29			Uitspeel om derde plek
	11 Junie – Pretoria
					Nieu-Seeland	45			22 Junie – Pretoria
	Nieu-Seeland	48
									Frankryk	19
	Skotland	30
									Engeland	9

Kwarteindrondte

10 Junie 1995	Frankryk	36–12	Ierland	Kings Park, Durban
13:10 (SAST)	Drieë: Philippe Saint-André, Émile Ntamack Doelskop: Thierry Lacroix Strafdoele: Thierry Lacroix (8)	Verslag	Strafdoele: Eric Elwood (4)	Bywoning: 20 000 Skeidsregter: Ed Morrison (Eng)

10 Junie 1995	Suid-Afrika	42–14	Samoa	Ellispark, Johannesburg
15:30 (SAST)	Drieë: Chester Williams (4), Chris Rossouw, Mark Andrews Doelskoppe: Gavin Johnson (3) Strafdoele: Gavin Johnson (2)	Verslag	Drieë: Shem Tatupu, Toetu Nu’uali’itia Doelskoppe: Tupo Fa’amasin (2)	Bywoning: 50 000 Skeidsregter: Jim Fleming (Sko)
Brendan Reidy (Sam) het sy toetsdebuut gemaak. Chester Williams (RSA) teken ’n driekuns aan en druk vier drieë.

11 Junie 1995	Engeland	25–22	Australië	Nuweland, Kaapstad
13:00 (SAST)	Drie: Tony Underwood Doelskop: Rob Andrew Strafdoele: Rob Andrew (5) Skepdoel: Rob Andrew	Verslag	Drie: Damian Smith Doelskop: Michael Lynagh Strafdoele: Michael Lynagh (5)	Bywoning: 35 448 Skeidsregter: David Bishop (NZL)
Engeland teken sy eerste oorwinning oor Australië buite die Noordelike Halfrond aan.

11 Junie 1995	Nieu-Seeland	48–30	Skotland	Loftus Versfeld, Pretoria
15:30 (SAST)	Drieë: Walter Little (2), Jonah Lomu, Andrew Mehrtens, Frank Bunce, Sean Fitzpatrick Doelskoppe: Andrew Mehrtens (6) Strafdoele: Andrew Mehrtens (2)	Verslag	Drieë: Doddie Weir (2), Scott Hastings Doelskoppe: Gavin Hastings (3) Strafdoele: Gavin Hastings (3)	Bywoning: 28 000 Skeidsregter: Derek Bevan (Wal)

Halfeindrondte

17 Junie 1995	Suid-Afrika	19–15	Frankryk	Kings Park, Durban
16:30 (SAST)	Drie: Ruben Kruger Doelskop: Joel Stransky Strafdoele: Joel Stransky (4)	Verslag	Strafdoele: Thierry Lacroix (5)	Bywoning: 45 000 Skeidsregter: Derek Bevan (Wal)

18 Junie 1995	Engeland	29–45	Nieu-Seeland	Nuweland, Kaapstad
15:00 (SAST)	Drieë: Will Carling (2), Rory Underwood (2) Doelskoppe: Rob Andrew (3) Strafdoel: Rob Andrew	Verslag	Drieë: Jonah Lomu (4), Josh Kronfeld, Graeme Bachop Doelskoppe: Andrew Mehrtens (3) Strafdoel: Andrew Mehrtens Skepdoele: Zinzan Brooke, Andrew Mehrtens	Bywoning: 51 000 Skeidsregter: Stephen Hilditch (Irl)
Jonah Lomu (NZL) teken ’n driekuns aan en druk vier drieë. Nieu-Seeland word die eerste span om twee eindstryde te haal, nadat hulle in die 1987-eindstryd verskyn het.

Bronseindstryd

22 Junie 1995	Frankryk	19–9	Engeland	Loftus Versfeld, Pretoria
17:00 (SAST)	Drieë: Olivier Roumat, Émile Ntamack Strafdoele: Thierry Lacroix (3)	Verslag	Strafdoele: Rob Andrew (3)	Bywoning: 38 000 Skeidsregter: David Bishop (NZL)
Albert Cigagna (Fra) het sy toetsdebuut gemaak.

Eindstryd

24 Junie 1995	Suid-Afrika	15–12 (e.t.)	Nieu-Seeland	Ellispark, Johannesburg
15:00 (SAST)	Strafdoele: Joel Stransky (3) Skepdoele: Joel Stransky (2)	Verslag	Strafdoele: Andrew Mehrtens (3) Skepdoel: Andrew Mehrtens	Bywoning: 62 000 Skeidsregter: Ed Morrison (Eng)
Tot die eindstryd van die Rugbywêreldbeker 2015 was dit die enigste eindstryd wat tussen twee nasionale rugbyspanne van die Suidelike Halfrond beslis is. Dit was die eerste eindstryd wat in ekstra tyd beslis moes word. Suid-Afrika wen die Rugbywêreldbeker 1995 sonder ’n verlore wedstryd. Hulle word ook die tweede gasheer wat ’n rugbywêreldbekertoernooi tuis kon wen, asook ná Nieu-Seeland in 1987 en Australië in 1991 die derde agtereenvolgende wêreldkampioen van die Suidelike Halfrond.

