Oranienburg (kamp-kreizennañ)
Kamp-kreizennañ Oranienburg a oa ur c'hamp-kreizennañ a voe savet gant an nazied e miz Meurzh 1933 e-kreiz Oranienburg (Brandenburg) e-lec'h ma oa ur vreserezh ma teue izili SA. Unan eus kampoù-kreizennañ kentañ an Trede Reich e voe. Pa voe diskaret SA ez eo izili SS a reas war e dro (miz Gouere 1934). Betek ma vefe serret ar c'hamp e miz Gouere 1935 e voe bac'het 3 000 paotr ha teir maouez ennañ. 16 den da nebeutañ a voe lazhet gant ar warded, en o zouez ar skrivagner anarkour Erich Mühsam (d'an 9 a viz Gouere 1934). E 1936 e voe savet kamp-kreizennañ Sachsenhausen nepell diouzh Oranienburg.
Tud brudet bet bac'het er c'hamp
[kemmañ | kemmañ ar vammenn]- Alwin Brandes, ezel eus SPD ha penn ur sindikad
- Edmund Bursche, pastor
- Hans Coppi, stourmer komunour
- Alexander Falzmann, pastor
- Erich Knauf, skrivagner
- Erich Mühsam, skrivagner
- Ehm Welk, skrivagner
- Kurt Hiller, peoc'hgarour
- Gerhart Seger, sokial-demokrat
- Friedrich Ebert, ezel eus ar Reichstag
- Ernst Heilmann, dileuriad SPD e parlamant Land Prusia
- Ernst Hörnicke-Zerbst, dileuriad KPD er Reichstag
- Kurt Magnus ha Heinrich Giesicke, renerien kevredigezh skingomz ar Reich (Reichsrundfunkgesellschaft)
- Alfred Braun, aktor, sevener, senarier ha produour
- Marie Luise Fähling, gwreg Erich Fähling, komunour
Gwelout ivez
[kemmañ | kemmañ ar vammenn]Liammoù diavaez
[kemmañ | kemmañ ar vammenn]- Kamp Oranienburg e lec'hienn stiftung-bg (en alamaneg)
- Kamp Oranienburg e lec'hienn dhm (en alamaneg)
L O S K A B E R Z H • Holocaust