Basil D'Oliveira
| Basil D'Oliveira | ||||||
|---|---|---|---|---|---|---|
| Volle naam | Basil Lewis D'Oliveira | |||||
| Gebore | 4 Oktober 1931 Kaapstad, Unie van Suid-Afrika | |||||
| Gesterf | 19 November 2011 (op 80) Worcester, Engeland, Engeland | |||||
| Bynaam(e) | Dolly, Bas | |||||
| Kolfstyl | Regshandig | |||||
| Boulstyl | Mediumsnel-regshandig | |||||
| Rol | Veelsydige speler, afrigter | |||||
| Internasionale geskiedenis | ||||||
| Nasionale span | Engeland | |||||
| Toetsdebuut (no 432) | 16 Junie 1966 v Wes-Indië | |||||
| Laaste Toets | 10 Augustus 1972 v Australië | |||||
| EDI debuut (no 3) | 5 Januarie 1971 v Australië | |||||
| Laaste EDI | 28 Augustus 1972 v Australië | |||||
| Eersterangse spaninligting | ||||||
| Jaar(e) | Span | |||||
| 1960–1963 | Middleton C.C. | |||||
| 1964–1980 | Worcestershire-krieketklub | |||||
| Loopbaanstatistiek | ||||||
| Kompetisie | Toets | EDI | 1e rang | A-lys | ||
| Wedstryde | 44 | 4 | 367 | 187 | ||
| Lopies aangeteken | 2484 | 30 | 19490 | 3770 | ||
| Kolfgemiddeld | 40,06 | 10,00 | 40,26 | 24,96 | ||
| 100s/50s | 5/15 | 0/0 | 45/101 | 2/19 | ||
| Hoogste telling | 158 | 17 | 227 | 102 | ||
| Aflewerings geboul | 5706 | 204 | 41079 | 7892 | ||
| Paaltjies | 47 | 3 | 551 | 190 | ||
| Boulgemiddeld | 39,55 | 46,66 | 27,45 | 23.56 | ||
| 5 paaltjies in 'n kolfbeurt | 0 | – | 17 | 1 | ||
| 10 paaltjies in 'n wedstryd | 0 | n.v.t. | 2 | n.v.t. | ||
| Beste boulontleding | 3/46 | 1/19 | 6/29 | 5/26 | ||
| Vangskote/Stonkings | 29/– | 1/– | 215/– | 44/– | ||
| Bron: Cricinfo, 10 April 2008 | ||||||
Basil D'Oliveira (1931–2011) was ’n veelsydige bruin Suid-Afrikaanse krieketspeler. Hy het van 1966 tot 1972 in 44 toetse vir Engeland gespeel, maar weens die apartheidsbeleid nooit vir sy eie land nie. As regshandige kolwer het hy teen ’n gemiddeld van 40,06 lopies per kolfbeurt 2 484 toetslopies aangeteken. As mediumsnel-regsbouler het hy 47 toetspaaltjies ingeoes. In sy eersterangse loopbaan van 1964 tot 1980 het hy altesame 19 493 lopies aangeteken en 551 paaltjies geneem. Sy insluiting in ’n Engelse toerspan na Suid-Afrika het in 1976 tot die afgelasting van dié toer, ná heftige beswaar teen sy insluiting deur die destydse Suid-Afrikaanse eerste minister, John Vorster, gelei.[1]
Lewensloop
[wysig | wysig bron]Basil Lewis D'Oliveira is op 4 Oktober 1931 op Seinheuwel in Kaapstad in die destydse Unie van Suid-Afrika gebore.[2][3] As jong seun het hy in die bome buite die Nuweland-krieketveld geklim om na die wedstryde te kyk. Hy was later die kaptein van Suid-Afrika se nie-blanke krieketspan, en het ook vir Suid-Afrika se nie-blanke nasionale sokkerspan uitgedraf.[4]
Hy emigreer in 1960 na Engeland en sluit in 1964 by die Worcestershire-krieketklub aan. In 1966 is hy vir die Engelse nasionale krieketspan gekies. In 1968 besef Suid-Afrikaanse krieketbeamptes dat sy insluiting in die Engelse span tot die kansellasie van die toer, en die moontlike uitsluiting van Suid-Afrika uit toetskrieket, sou lei. As gevolg van druk en om krieketbande met Suid-Afrika oop te hou, is aanvanklik besluit om hom nie te kies nie. As gevolg van Tom Cartwright se besering is D'Oliveira uiteindelik tog by die span ingesluit. John Vorster het dit egter reeds duidelik gemaak dat D'Oliveira se insluiting nie aanvaarbaar was nie. Ondanks talle onderhandelinge is die toer uiteindelik gekanselleer. Die D'Oliveira-saak het wyd publisiteit geniet en bygedra om internasionale opinie teen die apartheidsregime te draai.[5]
D'Oliveira het later in sy lewe aan Parkinson se siekte gelei.[6] Hy is op 19 November 2011 (op 80 jarige ouderdom) in Engeland oorlede.[7][8][9]
Verwysings
[wysig | wysig bron]- ↑ HAT Taal-en-feitegids, Pearson, Desember 2013, ISBN 978-1-77578-243-8
- ↑ Obituary, New York Times, 27 November 2011
- ↑ Sengupta, Arunabha (4 Oktober 2013). "Basil D'Oliveira: The man who triggered the international cricket boycott of South Africa" (in Engels). Cricket County. Geargiveer vanaf die oorspronklike op 3 Oktober 2018. Besoek op 20 Maart 2015.
- ↑ Thicknesse, John. "Player Profile: Basil D'Oliveira". CricInfo (in Engels). ESPN. Geargiveer vanaf die oorspronklike op 19 April 2005. Besoek op 11 Junie 2009.
- ↑ Jon Gemmell (2004). The Politics of South African Cricket. Routledge (UK). ISBN 0-7146-5346-2.
- ↑ "Naomi's Story" (in Engels). Geargiveer vanaf die oorspronklike op 6 September 2019. Besoek op 4 November 2011.
- ↑ "England news: Basil D'Oliveira dies aged 80 | England Cricket News" (in Engels). ESPN Cricinfo. Geargiveer vanaf die oorspronklike op 22 Maart 2019. Besoek op 19 November 2011.
- ↑ "Basil d'Oliveira dies: Sport: Cricket" (in Engels). Sport24.co.za. Geargiveer vanaf die oorspronklike op 3 Oktober 2018. Besoek op 19 November 2011.
- ↑ "England legend D'Oliveira dies". news.bbc.co.uk. 19 November 2011. Besoek op 19 November 2011.
Eksterne skakels
[wysig | wysig bron]- D'Oliveira se amptelike webtuiste Geargiveer 11 Oktober 2010 op Wayback Machine
- Profiel op cricketarchive.com
- Profiel op espncricinfo.com
Normdata  |
|
|---|