Learjet 23

Air Zoo Learjet

Die Learjet 23 (oorspronklik Lear Jet 23) is 'n Amerikaanse ses-tot-agtsitplek (twee bemanning en vier tot ses passasiers) tweeling-, hoëspoed-sakestraler vervaardig deur Learjet. Dit is in 1964 bekendgestel, dit was Learjet se eerste model en het 'n nuwe mark vir vinnige en doeltreffende kleinsakevliegtuie geskep. Produksie is in 1966 gestaak nadat 101 vliegtuie afgelewer is.

Ontwikkeling

Met die erkenning van die potensiaal van die Switsersontwerpte enkelmotorige grondaanval FFA P-16 vegvliegtuig, het William Powell Lear, Sr. Swiss American Aviation Corporation (SAAC) gestig om 'n tweemotorige passasiersweergawe te vervaardig: die SAAC-23 Execujet. Die maatskappy het na Wichita, Kansas verhuis en is herdoop na Lear Jet Corporation. Produksie het op 7 Februarie 1962 op die eerste Model 23 Lear Jet begin. Die eerste vlug het op 7 Oktober 1963 met toetsvlieëniers Hank Beaird en Bob Hagen plaasgevind. Op 4 Junie 1964 het die prototipe kort ná opstyg neergestort, toe die vlieënier die vlerkklappe per ongeluk ontplooi het terwyl hy 'n enjinstaking tydens opstyg gedemonstreer het. Uiteindelik is vasgestel dit was 'n vlieënierfout. Hierdie ongeluk het nie die FAA afgeskrik om die Lear Jet 23 sy tipe sertifikaat op 31 Julie 1964 toe te ken nie. Op 13 Oktober 1964 is die eerste produksievliegtuig afgelewer.

Produksie is in 1966 gestaak nadat honderd-en-een vliegtuie afgelewer is. In 1998 was daar na raming nege-en-dertig Model 23's in gebruik. Daar is bekend dat sewe-en-twintig verlore geraak het of onherstelbaar beskadig is deur ongelukke, die mees onlangse was in 2008.

Eksterne skakels

• A history of the Learjet 23-29 series on Airliners.net
• Lear Jet Prototype Nears October Flight Date – Aviation Week & Space Technology
• The William P. and Moya Olsen Lear Papers at The Museum of Flight (Seattle, Wash.)

Hierdie artikel is in sy geheel of gedeeltelik vanuit die Engelse Wikipedia vertaal.