1996

Die jaar 1996 was 'n skrikkeljaar wat volgens die Gregoriaanse kalender op 'n Maandag begin het. Dit was die 96ste jaar van die 20ste eeu n.C. In teenstelling met gewone jare het die jaar 366 dae en 'n 29 Februarie gehad.

Gebeure

• 1 Januarie – Slowenië betree die Sentraal-Europese Vryehandelsooreenkoms.
• 19 Januarie – CAF se Afrikanasiesbeker skop af in Johannesburg, Suid-Afrika.
• 3 Februarie – Laaste wedstryd van die Afrikanasiesbeker word in Johannesburg gespeel en deur Suid-Afrika gewen.
• 14 Februarie–17 Maart – Die 6de Krieketwêreldbeker word in Indië, Pakistan en Sri Lanka aangebied en deur Sri Lanka gewen.
• 11 Mei – ´n DC-9 van die Amerikaanse prysvegter ValuJet Airlines stort by Miami in die moerasgebied van die Everglades National Park, Florida, neer: 109 insittendes sterf.
• 17 Julie – Die Gemeenskap van Portugese Lande word deur Angola, Brasilië, Guinee-Bissau, Kaap Verde, Mosambiek, Portugal en São Tomé en Príncipe in Lissabon gestig.
• 19 Julie-4 Augustus – Die 26ste Olimpiese Somerspele word in Atlanta, Verenigde State van Amerika, aangebied.
• 4 Augustus – Josia Thugwane, is die eerste swart Suid-Afrikaanse atleet wat ’n goue Olimpiese medalje verwerf – tydens die Olimpiese Spele in Atlanta in die marathon.
• 15-26 Augustus – Die tiende Paralimpiese Somerspele word in Atlanta, Verenigde State van Amerika, aangebied.
• 5 November – Bill Clinton verslaan sy teenstander, Bob Dole, in die Amerikaanse presidentsverkiesing vir sy tweede ampstermyn.
• 7 Desember – Columbia keer terug na die aarde na 18 dae in die ruimte om sodoende die langste ruimtependeltuigvlug nog te voltooi.

Geboortes

• 5 Januarie – Suné Luus, Suid-Afrikaanse internasionale vrouekrieketspeler.
• 7 Februarie – Pierre Gasly, Franse Formule Eenrenjaer.
• 23 Maart – Alexander Albon, Brits-Thaise Formule Eenrenjaer.
• 17 April – Lorna Fitzgerald, Engelse aktrise.
• 17 September – Esteban Ocon, Franse Formule Eenrenjaer.
• 13 November – Dougie Baldwin, Australiese akteur.
• 23 November – Andrie Steyn, Suid-Afrikaanse internasionale vrouekrieketspeler.
• 29 November – Raisibe Ntozakhe, Suid-Afrikaanse internasionale vrouekrieketspeler.

Sterftes

• 28 Januarie – Joseph Brodsky, Russies-Amerikaanse digter en essayis (* 1940).
• 29 Januarie – Jamie Uys, Suid-Afrikaanse akteur en regisseur (* 1921).
• 4 Februarie – Gerry Brand, Springbokrugbyspeler (* 1906).
• 6 April – Kristo Pienaar, Suid-Afrikaanse plantkundige, skrywer, akteur en TV-aanbieder (* 1922).
• 6 April – Greer Garson, Engelse aktrise (* 1904).
• 18 April – Piet Hein, Deense wetenskaplike, wiskundige, uitvinder, skrywer en digter (* 1905).
• 9 Mei – Basil Kenyon, Suid-Afrika se een-en-twintigste Springbokkaptein (* 1918).
• 20 Mei – Jon Pertwee, Engelse akteur (* 1919).
• 2 Junie – Pilar Lorengar, Spaanse sopraan-operasanger (* 1928).
• 15 Junie – Ella Fitzgerald, Amerikaanse sangeres (* 1917).
• 17 Junie – Thomas Kuhn, Amerikaanse akademikus (* 1922).
• 18 Junie - Erika Dannhoff, Duitse aktrise (* 1909).
• 1 Augustus – Frida Boccara, Franse sangeres (* 1940).
• 14 Augustus – Sergiu Celibidache, Romeense orkesdirigent en komponis (* 1912)
• 13 September – Tupac Shakur, Amerikaanse rapper, in Las Vegas doodgeskiet (* 1971).
• 14 September – Helen Cohan, Amerikaanse aktrise (* 1910).
• 3 November – Jean-Bédel Bokassa, president van die Sentraal-Afrikaanse Republiek (* 1921).
• 16 Desember – Laurens van der Post, Suid-Afrikaanse skrywer (* 1906).
• 20 Desember – Carl Sagan, Amerikaanse sterrekundige, astrofisikus, kosmoloog en skrywer (* 1934).