Olimpiese dorp
'n Olimpiese dorp is 'n doelgeboude tydelike dorp, waar die atlete wat aan die Olimpiese Spele deelneem gehuisves word. Die dorp word swaar beveilig en slegs die deelnemende atlete, amptenare en afrigters word in die dorp toegelaat. Die atlete word van alle geriewe voorsien en is vry om te kom en gaan soos hulle wil.
In beginsel is die Olimpiese dorp 'n fiktiewe dorp wat in die gasheerstad geleë is. Dikwels vind items ook op plekke ver van die gasheerstad plaas, in welke geval kleiner Olimpiese dorpies opgerig word.
Geskiedenis
[wysig | wysig bron]Die eerste Olimpiese dorp word in 1932 in Los Angeles, Kalifornië vir die mansatlete opgerig. Die damesatlete was by die Chapman Park Hotel te Wilshire Boulevard gehuisves.[1]
Tydens die Olimpiese Somerspele 1972 in München het lede van die Black September terroristegroep die Olimpiese dorp binnegedring en die Israeliese atlete as gyselaars aangehou. Uiteindelik kom al elf Israelies tydens die bloedbad van München om die lewe.
Tydens die Olimpiese Somerspele 2008 in Beijing bestaan die Olimpiese dorp uit twee-en-twintig 6-verdieping geboue en twintig 9-verdieping geboue.
Verwysings
[wysig | wysig bron]- ↑ 1932 Los Angeles Olympic Athlete's Village in the Baldwin Hills, besoek op 12 November 2007.
