Kabeljou
| Kabeljou | |
|---|---|
| |
Wetenskaplike klassifikasie 
| |
| Domein: | Eukaryota |
| Koninkryk: | Animalia |
| Filum: | Chordata |
| Klas: | Actinopterygii |
| Orde: | Perciformes |
| Familie: | Sciaenidae |
| Genus: | Argyrosomus |
| Spesie: | A. inodorus
|
| Binomiale naam | |
| Argyrosomus inodorus Griffiths & Heemstra, 1995
| |
Die kabeljou (Argyrosomus inodorus) is 'n vis wat deel van die Sciaenidae-familie is en aan die Wes- en Suidkus van Suid-Afrika voorkom, vanaf Namibië tot by die Groot-Keirivier. Dit is 'n gesogte eetvis. In Engels staan die vis bekend as die silver kob. Daar is weinige fisiese verskille tussen die kabeljou en die boerkabeljou, derhalwe word altwee kabeljou genoem.
Agtergrond
[wysig | wysig bron]Die Sciaenidae is nie deel van die Europese kabeljou of te wel die 'regte kabeljou' nie. Die Europese kabeljou is deel van die Gadidae-familie wat drie subfamilies en verskeie spesies het. Die Europese setlaars het Europese name aan Suider-Afrikaanse visse toegeken wat hulle gedink het dieselfde is of min of meer dieselfde lyk.
Voorkoms
[wysig | wysig bron]Die vis is silwer met 'n pienk skynsel op die rug. Kenmerkend is die ry pêrelagtige wit kolle op die sye. Die boerkabeljou is groter as die kabeljou; die gemiddelde grote kabeljou wat gevang word is 10 kg, maar die boerkabeljou kan tot 35 kg swaar word. Die kabeljou se pektorale vin is langer as die boerkabeljou s'n en die vis is ietwat ligter van kleur as die boerkabeljou.
Gewoontes
[wysig | wysig bron]Die vis verkies koeler water en word nie sommer van die strand gevang tussen Kaap Agulhas en die Groot-Keirivier nie maar wel aan die Weskus. Hulle kom voor tot op 'n diepte van 120 m. Hulle vreet hoofsaaklik kleiner visse, tjokka, pylinkvis en skaaldiere.
Sien ook
[wysig | wysig bron]- Alfabetiese lys van visse
- Lys van Suider-Afrikaanse visse volgens wetenskaplike name
- Lys van varswater visfamilies
- Lys van visfamilies
Bronnelys
[wysig | wysig bron]- Top Angling Fishes of Southern Africa. Hennie Crous. 2010. ISBN 978-1-77007-403-3
