City of Westminster
City of Westminster | |
|---|---|
Stad en Londen Borough | |
 Die Paleis van Westminster | |
 Die City of Westminster in Groter Londen | |
| Koördinate: 51°30′N 0°08′W / 51.500°N 0.133°W | |
| Land |  Verenigde Koninkryk |
| Land |  Engeland |
| Plaaslike regering | Westminster City Council |
| Lord Mayor | Audrey Lewis |
| Administratiewe hoofkwartier | City Hall |
| Oppervlak | |
| • Totaal | 22,03 km2 (8,51 vk. myl) |
| • Land | 21,48 km2 (8,29 vk. myl) |
| Bevolking | |
| • Totaal | 233 300[1] |
| • Digtheid | 10 590/km2 (27 400/vk. myl) |
| Tydsone | UTC±00:00 (MGT) |
| • Somertyd | UTC+01:00 (BST) |
| Poskode | NW, SW, WC, W |
| Skakelkodes | 020 |
Die City of Westminster [ˈwɛstmɪnstər] is een van die administratiewe distrikte (boroughs) van Londen. Dit beslaan 'n groot deel van Sentraal-Londen, insluitende die West End, en is wes van die historiese middestad, die City of London en oos van die Royal Borough of Kensington and Chelsea, geleë. Die Teems vorm 'n natuurlike grens in die suide.
Die huidige stadsdistrik City of Westminster is in 1965 met die vestiging van Groter Londen geskep deur die samesmelting van die ou City of Westminster en die distrikte Paddington en St. Marylebone. Die stadstatus van die vroeëre, kleiner Metropolitan Borough of Westminster is ook onmiddellik aan die nuwe distrik toegeken wat deur die Westminster-stadsraad (Westminster City Council) geadministreer word.
Die distrik word in 'n aantal nie-administratiewe buurte onderverdeel, waaronder die historiese regeringskwartier rondom die Paleis van Westminster; die winkelbuurte rondom Oxford Street, Regent Street, Piccadilly en Bond Street; en die vermaaklikheidsbuurt Soho.
Behalwe vir sy groot aantal parke en ander groen ruimtes het die oorwegend residensiële distrik 'n hoë bevolkingsdigtheid. In 2014 is die bevolking op meer as 230 000 beraam.
Baie van Londen se bekendste besienswaardighede is in die City of Westminster geleë, waaronder die Sint James- en Buckingham-paleise, die parlementsgebou (Paleis van Westminster), en 10 Downing Street, die ampswoning van Britse eerste minsters.
Bron
[wysig | wysig bron]- Gray, Robert: A History of London, Hutchinson & Co, London, 1978, ISBN 0-09-133140-4
Verwysings
[wysig | wysig bron]- ↑ Office for National Statistics: Annual Mid-year Population Estimates, 2014
- ↑ "UK Standard Area Measurements (SAM)" (in Engels). Londen: Office for National Statistics. Desember 2013. Geargiveer vanaf die oorspronklike op 24 September 2015. Besoek op 23 September 2014.
Eksterne skakels
[wysig | wysig bron]
Wikimedia Commons het meer media in die kategorie City of Westminster.- (en) Amptelike webtuiste