Rugbywêreldkampioen 1995
Suid-Afrika

Statistiek

Finale puntestand

Hierdie tabel toon die finale puntestand van al 16 deelnemende nasionale rugbyspanne in die Rugbywêreldbeker 1995.

Uitslag van die Rugbywêreldbeker 1995:

   Kampioen

   Naaswenner

   Derde plek

   Vierde plek

   Kwarteindrondte

   Groepfase

   Nie deelgeneem nie

Rang	Span	Groep	S	W	G	V	P	Drieë	Doelskoppe	Strafdoele	Skepdoele
1	Suid-Afrika	A	6	6	0	0	144	13	8	18	3
2	Nieu-Seeland	C	6	5	0	1	327	41	34	14	4
3	Frankryk	D	6	5	0	1	184	17	9	26	1
4	Engeland	B	6	4	0	2	158	11	8	25	4
In die kwarteindrondte uitgeskakel
5	Skotland	D	4	2	0	2	179	20	14	17	0
6	Samoa	B	4	2	0	2	110	14	8	8	0
7	Australië	A	4	2	0	2	109	12	11	9	0
8	Ierland	C	4	2	0	2	105	13	11	6	0
In die groepfase uitgeskakel
9	Wallis	C	3	1	0	2	89	9	7	8	2
10	Italië	B	3	1	0	2	69	7	5	7	1
11	Kanada	A	3	1	0	2	45	4	2	6	1
12	Tonga	D	3	1	0	2	44	6	4	2	0
13	Argentinië	B	3	0	0	3	69	8	4	7	0
14	Japan	C	3	0	0	3	55	8	6	1	0
15	Ivoorkus	D	3	0	0	3	29	3	1	4	0
16	Roemenië	A	3	0	0	3	14	1	0	2	0
	Algeheel		32				1730	189	130	158	16

Meeste punte en drieë

Meeste punte aangeteken: Naam Punte 1 Thierry Lacroix 112 2 Gavin Hastings 104 3 Andrew Mehrtens 84 4 Rob Andrew 79 5 Joel Stransky 61 6 Michael Lynagh 47 7 Simon Culhane 45 8 Neil Jenkins 41 9 Diego Domínguez 39 10 Marc Ellis 35 Jonah Lomu

Meeste drieë gedruk: Naam Drieë 1 Marc Ellis 7 Jonah Lomu 3 Gavin Hastings 5 Rory Underwood 5 Adriaan Richter 4 Chester Williams Thierry Lacroix 8 Joe Roff 3 Eric Rush George Harder Gareth Thomas Paolo Vaccari Josh Kronfeld Walter Little Émile Ntamack Glen Osborne Jeff Wilson Philippe Saint-André

Rolprent

Die Rugbywêreldbeker 1995 vorm die hoofonderwerp van die 2009-rolprent Invictus (Latyn; Afrikaans: “Die onoorwonne”). Dié rolprent is op die boek Playing the Enemy deur John Carlin gebaseer en beskryf hoe die destydse Suid-Afrikaanse president Nelson Mandela tydens die toernooi met sy ondersteuning vir die Suid-Afrikaanse nasionale rugbyspan, die Springbokke, Suid-Afrika oor rassegrense heen verenig het. Die regie is behartig deur Clint Eastwood en die hoofkaraktere Nelson Mandela en Francois Pienaar word deur Morgan Freeman en Matt Damon onderskeidelik vertolk.

Verdere leesstof

• (en) Gerald Davies (2004). The History of the Rugby World Cup. Sanctuary Publishing Ltd. ISBN 1-86074-602-0.
• (en) Nick Farr-Jones (2003). Story of the Rugby World Cup. Australian Post Corporation. ISBN 0-642-36811-2.
• (en) Grant Harding; David Williams (2000). The Toughest of Them All: New Zealand and South Africa: The Struggle for Rugby Supremacy. Auckland, Nieu-Seeland: Penguin Books. ISBN 978-0-14-029577-1.{{cite book}}: AS1-onderhoud: meer as een naam (link)
• (en) Lance Peatey (2011). In Pursuit of Bill: A Complete History of the Rugby World Cup. New Holland Publishers. ISBN 978-1-74257-191-1.

Eksterne skakels

• (en) Amptelike Rugbywêreldbekerwebwerf
• (en) Volledige uitslae en statistiek by ESPN
• (en) Mandela and Pienaar crown a new South Africa – Reliving Rugby World Cup 1995
• (en) Rugby World Cup Standings – 1995
• (en) Rugbywêreldbekerskeidsregters by RugbyRefs.com Geargiveer 1 April 2015 op Wayback Machine
• (en) John Carlin: How apartheid died on a rugby field, 7 Oktober 2008, Cape Argus, bl. 13 & iol.co.za